2 Peter 1:16 - Lakota Portions

¹⁶ *Iṫaƞċaƞ Jesus Christ ṫawowaṡʹake ki ena tohaƞl ake gli kte ki he, uƞkoniċiyakapi ki he ikc̄ekc̄eya wowayake heċa ṡni. Eyaṡ uƞkiṡtapi uƞ ṫawowaṡʹake ki wauƞyaƞkapi.

2 Peter 1:16 Referans Kwoze

1 Timothy 1:4

Takuni eċuƞ ṡni e ikċekċeya ehaƞni wiċowoyake na ohuƞkakaƞ hena yuwiċak̇e sʹe iwoglakapi. Tiwahe tokiyataƞhaƞ upi ki he eċiyataƞhaƞ iwoglakapi na haƞkeya ahoyekiċiyapi. Lena Wak̇aƞṫaƞka wowaṡi ṫawa ki he awaċiƞpi ṡni, iċiƞ Wak̇aƞṫaƞka ṫawowiċala ki uƞ eċela taku waṡte ki hena eċuƞ okihipi.

1 Timothy 4:7

Wiċoyake eya takuni iwaṡtepi ṡni na ṫawaċiƞ iwicakiyujena waƞ hena etaƞ iḣeyab nigluziƞ kte. Wowiċala hecetu ḣc̄i ki he eċa wowaṡi taƞyaƞ eċel eċanuƞ kte.

Ephesians 4:14

Wak̇aƞyeja ċa nahaƞḣc̄i ksap̄ap̄i ṡni iyeċel opiuƞk̄icʹiyap̄i [kte ṡni.]uƞk̄ok̄ihip̄i ṡni. Oyate wiċagnayaƞp̄i ki hena heċet̄u uƞlak̄ap̄i ki he waṡte ṡni yelo. [Oyate eya wooyake heċetu ṡni ċa yaoṫaƞiƞpi ki hena anawiċaġoptaƞpi kte ṡniyo, owak̇aƞk̇aƞpi sʹa hena nignanya wiċakiyapi ṡniyo,] Ok̄enaṡ uƞk̄iṫawaċiƞp̄i ki ṫat̄et̄a k̄aḣwok̄iƞ ktelo.

Titus 1:14

Ohuƞkakaƞ ehaƞni eya woimaġaġa uƞ oyakapi, hena wowiċak̇e iyeċel oyakapi kte ki he heċetuṡni. Na etaƞ iyuƞk̇ala taƞyaƞ wiyukc̄aƞpi ṡni eyaṡ woglakapi hena anawiċaġoptaƞpi ṡni yo. Lena oyate ki wowiċak̇e ki wic̄alapi ṡni.

Jude 1:14

Enoch he Adam etaƞhaƞ wiċoiċaġe ṡakowiƞ, waƞ eċa leċel oyate ki hena iwowiċaglake: El etuƞwaƞpo! Wak̇aƞṫaƞka ogligle wak̇aƞ eya wiċayawapiċaṡni ċa ob u kte

2 Thessalonians 2:9

Tohaƞl wiċaṡa ṡiċa ki he ṫaƞiƞiċ'iye ki, wak̇aƞ ṡiċa ṫaku ota iṫuƞṗepiċa ċa eċuƞ kuƞziƞ kte, woiṫuƞṗe, wakaƞyela waeċuƞpi, hena ṫaƞiƞ kte.

1 Thessalonians 2:19

Ehaƞke ekta, Iṫaƞċaƞ Jesus ṫaƞiƞyaƞ uki, tuwe ċa wowitaƞ wateṡlaka ki he uƞkʹuƞkiyapi kta hwo? Niyepi ċa uƞ lena heċetu ktelo.

Philippians 3:21

he taku ki iyuha oiṫaƞċaƞ yaƞke, uƞṫaƞċaƞpi ki uƞzaƞnipi ṡni eṡa iye oṫaƞṫuƞya uƞ ki iyeċel uƞṫaƞċaƞpi ki kaġiƞ kte.

Mark 13:26

Ho na hehaƞl Ċiƞhiƞtku ki aṫaƞiƞicʹiyiƞ kte, maḣpiyataƞhaƞ ṫawowaṡʹake ki, na wowitaƞ gluha u kte.

Mark 14:62

“He, miye yelo!” Jesus ewiċakiye, “Ho na, iyuha Wak̇aƞṫaƞka Ċiƞhiƞtku ki, atkuku ki iṡlayataƞhaƞ yaƞkiƞ kte, ċa waƞlakapi ktelo, na maḣpiya waƞji ogna kutakiya u ktelo.”

Luke 1:2

Tona oṫokahe hetaƞhaƞ na uƞkokiyakapi waƞ he aiyeċel owa egnakapi.

Luke 9:43

Wak̇aƞṫaƞka ṫawowaṡʹake ki e na Jesus taku waeċuƞ ki waƞyaƞkapi na inihaƞpi. Yuƞk̇aƞ hewiċakiye,

2 Peter 2:3

Iṡiwaċiƞpi na ċoyaiya wayupikapi ki uƞ oyate ki wiċagnayaƞpi kte. Eyaṡ Wak̇aƞṫaƞka ehaƞni hena tokel wiċakaṡtakiƞ kte ki he ogna egle, na Wak̇aƞṫaƞka igluwinyeyauƞ.