2 Peter 1:9 - Lakota Portions

⁹ Eyaṡ le naokpaniya yauƞ haƞtaƞnaṡ, wiċaṡa waƞ iṡtaġuġa ki he iyeċel yauƞ, eċiƞ ehaƞni wayaḣtani sʹa tk̇a he eyaktuƞje ki heuƞ.

2 Peter 1:9 Referans Kwoze

Titus 2:14

He uƞkiyepi uƞ icʹicʹu heċel taku ṡic̄aya iyopte ki hetaƞhaƞ yuḣeyab uƞkic̄upi ċiƞ ki heuƞ. Wak̇aƞṫaƞka ṫaoyate heuƞċapi heuƞ ċaƞte kicʹuƞyaƞ ni uƞkʹuƞpi kta.

Ephesians 5:26

Ok̇olakiċiye wak̇aƞ ki he ṫaoiye ki uƞ yuwak̇aƞ, mni uƞ yujaja na ohakab yuwak̇aƞ.

1 Peter 3:21

Mnitaƞ ṫaƞka ki he wak̇aƞ woeċuƞ waƞ mnianiċaṡtaƞpi ki uƞ yanipi kta eyapi ki he iyeċetu. Eyaṡ mniawiċakaṡtaƞpi ki he mni eċela uƞ ṫaċaƞ ki niyujajapi kte ṡni. Tk̇a Wak̇aƞṫaƞka etkiya ṫawaċiƞ waṡteya uƞ miċ'iċ'u kte, eċiƞ Jesus Christ wiċuƞtʹe etaƞhaƞ yukinipi ki heuƞ.

Luke 18:22

Jesus le naḣʹuƞ hehaƞ heye, “Taku waƞ ehake eċanu ktelo. Waluha ki hena iyuha wiyoṗekiya yo. Na iyayiƞ na mazaska ki uƞṡike ki wiċakʹu wo. Hel ogna Wak̇aƞṫaƞka ṫawokiċuƞze ekta wijic̄a yauƞ ktelo. Na hehaƞl hiyu na mihakab uƞ wo,” eye.

Mark 10:21

Jesus owoṫaƞla uƞṡilaka ognayaƞ ayuta na hekiye, “Taku waƞjila yaċiƞ yelo. Iyayiƞ na taku luha ki hena wiyoṗeyiƞ na uƞṡika ki hena mazaska ki wiċakʹu wo, kihaƞ maḣpiyata woohiye nicʹiċaġiƞ ktelo. Na hehaƞl mihakab yau ktelo.”