1 Peter 2:9 - Lakota Portions

⁹ Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

1 Peter 2:9 Referans Kwoze

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

1 Peter 2:5

Heuƞ inyaƞ iyeċel niyuwak̇aƞpi, na niyepi uƞ Ok̇olakiċiye-wak̇aƞ ki he yuosloliyeyapi. Iyuha wiċaṡa wak̇aƞ heniċapi, nahaƞ Jeṡus Christ wookiye niċ'upi kte heċel Wak̇aƞṫaƞka etkiya taku wayeċ'uƞpi kʹuƞ hena iyokipi kte.

Titus 2:14

He uƞkiyepi uƞ icʹicʹu heċel taku ṡic̄aya iyopte ki hetaƞhaƞ yuḣeyab uƞkic̄upi ċiƞ ki heuƞ. Wak̇aƞṫaƞka ṫaoyate heuƞċapi heuƞ ċaƞte kicʹuƞyaƞ ni uƞkʹuƞpi kta.

Philippians 3:14

Wasabgle waƞ he ki he etkiya ṡkiƞmiċ'iye, heċel maḣpiya ta woohiya waƞ he ki he ohiwayiƞ kte. Christ Jesus taku waƞ yuṡtaƞ egnake ki heuƞ Wak̇aƞṫaƞka woohiye ki le kaġe.

1 Peter 1:2

Ate Wak̇aƞṫaƞka ṫaoyatepi kta niċaḣniġapi, na Woniya Wak̇aƞ ki uƞ niyuwak̇aƞpi. Ehaƞni Ṫaṫaƞka ki we kpapsuƞpi heċel oyate ki nipi kta he iyeċel, Jesus Christ we kpapsuƞ na wiċoni ekignake ki he ohoyalapi haƞtaƞnaṡ yani pi kte. Wak̇aƞṫaƞka uƞṡinilapi na wookiye niċ'upi kta uƞ ċewakiye.

Luke 1:79

Na etaƞ wiċuƞtʹe aiyokpasya el uƞpi waƞ hena ċaƞte wiċayuzamni na iyojaƞjaƞwiċayiƞ na ċaƞku awaḣwayela he ki ognayaƞ maniuƞkiyapi kta,” eya eyaṡtaƞ.

1 Peter 4:11

Taƞyaƞ woglag walupika haƞtaƞnaṡ, Woṫaƞiƞ Waṡte ki he olakiƞ kte. Oyate ki taƞyaƞ owiċayakiya oyakihi haƞtaƞnaṡ, tohaƞyaƞ oyakihi ki hehaƞyaƞ Wak̇aƞṫaƞka waṡʹagniyiƞ kte. Taku eċuƞpi ki hena iyuha iwaƞgya waeċuƞpi kte, heċel Jesus Christ he iyoḣlogya Wak̇aƞṫaƞka yuonihaƞpi kte, he ihaƞgkeya oṫaƞgṫuƞgyaƞ uƞ, na waƞilya wowaṡʹake ki he ṫawa. Ho heċetu welo.

Ephesians 1:6

Wak̇aƞṫaƞk̄a uƞṡiuƞk̄ilap̄i ki he uƞyaonihaƞp̄i. Ċiƞhiƞtku waƞ tek̄iḣila waƞ he waeċuƞ ognayan uƞṡiuƞk̄ilap̄i.

Ephesians 1:14

Woniya Wak̇aƞ ki nakuƞ, taku waƞ Wak̇aƞṫaƞka yuwiƞyeya kʹuƞ he slolyeuƞkiyapi, na taku waƞ Wak̇aƞṫaƞka iwahouƞyaƞpi waƞ he yuha uƞkiyapi kte. Hehaƞl Wak̇aƞṫaƞka uƞyuonihaƞpi na uƞyataƞpi kte.

Ephesians 3:21

[ Wak̇aƞṫaƞka ok̇olakiċiye wak̇aƞ ki ena Christ Jesus oihaƞke wanil yataƞpi kte. Ho heċetu welo.] This verse is not in CEV