1 Peter 2:4 - Lakota Portions

⁴ Jesus Christ el upo. He inyaƞ waƞ oyate ki ċiƞpi ṡni na paḣeyab yuzapi kʹuƞ he eċa Wak̇aƞṫaƞka eḣc̄a kiye na taƞyela yuonihaƞ.

1 Peter 2:4 Referans Kwoze

1 Peter 2:7

Iṫaƞċaƞ ihakab yauƞpi ki, inyaƞ ki le teḣiyakilapi. Eyaṡ etaƞ ihakab uƞ ċiƞpi ṡni kʹuƞ hena e heċetulapi ṡni. Hena tikaġapi wowaṡi eya iƞyaƞ waƞ ihaƞkeya waṡte ċa ḣayeb iḣpeyapi yuƞk̇aƞ iƞyaƞ ki he ihaƞkeya waƞkatuya yawapi kʹuƞ he e.

2 Peter 1:4

Wak̇aƞṫaƞka woiwahoye eya woiṫuƞṗeya kaġe, na he ṫaoye ki iyeċel eċakel ogna wauƞ kte. Heċel taku heċetu ṡni eya uƞkawaċiƞpi na heċel wowiyutaƞ yaƞke ki hetaƞhaƞ iṫehaƞ uƞkoyuspapi kte.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

1 Peter 1:19

Eyaṡ Christ ṫaḣċiƞċala ċa we kpapsuƞya tʹe ki he iyeċel wiċoni ekignake heċel wayaḣtani ki he uƞ niċiċaijupi.

1 Peter 1:7

Wowiċala niṫawa ki mazazi ċa ṗeta uƞ iyuṫapi iyeċel eṡ eyaṡ isam waṡte kte. Heuƞ wowiyuṫe eya taku wiċayala ki uƞ iniyuṫapi eyaṡ ihaƞgyepiċa kte ṡni. Hehaƞl woyataƞ, na woyuonihaƞ, na wowitan, un niyuonihaƞpi kte tohaƞl Jesus Christ ake gli kihaƞ.