1 Peter 4:3 - Lakota Portions

³ Etaƞ Wak̇aƞṫaƞka wiċalapi ṡni kʹuƞ he iyeċel yauƞ tk̇a. Waohola ṡni yauƞ na e e taku heċetu ṡni kʹuƞ hena eċela oyale. Wiċitomni ohaƞ taku heċetu ṡni kʹuƞ hena uƞ ob iyokipiniċ'iye. Eṡ eyaṡ, nakuƞ etaƞ tokċiƞċiƞyaƞ taku wak̇aƞlapi waƞ hena owiċayaṗa.

1 Peter 4:3 Referans Kwoze

Ephesians 5:18

Mni ṡiċa [wak̇aƞ]un itomniiċ'iye ṡni na ihaƞg iċ'iye ṡni yo, eyaṡ Woniya Wak̇aƞ ki uƞ okaḣtaƞ iċ'iyayo.

1 Thessalonians 4:5

Oyate eya Wak̇aƞṫaƞka slolyapi ṡni sʹe uƞpi, na wiċaṡaṡniya akiċisċupi ki hena owiċaṗapi ṡni yo.

1 Peter 1:14

Wak̇aƞyeja ċa taƞyaƞ waanaġoptaƞpi iyeċel opiiċ'iyapo. Taku eya ehaƞni niye ċiƞiċ'iyiƞ na hena kaṡkanize kʹuƞ hena hehaƞya heċetu kte ṡni.

Jude 1:4

Wiċaṡa eya takuƞni wiċalapi ṡni na waoholapi ṡni ċa, naḣma opiiċ'iyapi na uƞkʹuƞpi ohaƞ ahiyu na heyapi, "Wak̇aƞṫaƞka uƞṡiuƞlapi uƞ takuƞni ṡiċa uƞkaiyukc̄aƞpi kte ṡni, ċa waiċiḣaḣaya opiuƞkiċ'iyapi kʹeyaṡ itok̇a kte ṡni," eyapi. Jesus Christ Iṫaƞċaƞ uƞyaƞpi na ohouƞlapi ki he heċetu lapi ṡni. Eyaṡ ehaƞni Wowapi Wak̇aƞ el oyate eya leċel ṡilya opiiċ'iyapi ki hena aiyeċel wiċayasupi kte ki he iwahouƞyapi.

Titus 3:3

Ehaƞni uƞkiṡ-eya waċiƞuƞṫaƞkapi ṡni waƞ hehaƞ waanauƞġoptaƞpiṡni, wiċaṡaṡniya opiuƞkicʹiyapi, na taku iyeċetuṡni hena kaṡkauƞyuzapi, woiyokipi ec̄ela uƞkolepi. Taku ṡic̄e ki hena uƞkokaḣtaƞpi uƞ ṡilwiyukc̄aƞyaƞ uƞkʹuƞpi. Waoyusiƞkapi ki ogna uƞkigluhapi na tuwe ki iyuha ob iwaḣteuƞkiċilapiṡni.

Mark 7:22

ṫawaċiƞ ṡic̄api, inakiciḣmapi, na taku ṡic̄e ki hena eċuƞpi, wiċagnayaƞpi, igluonihaƞpi ṡni, wakipajiƞpi, iwaṡteicʹilapi, na owak̇aƞk̇aƞpi.