2 Peter 1:6 - Lakota Portions

⁶ wowaċiƞṫaƞka ki hena uƞ ċaƞtiyuṡkiƞyaƞ Wak̇aƞṫaƞka etkiya ilag niċ'iyiƞ kte,

2 Peter 1:6 Referans Kwoze

2 Peter 1:3

Wak̇aƞṫaƞka ṫawowaṡʹake ki he uƞ taƞyaƞ uƞkigluhapi uƞkokihipi. Na ṫawowaṡte ki he tokel yunayeuƞyapi uƞkokihipi kte ki he okaḣniḣ uƞkiyapi kte.

Luke 21:19

Wic̄amayalapi ki ogna oihaƞke wanilya niyauƞpi ktelo.

Titus 2:2

Wiċaṡa ki hena waḣwayela opiicʹiyapi kte, blesyahaƞ ċaƞte kicʹuƞyaƞ uƞpi kte na itomni icʹiyapi kte ṡni. Wowic̄ala na wowauƞṡila na wowaċiƞye ki hena waṡʹagya gluhapi kte

Titus 1:8

Eṡʹeyaṡ wiċaṡa ṫokec̄api hena taƞyaƞ wiċakuwapi na uƞṡiwiċalapi kte. Na lena iyokipiya eċuƞpi kte. Na naġiksabya uƞpi na owoṫaƞla waokuwapi na Wak̇aƞṫaƞka awaċiƞyaƞ uƞpi, na waċiƞṫaƞgya igluhapi kte.

1 Thessalonians 1:3

Wowiċala niṫawa ki yuhohopiċa ṡni ki he, na wauƞṡilaya wowaṡi eċanuƞ ki hena, Ate Wak̇aƞṫaƞka uƞkokiyakapi.

Luke 8:15

Na su eya owoju waṡte el hiƞḣpaye ki hena oyate eya woṫaƞiƞ-waṡte ki naḣʹuƞpi na ċaƞlwaṡteya na owoṫaƞla ċaƞteokignakapi. Lena sutaya manipi na wiċoni waṡte ṫawapi.

2 Peter 3:11

Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte.

Titus 1:1

Wayaka iyeċel Wakaƞṫaƞka ṫawowaṡi ki, na Jesus Christ ṫawahoṡiye ki, le Paul miye. Wak̇aƞṫaƞka ṫaoyate ṫawowic̄alapi ki waṡʹakapi na taƞyaƞ okaḣniġapi kte na heuƞ owoṫaƞla uƞpi kta ċa wowapi wakaġe.

2 Timothy 3:5

Wak̇aƞyaƞ igluhapi sʹelec̄eċa kʹeyaṡ, tokel igluhapi ki he akaƞtaƞhaƞ eċela aṫaiƞ kte. Oyate eya heċel igluhapi ki hena etaƞhaƞ nigluḣlayayiƞ kte lo.

1 Timothy 6:11

Timothy, Wak̇aƞṫaƞka niyuha ki heuƞ taku ṡiċa ki hetaƞhaƞ iḣayab nigluziƞ kte. Wak̇aƞṫaƞka ṫaoiye ki aiyeċel nigluha yaċiƞ ki he waṡte kte. Waċiƞye pic̄a yauƞ kte, wauƞṡiyala kte, waċiƞniyapi, na waḣwayela yauƞ kte.

1 Timothy 6:6

Taku uƞyuhapi ki isam awauƞċiƞpi ṡni haƞtaƞṡ, woċekiye ogna uƞkʹuƞpi ki wiċoni waṡte uƞyuhapi kte.

1 Timothy 6:3

Tuwa takuƞl ṫokca ċa ogna wauƞspewiċakiya haƞtaƞnaṡ Jesus Christ wouƞspe ki he wiċala ṡni.

1 Timothy 3:16

Wowiċala wak̇aƞ ki le e: Christ wiċaṡa heċel mak̇a akaƞl hi. Woniya Wak̇aƞ ki yaaṫaƞiƞ, ogligle ki waƞyaƞkapi. Mak̇a owaƞċaya Christ yaoṫaƞiƞpi. Mak̇a owaƞċaya oyate ki wiċalapi, na maḣpiya wokiċuƞze etkiya akiyaglapi.

1 Timothy 2:10

Wiƞyaƞ eya Wak̇aƞṫaƞka teḣila keyapi hena waokiyapi ki waṡte kte,

1 Timothy 2:2

Wiċaṡa wiċayataƞpi na tuwa wowaṡʹake yuhapi ki hena, waċewiċauƞkic̄iċiyapi kte, heċel Wak̇aƞṫaƞka iṫokab yuonihaƞ ċekiya na waḣwayela uƞkʹuƞpi kte.

2 Thessalonians 3:5

Wak̇aƞṫaƞka hoyewakiye, he ṫawowauƞṡila ki iyeċel wauƞṡiyalapi kte na Christ waċiƞṫaƞka ki he iyeċel nigluhapi kte.

2 Thessalonians 1:4

Woteḣika ohaƞ yauƞpi na iyotiyeyakiyapi eyaṡ iƞniyaṡni wowiċala gluha waċiƞṫaƞgya yauƞpi ki heuƞ ċa Ok̇olakiċiye Wak̇aƞ ki el uƞniyataƞpi.