1 Peter 4:7 - Lakota Portions

⁷ Eċaƞni taku ki iyuha ihaƞkiƞ kte. Heuƞ iḣapiċa ṡniyaƞ yauƞpi na waċiƞṫuƞgya waċeyakiyapi kte.

1 Peter 4:7 Referans Kwoze

1 Peter 1:13

Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.

1 Peter 5:8

Ohiƞniya waktaya opiiċ'iyayo. Waƞji ṫokaniye ki he, wak̇aƞṡiċa ki e, he igmuƞ ṫaƞka ċa hoṫaƞgya hotuƞ omani, tuwa anasnatiƞ kta ole.

2 Timothy 4:5

Taƞyaƞ waeċanuƞ ki heuƞ nikakijiƞ kte, eyaṡ ċaƞtetʹiƞsya opinic̄'iƞyiƞ na Woṫaiƞ-Waṡte ki he taƞyaƞ olakiƞ na wowaṡi ki he tanyaƞ eċanuƞ kte.

Luke 21:34

Na Jesus ṫawauƞspewiċakiyapi ki nakuƞ leċel owiċakiyake, “Wak̇aƞṫaƞka etkiya taƞyaƞ wiyukc̄aƞpo na taku wilukc̄aƞpi ki niyuṡic̄api kte ki waktapo. Itomniicʹiyapi na ṡic̄aya waeċuƞpi ṡni yo. Na waluhapi kte ki ec̄ela ikaġiicʹiyapi ṡni yo. Heċanupi ki aƞpetu waƞji el waku ki wamayaktapi kte ṡni yelo.

Titus 2:12

Mak̇a wiċoni el uƞkʹuƞpi eċuƞhaƞ, taku ikc̄eya uƞ uƞnipi kte ki hetaƞ uƞkigluḣlayapi kte, na e wiċoni waṡte na owoṫaƞla ki hena ogna uƞkʹuƞpi kte.

Philippians 4:5

T̄uwe ki iyuha waḣwayela owiċakuwap̄o. Iṫaċaƞ ki eċani k̄u ktelo.

Luke 22:46

Eyaṡ Jesus wiċayuḣic̄e, “Iṡtimapi ṡni yo. Kiktapi na waċekiyapo, heċel miḣeyab iniyutaƞpi kte ṡni yelo,” eye.

1 Peter 3:7

He iƞṡʹeya iyeċel wiċa ki ṫawiċu ahawiċakiktapi kte. Na wiċayuonihaƞpi kte eċiƞ hena wiċa waṡʹakapi ki he waiyehaƞ waṡʹakapi ṡni ki heuƞ, na he kiċi wiċoni oihaƞke ṡni ki he luhapi kte. Hehaƞl niṫawoċekiye ki hena takuƞni kuṡeyeṫuƞ kte ṡni.

Ephesians 6:18

Ohiƞiyaƞ waċekiya uƞpo, iyotaƞḣci oyate ki wiċakiksuyapo. Woniya Wak̇aƞ ki uƞspeniċiyapi ogna waċekiyapo. Wak̇aƞṫaƞka ṫaoyate ki waċewiċakikċiyapi na waktaya opiiċ'iyapo.

Luke 21:36

Ċa ohiƞniyaƞ wakta uƞpo. Wak̇aƞṫaƞka ċekiyapo, heċel oteḣi waƞ u ki taƞyaƞ yakpaptapi ktelo. Ċa Wak̇aƞṫaƞka ċekiyapo, miṫokab yahinajiƞpi ki takuni iyakiṡtec̄api kte ṡni yelo.”