1 Peter 3:9 - Lakota Portions

⁹ Oyate ki waḣtenilapi ṡni na oṡteniglapi kʹeyaṡ ṫokiċ'uƞpi ṡni yo. Eṡ eyaṡ, tuwe ki iyuha taƞyaƞ owiċakuwapo. Wak̇aƞṫaƞka ṫaoyatepi kta nikaḣniġapi heuƞ,Wowapi Wak̇aƞ ki el heċel owapi,

1 Peter 3:9 Referans Kwoze

1 Thessalonians 5:15

Oyate ki waḣtenilapi ṡni ki heuƞ niṡʹeya heċel ċaƞte wiċaluzapi kte ṡni. Eṡʹeyaṡ, ċaƞte waṡteya opiniċ'iyapi na tuwe ki iyuha ob taƞyaƞ yauƞpi kte.

Ephesians 4:32

Eṡʹ eyaṡ, wauƞṡila na ṫawaċiƞ waṡteya opiiċ'iya uƞwo, tuwa teḣiya niċuwa ki hena ewiċakiċiktuƞjayo, Christ iyoḣlogya Wak̇aƞṫaƞka wowaḣtani eniċiktuƞja ki he iyeċel.

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

Luke 18:18

Wiċaṡa waƞ waoiṫaċaƞke waƞ he Jesus leċel wiyuƞġe, “Wauƞspewiċakiya waṡte, tokeṡke eċamu yuƞk̇aƞ wiċoni oihaƞke wanic̄e ki he waƞblakiƞ kta hwo?” eya iyuƞġe.

Luke 10:25

Moses-ṫawooṗe-awaƞyaƞke waƞ Jesus gnaye iyuṫe, “Wauƞspekiya, tokel eċamu ki wanaġiyata iyokipiya wakinajiƞ kta hwo?” eye.

Mark 10:17

Jesus ake ye ehaƞl wiċaṡa waƞ iyaƞgyaƞg el ihuƞni na iṫokab iḣpeicʹiya na hekiye, “Iṫaƞċaƞ niwaṡte yelo! Tokeṡke eċamu ki wiċoni oihaƞke wanica ki ohiwayiƞ kta hwo?”