1 Peter 2:5 - Lakota Portions

⁵ Heuƞ inyaƞ iyeċel niyuwak̇aƞpi, na niyepi uƞ Ok̇olakiċiye-wak̇aƞ ki he yuosloliyeyapi. Iyuha wiċaṡa wak̇aƞ heniċapi, nahaƞ Jeṡus Christ wookiye niċ'upi kte heċel Wak̇aƞṫaƞka etkiya taku wayeċ'uƞpi kʹuƞ hena iyokipi kte.

1 Peter 2:5 Referans Kwoze

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

Philippians 4:18

Taku ki iyuha hektakiya miċaijupi, wokaiju aiċaġa ki hena k̇oya. Epaphroditus taku eya makʹu yaṡipi waƞhena iyuha iyomakipi. Hena waazilyapi waṡtemna heċa sʹeċeċa, eċiƞ he tohaƞl wak̇aƞyaƞ waeċuƞpi ċaƞna el uƞpi.

1 Timothy 3:15

Heċel ogna takuƞl hektakiya omayuspe eyaṡ, Wak̇aƞṫaƞka ṫatioṡpaye ki hena tokel igluhapi kte ki hena slolyayapi kte. Waƞ eya, Wak̇aƞṫaƞka eċiyataƞhaƞ wowiċala ki he yujuju piċaṡniya he yelo.

Philippians 2:17

Iṫaƞċaƞ wiċayalapi na wowaṡi iyeċiċaƞnuƞpi ki he wak̇aƞyaƞ wauƞyekiyapi ki he iyeċeċa. Na heuƞ niyepi uƞ miṫawe ki wakpapsuƞ kte seċe. Eyaṡ heuƞ ċa heċetu haƞtaṡ miṡʹeya iyomakipi kte.

1 Peter 4:11

Taƞyaƞ woglag walupika haƞtaƞnaṡ, Woṫaƞiƞ Waṡte ki he olakiƞ kte. Oyate ki taƞyaƞ owiċayakiya oyakihi haƞtaƞnaṡ, tohaƞyaƞ oyakihi ki hehaƞyaƞ Wak̇aƞṫaƞka waṡʹagniyiƞ kte. Taku eċuƞpi ki hena iyuha iwaƞgya waeċuƞpi kte, heċel Jesus Christ he iyoḣlogya Wak̇aƞṫaƞka yuonihaƞpi kte, he ihaƞgkeya oṫaƞgṫuƞgyaƞ uƞ, na waƞilya wowaṡʹake ki he ṫawa. Ho heċetu welo.

Philippians 1:11

K̇ohaƞ oyate ki aniblezapi na Wak̇aƞṫaƞka yataƞpi na yaonihaƞpi ktelo. [Verses 9-11 is consultant checked. Rosalie's booklet]

1 Peter 4:17

Wak̇aƞṫaƞka ṫaoyate ki ehaƞtan wiċaglsu. Heċel woyasu ki he uƞkiyepi etaƞhaƞ ṫokahe iyaye haƞtaƞnaṡ, etaƞ Woṫaƞiƞ Waṡte ki wiċalapi ṡni kʹuƞ hena woteḣi waƞ takuƞni iyehaƞ ṡni ċa kiċiyaƞkapi. Wowapi Wak̇aƞ el leċel owapi,