2 Peter 1:5 - Lakota Portions

⁵ Wowiċala niṫawa ki he saƞmṗaya leċel yagluwaṡte kte, wowaṡte ki ena, wookaḣniġe ki ena,

2 Peter 1:5 Referans Kwoze

Philippians 4:8

Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!

2 Peter 1:10

Mitakuyepi, Wak̇aƞṫaƞka nikaḣnigapi ki he he tohaƞyaƞ oyakihipi ki hehaƞyaƞ eċel gluaṫaƞiƞpo. Leċel yauƞpi haƞtaƞnaṡ, tokel niċ'iċuƞzapi ki hetaƞyaƞ iḣayab ilalapi kte ṡni, na he ogna waṡʹagya yauƞpi kte.

Philippians 1:9

Leċel ċec̄ic̄iċiyapi, waċaƞte-oyeċignakapi ki he isam waṡte kte na heuƞ nakuƞ waayablezapi ki he isam waṡte ktelo.

2 Peter 3:14

Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte.

Ephesians 5:17

Waċiƞṫuƞ ṡniya wiyukcaƞ ṡni yo. Eċaƞleṡ, Wak̇aƞṫaƞka ouƞye ki he ogna uƞ waċiƞ yo.

Philippians 2:12

Mitakuyepi, niohaƞ wauƞ waƞ hehaƞ ohiƞniyaƞ taku oċiċiyakapi ki hena ahoyaṗapi. Eyaṡ waƞna niṫehaƞ wauƞ eṡa lena woyaksape ki tok̇a lawapi kte. Ċa wowiċala luhapi ki he taƞyaƞ ahokiṗaya wowaṡi eċuƞpo.

Luke 24:21

Jesus uƞkiyuṡkapi kte ki he Israel oyate ki awaċiƞya uƞkʹuƞpi tk̇a. Wana aƞpetu ic̄iyamni na nahaƞḣc̄i wakta uƞkʹuƞpi.

1 Peter 3:7

He iƞṡʹeya iyeċel wiċa ki ṫawiċu ahawiċakiktapi kte. Na wiċayuonihaƞpi kte eċiƞ hena wiċa waṡʹakapi ki he waiyehaƞ waṡʹakapi ṡni ki heuƞ, na he kiċi wiċoni oihaƞke ṡni ki he luhapi kte. Hehaƞl niṫawoċekiye ki hena takuƞni kuṡeyeṫuƞ kte ṡni.

Luke 16:26

Na osmaka ṫaƞka waƞ iyokogna yaƞke, ċa tuweni leċiyataƞhaƞ heċiya ya okihi ṡni, na heċiyataƞhaƞ leċiya u okihi ṡni,” eye.

2 Peter 1:11

Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte.