2 Peter 1:11 - Lakota Portions

¹¹ Hehaƞl Iṫaƞċaƞ na Wanikiya Jesus Christ ṫawokiċuƞze el yai kihaƞ, woyuonihaƞ waƞ oihaƞke waƞil uƞ taƞyaƞkel niyuonihaƞ kte.

2 Peter 1:11 Referans Kwoze

2 Timothy 4:8

Wak̇aƞṫaƞka iyokipiwaye ki heun woohiye waƞ uƞ wateṡlagmakiyiƞ kte. Tuwe ki iyuha akiċiyela ċaƞtewiċayuze, heuƞ aƞpetu waƞ el wiċayasupi ki woohiye waṡte waƞ uƞ wateṡlagmakiye ki he, na tuwe ki iyuha waktapi na oṗapi ċiƞpi ki hena k̇o wiċakʹu kte.

Ephesians 3:20

Christ Jesus ena ok̇olakiċiye wak̇aƞ ki he oihaƞke wanil Wak̇aƞṫaƞka yataƞpi kte waċewakiye. Ṫawowaṡʹake ki he iyoḣlogya taku eċuƞpiċa ṡni na ookaḣniḣpiċa ṡni ki hena uƞkokihipi kta. Ho heċetuwelo.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

1 Timothy 6:17

Mak̇a wowijiċa ki oyate eya el uƞpi ki hena iwaktawiċayayo, mak̇a akaƞl wijiliċ'iyapi na itaƞpi ki hena taku iyuha tok̇aṡniyaƞ gnuƞnipi okihipi. Wak̇aƞṫaƞka wiċalawiċaṡiyo, wowijiċe ki hena ṫawa na taku uƞkikaġipi ki hena uƞkʹupi kte heċel wiċoni le el iyuṡkiƞya uƞkʹuƞpi kte.

2 Timothy 4:18

Wak̇aƞṫaƞka taku ṡiċe ki etaƞhaƞ ohiƞniya taƞyaƞ mayuha, na maḣpiya wokiċuƞze ki hel taƞyaƞ amaki kte. Woyuonihaƞ uƞ ohiƞniya uƞyataƞpelo! Ho heċetu welo.

2 Peter 1:5

Wowiċala niṫawa ki he saƞmṗaya leċel yagluwaṡte kte, wowaṡte ki ena, wookaḣniġe ki ena,

2 Peter 2:20

Iṫaƞċaƞ na wanikiya Jesus Christ onaḣ'uƞpi waƞ hehaƞ, mak̇a wotakuniṡni waƞ hetaƞ naiċ'iṡpapi. Eyaṡ taku waƞ etaƞ igluḣlayapi waƞ hetaƞ ake el kiglapi, na he tokel uƞpi tk̇a waƞ he isaƞmya ṡilya uƞpi.

2 Peter 3:18

Iṫaƞċaƞ uƞkiṫawapi na Wanikiya Jesus Christ ṫawowauƞṡila ki, na ṫawookaḣniḣġe ki hena uƞ niyuha kte, na waṡʹagniyiƞ kte. Ohiƞniya na oihaƞke wanilya Jesus yataƞpo! Heċetu Welo!