1 Peter 4:16 - Lakota Portions

¹⁶ Christ uƞ ṫaƞtaƞhaƞ teḣiya niċuwapi ki he iṡteċe ṡniyo. Wak̇aƞṫaƞka niċi uƞ ki heuƞ iċ'ilowaƞyo.

1 Peter 4:16 Referans Kwoze

Philippians 1:29

Christ ṫa wowiċala ki luha uƞ woteḣi waƞlake. Tk̇a he uƞ niyawaṡte.

1 Peter 4:19

Heuƞ ċa, Wak̇aƞṫaƞka ṫawaċiƞ uƞ ṫaoyate ki woteḣi waƞ waƞyaƞgwiċakiye kʹeyaṡ, Unkaġapi ki he el iċ'iċ'uya uƞkʹuƞpi kte, he tohiƞniya ṫaoiye ki gluṡna ṡni.

2 Timothy 1:12

Heuƞ waƞna makakije, eyaṡ heuƞ imaṡteċe ṡni. Waƞji wiċawala ki he slolwaye ki heuƞ, na taku waƞ iwahomaye ki he, mak̇a ihaƞke ṡni hehaƞyaƞ taƞyaƞ awaƞwaglakiƞ kte ki he slolwaye.

Philippians 1:20

Waktaya opimiċ'iye eċiƞ takuƞni uƞ imaṡteċa waċiƞ ṡni ki heuƞ. Uƞgnaṡ matʹiƞ naƞiƞṡ waniƞ kte seċe, eyaṡ bliheliċ'iya wauƞ ki he iyeċel ohiƞniyaƞ woyuonihaƞ uƞ Christ naweċijiƞ kte.

James 2:7

Hena Wak̇aƞṫaƞka oṡteglapi ki epi.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Peter 4:11

Taƞyaƞ woglag walupika haƞtaƞnaṡ, Woṫaƞiƞ Waṡte ki he olakiƞ kte. Oyate ki taƞyaƞ owiċayakiya oyakihi haƞtaƞnaṡ, tohaƞyaƞ oyakihi ki hehaƞyaƞ Wak̇aƞṫaƞka waṡʹagniyiƞ kte. Taku eċuƞpi ki hena iyuha iwaƞgya waeċuƞpi kte, heċel Jesus Christ he iyoḣlogya Wak̇aƞṫaƞka yuonihaƞpi kte, he ihaƞgkeya oṫaƞgṫuƞgyaƞ uƞ, na waƞilya wowaṡʹake ki he ṫawa. Ho heċetu welo.

1 Peter 4:14

Wokakije ki he tuweni waṡtelake ṡni, eyaṡ Christ uƞ ṫaƞtaƞhaƞ kakiṡnikiyapi haƞtaƞnaṡ wapi iglawapo. Woniya Wak̇aƞ ki niċi uƞ ki waƞyaƞkapi kte.