1 Peter 5:8 - Lakota Portions

⁸ Ohiƞniya waktaya opiiċ'iyayo. Waƞji ṫokaniye ki he, wak̇aƞṡiċa ki e, he igmuƞ ṫaƞka ċa hoṫaƞgya hotuƞ omani, tuwa anasnatiƞ kta ole.

1 Peter 5:8 Referans Kwoze

Ephesians 6:11

Wak̇aƞṫaƞka ozuye wok̇oyake eya niċiyuwiyeyaƞ ki hena kiċ'uƞwo, heċel wak̇aƞ ṡiċa ki taku uƞ nignayaƞ iniyuṫe ki hena uƞ naƞniċ'ijiƞ oyakihi kte.

James 4:7

Wak̇aƞṫaƞka etkiya iċ'iċuwo! Wak̇aƞṡiċa ki ṫawaċiƞkiċ'uyaƞ kʹanaziƞyo, heċel niḣayab iyayiƞ kte lo.

Ephesians 4:27

Na wak̇aƞ ṡiċa ki kaṡkaniyuzakiyapi ṡniyo.

1 Peter 1:13

Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.

1 Peter 4:7

Eċaƞni taku ki iyuha ihaƞkiƞ kte. Heuƞ iḣapiċa ṡniyaƞ yauƞpi na waċiƞṫuƞgya waċeyakiyapi kte.

Luke 21:36

Ċa ohiƞniyaƞ wakta uƞpo. Wak̇aƞṫaƞka ċekiyapo, heċel oteḣi waƞ u ki taƞyaƞ yakpaptapi ktelo. Ċa Wak̇aƞṫaƞka ċekiyapo, miṫokab yahinajiƞpi ki takuni iyakiṡtec̄api kte ṡni yelo.”

Luke 22:31

Hehaƞl Jesus Peter hekiye, “Simon Peter, Wak̇aƞ-ṡic̄a ki iniyuṫapi ċiƞ, ṡic̄e ki waṡte etaƞhaƞ nic̄akak̇aƞpi ċiƞ yelo.

Titus 2:12

Mak̇a wiċoni el uƞkʹuƞpi eċuƞhaƞ, taku ikc̄eya uƞ uƞnipi kte ki hetaƞ uƞkigluḣlayapi kte, na e wiċoni waṡte na owoṫaƞla ki hena ogna uƞkʹuƞpi kte.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.

Titus 1:8

Eṡʹeyaṡ wiċaṡa ṫokec̄api hena taƞyaƞ wiċakuwapi na uƞṡiwiċalapi kte. Na lena iyokipiya eċuƞpi kte. Na naġiksabya uƞpi na owoṫaƞla waokuwapi na Wak̇aƞṫaƞka awaċiƞyaƞ uƞpi, na waċiƞṫaƞgya igluhapi kte.

2 Timothy 4:17

Eyaṡ Wak̇aƞṫaƞka misakibya najiƞ. Na wowaṡʹake makʹu ċa ṫaoiye ki he ojulya oblake, heċel Jewpi ṡni ki hena iƞṡʹeya naḣ'uƞpi kte. Igmu ṫaƞka eya loċiƞpi ki hetaƞhaƞ nimaye.

Titus 2:6

Iyeċelya, k̇oṡkalakapi ki hena waċiƞṫaƞkapi kte.

Titus 2:2

Wiċaṡa ki hena waḣwayela opiicʹiyapi kte, blesyahaƞ ċaƞte kicʹuƞyaƞ uƞpi kte na itomni icʹiyapi kte ṡni. Wowic̄ala na wowauƞṡila na wowaċiƞye ki hena waṡʹagya gluhapi kte

1 Timothy 2:15

Eyaṡ wiƞyaƞ waƞ wak̇aƞyeja yuha ki he iyoḣlogya nipi kte nataƞyaƞ eċel igluha haƞtaƞṡ na wowiċala gluha na wauƞṡila na wak̇aƞya taƞyaƞ awaƞicʹiglag uƞ kte.

Titus 2:4

heċetu kihaƞ wik̇oṡkalaka hena iƞṡ-eya hiƞgnaṫuƞpi na ċiƞc̄api tiwahe iyokipiya wiċagluhapi kte.

1 Timothy 3:11

Wiƞyaƞ ki iƞṡʹeya yutaƞyaƞkel opiicʹiyapi kte. Waaiyapi kte ṡni naiƞṡ mniṡa yatkaƞ isamicʹiyapi kte ṡni, taku eċuƞpi ki hena iyuha waċiƞyekiya eċuƞpi kte.

1 Timothy 2:9

Wiƞyaƞ ki iƞṡ icʹigluonihaƞ aiyopteya hakiṫuƞpi kta waċiƞ. Owaƞyaƞgwaṡte eċela uƞ hakiṫuƞpi na ṗehiƞ apikiyapi kte ṡni na iƞyaƞ oteḣika na mazazi uƞ wok̇oyakapi kte ṡni.

1 Timothy 3:2

Heuƞ oiṫaċaƞpi hena taƞyaƞ awaƞiglakapi na wokiċiyuze ki he ahokiṗa uƞpi kte. Waċiƞṫaƞkapi na waċiƞksapapi kte, tuwe ki iyuha ċaƞtewaṡteya ob uƞpi kte, nahaƞ taƞyaƞ wauƞspekiya okihi kte.

Mark 4:15

Wooyake ki le su eya ċaƞku isakib hiƞḣpaye hena e; lena oyate ki naḣʹuƞpi, tk̇a waƞċagna Wak̇aƞ-ṡic̄a hiyu na wooyake waƞ ojupi kʹuƞ hena yuḣeyab iċu.