2 Peter 1:3 - Lakota Portions

³ Wak̇aƞṫaƞka ṫawowaṡʹake ki he uƞ taƞyaƞ uƞkigluhapi uƞkokihipi. Na ṫawowaṡte ki he tokel yunayeuƞyapi uƞkokihipi kte ki he okaḣniḣ uƞkiyapi kte.

2 Peter 1:3 Referans Kwoze

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

1 Peter 2:21

Iṡnikal eṡ, Niyepi uƞ Christ wokakije ki he woiwaƞyaƞke heċa, ṫaoye ki he ahoyaṗe ki haƞ wokakije waƞ wanlakiƞ kte, heuƞ Wak̇aƞṫaƞka nic̄aḣniġe,

2 Thessalonians 2:14

Wak̇aƞṫaƞka owahokuƞkiye ki ogna waablesniċiyapi, heċel Iṫaƞċaƞ Jesus Christ ṫawowitaƞ ki yunayeniċiyapi kte.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

1 Thessalonians 2:12

Wiċoni niṫawa ki uƞ tokel Wak̇aƞṫaƞka luonihaƞ kte he ognayaƞ blihel uƞniyaƞpi kte ḣc̄iƞ, na he ognayaƞ wahokuƞ uƞniċiyapi. Wak̇aƞṫaƞka ṫawokiċunze na ṫawowitaƞ ki hena iyoniwaja kta niċaḣniġe.

1 Thessalonians 4:7

Wiċaṡaṡniya yauƞpi kta uƞ Wak̇aƞṫaƞka niċaḣniġapi ṡni, tk̇a eyaṡ ƞiyueċetupi kta uƞ ċa hecuƞ.

1 Peter 1:15

Wak̇aƞṫaƞka ṫawokiċuƞze el oyate ki tokel igluhapi kte ki iyeċel uƞpo, Iċiƞ Wak̇aƞṫaƞka wak̇aƞ na iye ċa nikaḣniġe.

Ephesians 4:1

Ċaƞkelak̇a, Iṫaċaƞ ki iċ'iċ'uya ihakab uƞ waƞhe eċa ake ċekiya waec̄uƞċiṡipi kte, wiċoni niṫawapi ki uƞ wowaṡi waƞ ihaƞkeya waṡte ki he el niċ'iċ'upi kte,

2 Peter 1:2

Wak̇aƞṫaƞka uƞṡinilapi na waḣwayela uƞniċiyapi kta uƞ ċewakiye! Wak̇aƞṫaƞka na Iṫaƞċaƞ Jesus aƞpetu iyohila wokaḣniġe ki he isamya oyakaḣniġapini eċami.

2 Peter 1:5

Wowiċala niṫawa ki he saƞmṗaya leċel yagluwaṡte kte, wowaṡte ki ena, wookaḣniġe ki ena,

1 Peter 3:9

Oyate ki waḣtenilapi ṡni na oṡteniglapi kʹeyaṡ ṫokiċ'uƞpi ṡni yo. Eṡ eyaṡ, tuwe ki iyuha taƞyaƞ owiċakuwapo. Wak̇aƞṫaƞka ṫaoyatepi kta nikaḣniġapi heuƞ,Wowapi Wak̇aƞ ki el heċel owapi,

1 Timothy 4:8

Woiye eya leċel eyapi ki he heċetu, “Taċaƞ ki igluṡkaƞṡkaƞpi ki he ṫaċaƞ ki iwaṡte kte, eyaṡ wowiċalayuhapi ki he taku iyuha wookiye yuhapi kte. Lecel eċuƞpi ki hena wiċozaƞni yuhapi kte na ṫokata zaƞniyaƞ uƞpi kte.” Woiye ki lena yuhapi na ektuƞjepica ṡni.

Ephesians 4:4

Ṫaċaƞ ki waƞjila ki he iyeċel ok̇olakiċiye wak̇aƞ oṗapi ki hena iyuha waƞjilapi. Wak̇aƞṫaƞka waƞjila ki he iyeċel Woniya Wak̇an ki waƞjila, Wak̇aƞṫaƞka ṫaoyatepi kta niċaḣniġapi waƞhehaƞ waċiƞyekiya woaṗe waƞ iyaċ'upi.

Philippians 4:8

Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

1 Peter 1:5

Wak̇aƞṫaƞka wiċayala ki heuƞ ṫawowaṡʹake uƞ niyuha kte, aƞpetu ihaƞke ekta wiċayasupi kte ki hehaƞyaƞ. Na hehaƞl woohiye waƞ ċiƞniċiye kʹuƞ he yuha niċiƞyiƞ kte.

Philippians 3:8

Christ Jesus Iṫaƞċaƞ ki slolyapi ki he eċela waṡte. Taku wiċawala tk̇a waƞ hena iyuha abluṡtaƞ na hehaƞya takuƞni waye ṡni. Heċel Christ kiċi ṫaoye ogna mawani kte

2 Peter 1:6

wowaċiƞṫaƞka ki hena uƞ ċaƞtiyuṡkiƞyaƞ Wak̇aƞṫaƞka etkiya ilag niċ'iyiƞ kte,

2 Peter 1:8

Leċel wiċoni niṫawa ki uƞ nigluha ki, Iṫaƞċaƞ Jesus Christ ṫaoye ki he tokel k̇e kʹuƞ he, taƞyan aṫaƞiƞ kte.

2 Peter 1:10

Mitakuyepi, Wak̇aƞṫaƞka nikaḣnigapi ki he he tohaƞyaƞ oyakihipi ki hehaƞyaƞ eċel gluaṫaƞiƞpo. Leċel yauƞpi haƞtaƞnaṡ, tokel niċ'iċuƞzapi ki hetaƞyaƞ iḣayab ilalapi kte ṡni, na he ogna waṡʹagya yauƞpi kte.

2 Peter 2:20

Iṫaƞċaƞ na wanikiya Jesus Christ onaḣ'uƞpi waƞ hehaƞ, mak̇a wotakuniṡni waƞ hetaƞ naiċ'iṡpapi. Eyaṡ taku waƞ etaƞ igluḣlayapi waƞ hetaƞ ake el kiglapi, na he tokel uƞpi tk̇a waƞ he isaƞmya ṡilya uƞpi.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!