2 Peter 2:1 - Lakota Portions

¹ Ehaƞni watohaƞlya Wahoṡiyakuƞzapi eya Israel oyate ki wowiċakiyapi. Wauƞspekiyakuƞzapi ki hena nakuƞ naḣma ahi na uƞṫuƞniyaƞpi kta uƞ owak̇aƞk̇aƞ woglakapi kte. Eyaṡ wauƞspewiċakiyapi ki lena Iṫaƞċaƞ ihaƞkiya uƞṡiwiċala kʹuƞ he ektuƞjapi, na he kiċiċapi ṡni, na hena yulena sʹe ihaƞgiċ'iyapi kte.

2 Peter 2:1 Referans Kwoze

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

2 Peter 2:3

Iṡiwaċiƞpi na ċoyaiya wayupikapi ki uƞ oyate ki wiċagnayaƞpi kte. Eyaṡ Wak̇aƞṫaƞka ehaƞni hena tokel wiċakaṡtakiƞ kte ki he ogna egle, na Wak̇aƞṫaƞka igluwinyeyauƞ.

2 Timothy 4:3

Aƞpetu waƞ u kte ki he el oyate ki taku heċetu ṡni ki hena eċela naḣ'uƞ ċiƞpi kte. Eṡʹeyaṡ, wauƞspewiċakiyapi eya nuƞġe akataƞhaƞ eċela onaḣ'uƞwaṡte ċa oyakapi hena eċa owiċalepi kte.

Titus 3:10

Etaƞ woṡic̄api ec̄ela slolyapi hena waƞji naiƞṡ nupa akigle iwahowiċayayiƞ. Hehaƞl awiċaluṡtaƞ kte.

Titus 1:11

Eyaṡ leċel iċiḣmiya wiyukc̄aƞpi ki hena wiċayuinilapi kte. Mazaska ec̄ela ċiƞpi uƞ tiwahe alataya owiċayujujupi, le heċetu ṡni.

Philippians 3:19

hena tuktel wiċotakuƞni ṡni waƞ yaƞka ċa ekta yapi. Iyeawaiċ'iyukc̄aƞpi na taku imnaiċ'iyapi kte ki hena eċela olepi. Mak̇a el wotakuƞni ṡni ki hena eċela awaiyukc̄aƞ uƞpi.

Mark 13:22

Wiċaṡa-wak̇aƞ-waayaṫaƞiƞ na Wanikiya heċapi keya aṫaƞicʹiyapi kte. Hena nakuƞ waasniyaƞpi kte ki heuƞ wiċagnayaƞpi kte, okihi pic̄a ki, Wak̇anṫaƞka oyate waṡte ki hena k̇o wiċagnayapi kte.

Ephesians 4:14

Wak̇aƞyeja ċa nahaƞḣc̄i ksap̄ap̄i ṡni iyeċel opiuƞk̄icʹiyap̄i [kte ṡni.]uƞk̄ok̄ihip̄i ṡni. Oyate wiċagnayaƞp̄i ki hena heċet̄u uƞlak̄ap̄i ki he waṡte ṡni yelo. [Oyate eya wooyake heċetu ṡni ċa yaoṫaƞiƞpi ki hena anawiċaġoptaƞpi kte ṡniyo, owak̇aƞk̇aƞpi sʹa hena nignanya wiċakiyapi ṡniyo,] Ok̄enaṡ uƞk̄iṫawaċiƞp̄i ki ṫat̄et̄a k̄aḣwok̄iƞ ktelo.

Jude 1:18

Aƞpetu ehake ki he ik̇iyela ekta oyate eya iṡna awaiċ'ic̄iƞpi na taku wak̇aƞ ki hena wiċalapi kte ṡni, na Wak̇aƞṫaƞka oṡteglapi kte.

1 Peter 1:8

Jesus Christ tohaƞni wanlake ṡni, na waƞna wanlake ṡni. Eyaṡ wiċayala na taku uƞ wiċayala ki he teyaḣila, naġi niwiċayapi waƞ niċ'upi ki he wopila uƞ woiye eya eha yaċiƞ kʹuƞ hena waƞniċe sʹeċa.

Ephesians 1:7

Christ k̄ak̄ijiƞ na we kpapsuƞ heuƞ wowaḣt̄ani hetaƞ uƞk̄iyuṡkap̄i. Wak̇aƞṫaƞk̄a t̄ohaƞok̄ik̄a waṡte;

Luke 21:8

Ċa Jesus leċel awiċayupte, “Waktapo, huƞḣ nignayaƞ waċiƞpi ktelo. Takuwe leṗe ki le, ṫokata enagnakiya oyate eya miye keyapi kte. ‘Messiah ki miye,’ eya upi ktelo. Naiƞṡ leyapi kte, ‘Wiċouƞ waƞ sloluƞyapi ki he wanic̄iƞ kte ki wana kiyela,’ eyapi. Eyaṡ, wic̄ak̇e wic̄alapi ṡni yo. Nignayaƞ waċiƞpi ktelo.

Luke 6:26

“Tohaƞl oyate ki niyawaṡtepi ki kiksuyapo, ehaƞni nititakuye niṫokab iyayapi waƞ hena iƞṡ-eya wiċaṡa-wak̇aƞ-waayaṫaƞiƞ eya wic̄ak̇api ṡni ki hena wiċayuonihaƞpelo!”

Luke 12:9

Eyaṡ tuwa slolmaye ṡni kuƞze haƞtaƞṡ, hena ogligle wiċiṫokabya iƞṡ-eya slolyapi kte ṡni.

1 Timothy 5:8

Tuwe titakuye ewiċakiktuƞjapi iyeċel el ewiċatuƞwaƞpi ṡni ki hena, wowiċala ki agluṡtaƞpi. Na etaƞ wowiċala yuhapi ṡni kʹuƞ hena isamya Wak̇anṫaƞka wicalapi ṡni.