1 Peter 4:11 - Lakota Portions

¹¹ Taƞyaƞ woglag walupika haƞtaƞnaṡ, Woṫaƞiƞ Waṡte ki he olakiƞ kte. Oyate ki taƞyaƞ owiċayakiya oyakihi haƞtaƞnaṡ, tohaƞyaƞ oyakihi ki hehaƞyaƞ Wak̇aƞṫaƞka waṡʹagniyiƞ kte. Taku eċuƞpi ki hena iyuha iwaƞgya waeċuƞpi kte, heċel Jesus Christ he iyoḣlogya Wak̇aƞṫaƞka yuonihaƞpi kte, he ihaƞgkeya oṫaƞgṫuƞgyaƞ uƞ, na waƞilya wowaṡʹake ki he ṫawa. Ho heċetu welo.

1 Peter 4:11 Referans Kwoze

Ephesians 6:10

Ehaƞkela ki he, Wak̇aƞṫaƞka ṫawowaṡʹake ki uƞ waṡʹagniyiƞ kta.

1 Peter 4:10

Wak̇aƞṫaƞka taku ota oyate ki wawiċakʹu, he otoiyohila waƞji yuha nikiyapi, oyate ki le uƞ owiċayakiyiƞ kta niċ'upi, ċa waniċ'upi ki he taƞyaƞ ilagyayo.

Ephesians 4:29

Hehaƞyaƞ ṡikṡilya woyaglakiƞ kte ṡni. Taku waṡte eye piċa kʹuƞ hena taƞyaƞ ilukcaƞpi na waƞhehaƞtu ki haƞ ehiƞ kte, taku ehe ki hena uƞ waṡagwiċayayiƞ kte.

James 1:19

Mit̄ak̄uyep̄i, le k̄iksuyap̄o! Waƞc̄ag woglak̄ap̄i kte ṡni eyaṡ t̄aƞyaƞ wanaḣʹuƞp̄i na ċaƞzek̄ap̄i kte ṡni he eċa awaċiƞp̄i kte.

1 Peter 2:5

Heuƞ inyaƞ iyeċel niyuwak̇aƞpi, na niyepi uƞ Ok̇olakiċiye-wak̇aƞ ki he yuosloliyeyapi. Iyuha wiċaṡa wak̇aƞ heniċapi, nahaƞ Jeṡus Christ wookiye niċ'upi kte heċel Wak̇aƞṫaƞka etkiya taku wayeċ'uƞpi kʹuƞ hena iyokipi kte.

1 Timothy 6:16

Wak̇aƞṫaƞka eċela owihaƞke wanilya niuƞ! Na ṫouƞ ki he wak̇aƞ ċa tuweni ik̇aƞyela u okihi ṡni. Ikċewiċaṡa waƞjini tohiƞniya Wak̇aƞṫaƞka waƞyaƞke ṡni na tohiƞniya wanyaƞka okihi ṡni. Wak̇aƞṫaƞka yuonihaƞpi kte, na woyuonihaƞ na wowaṡʹake ki hena ṫawa! Ho heċetuwelo.

1 Timothy 1:17

Woyuonihaƞ na wowitaƞ ki hena ohiniyaƞ Wak̇aƞṫaƞka waƞjila ki he kʹupi kta waċewakiye, he wiċoni oihaƞke wanilya na waƞyaƞkapiċa ṡniya uƞ! Nuƞwe.

1 Peter 5:11

Wak̇aƞṫaƞka taku ki iyuha owihaƞke waninl napiyuziƞ kte! Ho heċetu welo.

James 1:26

[Iċetuḣc̄iya nigluhapi keċaƞnipi, kʹeyaṡ iwaniṡiċupi haƞtaƞnaṡ niċ'ignayapi, na tokehc̄i taƞyaƞ nigluha keċaƞni kʹuƞ he initukuni kte ṡni.

Philippians 2:11

Na Wak̇aƞṫaƞka ṫawowitaƞ uƞ tuwe ki iyuha leċel aokiyapi, "Jesus Christ iṫaƞċaƞ ki he e!"

Ephesians 5:20

Jesus Christ ċaje ki uƞ ohiƞniya Wak̇aƞṫaƞka taku yuha niċiyapi ki hena wopila eyakiyapi kte.

Philippians 1:11

K̇ohaƞ oyate ki aniblezapi na Wak̇aƞṫaƞka yataƞpi na yaonihaƞpi ktelo. [Verses 9-11 is consultant checked. Rosalie's booklet]

Ephesians 1:19

Wak̇aƞṫaƞka ṫawowaṡʹake ihaƞkeya ṫaƞka ki he etaƞ wiċauƞlapi ki hena yuha uƞkiyapi kte. Le wowaṡʹake ihaƞkeya waṡʹake waƞ uƞ

1 Thessalonians 2:4

Wak̇aƞṫaƞka Woṫaƞiƞ Waṡte ki taƞyaƞ uƞkoyakapi kta uƞ heċel iwaċiƞuƞyaƞpi. Woglag wauƞyupikapi uƞ oyate ki ṫawaċiƞ ohiwiċauƞyapi kte ki he e ṡni, tk̇a Wak̇aƞṫaƞka eċa iyokipi uƞyapi kta uƞ heċuƞkʹuƞpi.

Titus 2:1

Tuk̇a niye taku wouƞspe owoṫaƞla ki he ec̄ela iwoyaglakiƞ kte.

Titus 2:15

Lena uƞ wahokuƞwiċayakiyiƞ kte na niṫawowaṡʹake uƞ laoṫaƞiƞ kte. Oyate ohaƞ taƞyaƞ yauƞ haƞtaƞṡ iƞṡ-eya ahoniṗapi kte.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Peter 4:16

Christ uƞ ṫaƞtaƞhaƞ teḣiya niċuwapi ki he iṡteċe ṡniyo. Wak̇aƞṫaƞka niċi uƞ ki heuƞ iċ'ilowaƞyo.