1 Peter 3:8 - Lakota Portions

⁸ Ahakeḣc̄i, leċel eṗa waċiƞ, iyuha akiyeċel wilukc̄aƞpi na uƞṡiyeċilakapi kte. Nakuƞ ċantewaṡteya yauƞpi na waḣwala opiniċ'iyapi kte.

1 Peter 3:8 Referans Kwoze

1 Peter 1:22

Taku heċetu ki he wiċayalapi, na heuƞ naġi niyawaṡtepi. Ċa he uƞ ċaƞte etaƞhaƞ tekiċiḣila yauƞpi. Na heċel yauƞpi ki waṡte kte.

Ephesians 4:31

Oyate ki awiċaċaƞyazekiƞ ṡni, na oċaƞzelya yauƞ ki uƞ oċiƞniṡiċe kʹuƞ he hehaƞyaƞ heċuƞ ṡniyo. Tuweni ċuƞzeya akiċiyuptapi ṡni yo, na iċaptahaƞpi ṡni yo, na tuweni wauƞspepi ṡni iyeċel okiċiċuwapi ṡni yo.

James 3:17

Wak̇aƞṫaƞk̄a woksap̄e uƞ ewiċak̄aṫaƞ ki hena ṫawaċiƞ ki waṡtep̄i, na waḣwayela opiicʹiyap̄i, na wauƞṡilap̄i, na oyate ki oiye iwiċac̄up̄i, wakip̄ajiƞp̄i ṡni, na ċaƞt̄ek̄icʹuƞya waeċuƞp̄i.

Ephesians 4:2

Uƞṡii'ċ'iya, na waḣwayela opiniċ'iyapi kte, waċiƞṫaƞgya etaƞ woec̄uƞ gluṡnapi kʹuƞ hena uƞṡiwiċayalakapi kte,

1 Peter 5:5

*Oyate niṫeċapi ki hena ṫankake ki hena oiye nawiċayaḣ'uƞpi kte. Nakuƞkayeṡ, tuwe ki iyuha uƞṡiiċ'iya kiċiċuwapi kte. Wowapi Wak̇aƞ el leċel owapi, "Wak̇aƞṫaƞka oyate eya tuweiċ'ilapi kʹuƞ hena wiċakipajiƞ kte, eyaṡ etaƞ uƞṡiiċ'iya uƞpi kʹuƞ owiċakiyiƞ kte."

2 Peter 1:7

oyate ki ċaƞtowiċayagnakiƞ na uƞṡiwiċayalakiƞ kte.

1 Peter 2:17

Tuwe ki iyuha wiċayuonihaƞpo na Wak̇aƞṫaƞka ṫaoyate ki eḣc̄a uƞṡiwic̄alapo. Wak̇aƞṫaƞka yuonihaƞpo na Wiċaṡa Yataƞpi ki yuoholapo.

James 5:11

Job lila k̄ak̄ije eyaṡ waċiƞṫaƞk̄a ki he onayaḣʹuƞp̄elo. Heuƞ ċa Wak̇aƞṫaƞk̄a Job okiye. Wak̇aƞṫaƞk̄a lila wauƞṡila yelo.

James 2:13

Aƞpetu woyasu ki he el tuwa wauƞṡila ṡni uƞ kʹuƞ he Wak̇aƞṫaƞka iƞṡʹeya uƞsila kte ṡni. Heċetu eṡa heċena Wak̇aƞṫaƞka wauƞṡila.

Philippians 3:16

Eyaṡ oaye ki hetaƞ kawiƞġe ṡni uƞyaƞpi kte.

Luke 10:33

Hehaƞl wiċaṡa waƞ Samaria mak̇oċe heċiyataƞhaƞ ċa iƞṡ-eya oomani kaġe, ṫoka heċa, wiċaṡa waƞ teḣiya ḣpaye ki he waƞ yaƞkiƞ na uƞṡila.

Ephesians 4:32

Eṡʹ eyaṡ, wauƞṡila na ṫawaċiƞ waṡteya opiiċ'iya uƞwo, tuwa teḣiya niċuwa ki hena ewiċakiċiktuƞjayo, Christ iyoḣlogya Wak̇aƞṫaƞka wowaḣtani eniċiktuƞja ki he iyeċel.

Philippians 2:3

Wiċonawizi na iye ahoiċ'iṗapi ki hetaƞhaƞ iḣayab igluzayo, Eṡʹeyaṡ waƞna uƞṡiiċ'iya yauƞ kte, na oyate ki eċa yuwaƞkal wiċaluziƞ kte.