1 Peter 4:10 - Lakota Portions

¹⁰ Wak̇aƞṫaƞka taku ota oyate ki wawiċakʹu, he otoiyohila waƞji yuha nikiyapi, oyate ki le uƞ owiċayakiyiƞ kta niċ'upi, ċa waniċ'upi ki he taƞyaƞ ilagyayo.

1 Peter 4:10 Referans Kwoze

Mark 10:45

Heċeḣci, oyate ki mayataƞpi kta ċa wahi ṡni eyaṡ oyate ki etkiya micʹicʹu kta uƞ Ikce Wiċaṡaya wahi. Ṫawowaḣtani wokakije hetaƞhaƞ niwiċawayiƞ kta uƞ wahi yelo,” eye.

Ephesians 4:11

Christ huƞḣ wauƞspewiċakiyapi na huƞḣ iƞṡ waċekiye-wiċaṡa uƞkaḣniġapi. Na huƞḣ nakuƞ wiċaṡa-wak̇aƞ-waayaṫaƞiƞ uƞkaḣniġapi,

Titus 1:7

Ok̇olakiċiye wak̇aƞ oiṫaċaƞpi hena Wak̇aƞṫaƞka ṫawowaṡi heċapi, heuƞ taƞyaƞ igluhapi kte na ċaje igluṡic̄api kte ṡni. Oiṫaċaƞċaƞpi kte ṡni naiƞṡ oċaƞzek̇okelapi kte ṡni. Nakuƞ itomniicʹiyapi kte ṡni naiƞṡ iṡiƞkc̄iƞ waokuwapi kte ṡni naiƞṡ mazaska ec̄ela awaċiƞpi kte ṡni.

Ephesians 3:8

Oyate eya yuwaƞkal wiċayuzapi ohaƞ wauƞ na matuweni ṡni eṡʹa Wak̇aƞṫaƞka uƞṡimala na miye ċa oyate ṫokṫokċapi ki hena owiċawakiyakiƞ kta makaḣniġe, heċel iƞṡʹeya Christ el taku ihaƞkeya waṡteṡte ċa yuhapiċa yaƞke ki hena iƞṡʹeya yuhapi okihipi kte.

Luke 12:42

Yuƞk̇aƞ Iṫaċaƞ ki leċel ayupte, “Wowaṡi eya ksabyakel wiyukc̄aƞpi waƞ hena eċa iṫaċaƞ ki waawaƞyaƞgwiċakiyiƞ kte na wowaṡi uƞma waƞ hena woyute wiċakikpamnipi kte.”

Luke 19:13

Iyaye ṡnihaƞni, wowaṡi wikc̄emna wiċakiċo na iyohila mazaska eya wiċakʹu. Na leċel owiċakiyake, ‘Mazaska ki le ilagyapo. Heċetu kihaƞ tohaƞl wagli kihaƞ luotapi ktelo,’ eye.

Luke 8:3

Na Joanna, he hiƞgnaku ki Chuza ec̄iyapi, Herod ṫaomnic̄iye el waawaƞyaƞke heċa. Na Susanna e na wiƞyaƞ ota wakicʹuƞpi. Lena ata iyuha Jesus e na ṫawowaṡi ki owiċakiyapi.

2 Timothy 1:18

Aƞpetu waƞ el wayasupi kihaƞ Jesus Iṫaƞċaƞ he Wak̇aƞṫaƞka iyuƞġiƞ kte, he Onesiphorus uƞṡilakiƞ kta waċewakiye. Ephesus oṫuƞwahe el he lila omakiya ċa slolyayapi.

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

1 Peter 5:12

*Silvanus wowapi ċiƞċala ki le owa omakiye, na he Iṫaƞċaƞ ihakab uƞpi ki he waƞjiḣc̄e blawa. Wak̇aƞṫaƞka ṫawauƞṡila ki he uƞ blihelċiya waċiƞ, heċel iniyaƞṡniyaƞ wiċayalapi kte.