2 Peter 1:10 - Lakota Portions

¹⁰ Mitakuyepi, Wak̇aƞṫaƞka nikaḣnigapi ki he he tohaƞyaƞ oyakihipi ki hehaƞyaƞ eċel gluaṫaƞiƞpo. Leċel yauƞpi haƞtaƞnaṡ, tokel niċ'iċuƞzapi ki hetaƞyaƞ iḣayab ilalapi kte ṡni, na he ogna waṡʹagya yauƞpi kte.

2 Peter 1:10 Referans Kwoze

2 Peter 3:17

Mitakuyepi, taku heċetu kte ki hena kaiṫokabya iwahoniyapi! Heuƞ oyate eya wiċaṡa ṡniya opiiċ'iyapi ki hena iċiḣmiyaƞ aniyewiċakiyapi ṡni yo na niyaijena wiċakiyapi ṡni yo.

2 Peter 1:5

Wowiċala niṫawa ki he saƞmṗaya leċel yagluwaṡte kte, wowaṡte ki ena, wookaḣniġe ki ena,

2 Timothy 2:19

Wak̇aƞṫaƞka ṫawowiċala ki oagle waƞ akaƞl he ki he yujujupiċa ṡniya he. Akaƞl leċel owapi,''Wak̇aƞṫaƞka ṫaoyatepi ki hena slolwiċakiye. Ċa tuwe Wak̇aƞṫaƞka ċekiyapi ki hena taku heċetu ṡni ki hetaƞ igluḣlayapi kte."

1 Peter 1:5

Wak̇aƞṫaƞka wiċayala ki heuƞ ṫawowaṡʹake uƞ niyuha kte, aƞpetu ihaƞke ekta wiċayasupi kte ki hehaƞyaƞ. Na hehaƞl woohiye waƞ ċiƞniċiye kʹuƞ he yuha niċiƞyiƞ kte.

1 Peter 1:2

Ate Wak̇aƞṫaƞka ṫaoyatepi kta niċaḣniġapi, na Woniya Wak̇aƞ ki uƞ niyuwak̇aƞpi. Ehaƞni Ṫaṫaƞka ki we kpapsuƞpi heċel oyate ki nipi kta he iyeċel, Jesus Christ we kpapsuƞ na wiċoni ekignake ki he ohoyalapi haƞtaƞnaṡ yani pi kte. Wak̇aƞṫaƞka uƞṡinilapi na wookiye niċ'upi kta uƞ ċewakiye.

James 2:10

Nakuƞ wooṗe ki hena iyuha ahoyaṗe kʹeeyaṡ etaƞhaƞ waƞjilaḣc̄i kiluksa haƞtaƞnaṡ wooṗe oma ki hena iyuha kiluksa iyeċeċa kte.

2 Peter 1:3

Wak̇aƞṫaƞka ṫawowaṡʹake ki he uƞ taƞyaƞ uƞkigluhapi uƞkokihipi. Na ṫawowaṡte ki he tokel yunayeuƞyapi uƞkokihipi kte ki he okaḣniḣ uƞkiyapi kte.

2 Peter 3:14

Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte.

Jude 1:24

Wak̇aƞṫaƞka Wanikiya uƞkiṫawapi ki, Iṫaƞċaƞ Jesus Christ iyoḣlogya yataƞ po! Wak̇aƞṫaƞka iṡnala wookiye niċ'u okihi, heċel taku waƞ el waniċ'iċuƞze ki he ognaya waṡʹagya nayajiƞ kte, na ċaƞte etaƞhaƞ Wak̇aƞṫaƞka iluṡkiƞ kte. Oṫokahe hetaƞhaƞ na wana na oihaƞke wanilya, Wak̇aƞṫaƞka, wowitaƞ, woyuonihaƞ, wowaṡʹake, na wokiċuƞze ki hena ikipi. Ho, heċetuwelo.