1 Peter 2:21 - Lakota Portions

²¹ Iṡnikal eṡ, Niyepi uƞ Christ wokakije ki he woiwaƞyaƞke heċa, ṫaoye ki he ahoyaṗe ki haƞ wokakije waƞ wanlakiƞ kte, heuƞ Wak̇aƞṫaƞka nic̄aḣniġe,

1 Peter 2:21 Referans Kwoze

Ephesians 5:2

Waċaƞte ognakapi ki he ognayaƞ uƞkʹuƞpi kte. Christ teuƞḣilapi na iye iċ'iċ'u ki he Wak̇aƞṫaƞka iyokipi.

1 Peter 2:24

Christ wauƞḣtanipi ki yuptaya iċu na hena yuha ċaƞiċipaweġa waƞ akaƞl aokataƞpi na tʹe, heċel hehaƞyaƞ wauƞḣtanipi kte ṡni na e e owoṫaƞlaya uƞkʹuƞpi kte. Ṫaċaƞ oċaṗe ki hena na uƞṫuƞyaƞpi ki heuƞ asniniyaƞpi.

1 Peter 4:1

Christ mak̇a akaƞl kakiṡyauƞ. Heuƞ niṡʹeya iyeċel nikakijiƞ kta wayakta kte, iċiƞ taku heċetu ṡni etaƞhaƞ nigluḣlaye na heuƞ teḣi waƞ lake ki he aṫaƞiƞ kte.

Philippians 2:5

Na Christ Jesus tokel ṫawaċiƞ ki he iyeċel oholayeḣċiƞ oyale kte,

1 Peter 3:18

Wowaḣtaƞni uƞkiṫawapi uƞ Christ waƞċaḣc̄iƞ tʹe. Tuwe waƞ wowaḣtaƞni iyauƞpepiċa ṡni ċa tʹe, na etaƞ heċel uƞpi kʹuƞ hena e nipi kta uƞ heċuƞ. Wak̇aƞṫaƞka el uƞkaupi kta uƞ heċuƞ, ṫaċaƞ ki ktepi na naġi yukinipi waƞ hehaƞ.

1 Peter 3:9

Oyate ki waḣtenilapi ṡni na oṡteniglapi kʹeyaṡ ṫokiċ'uƞpi ṡni yo. Eṡ eyaṡ, tuwe ki iyuha taƞyaƞ owiċakuwapo. Wak̇aƞṫaƞka ṫaoyatepi kta nikaḣniġapi heuƞ,Wowapi Wak̇aƞ ki el heċel owapi,

2 Timothy 3:12

Tuwa Christ Jesus ṫawowic̄ala ki ic̄upi na taƞyaƞ igluha ċiƞpi ki hena, oyate ki wiċakipajiƞpi kte.

1 Peter 1:20

Wak̇aƞṫaƞka mak̇a ki le kaġe ṡnihaƞni Christ kaḣniġe, eyaṡ niyepi uƞ nakeṡ aƞpetu ehake le el gluaṫaƞiƞ.

1 Thessalonians 4:2

Iṫaƞċaƞ Jesus ihakab uƞpi ki woiyaksape eya uƞniċ'upi waƞ hena kiksuyapo.

1 Thessalonians 3:3

Woteḣika ohaƞ uƞkʹuƞpi ki hena uƞ naġiyeuƞniyaƞpi uƞċiƞpi ṡni. Lena heċetu kta ċa uƞkiċiyaƞkapi ki hena slolyayapi,

Luke 24:26

Wak̇aƞṫaƞka Messiah ki leċel kakijiƞ kta yuṡtaƞ na hehaƞl glukini na maḣpiyata gluonihaƞ kta yuṡtaƞ.”

1 Peter 4:13

Christ ṫaƞtaƞhaƞ uƞ leċel teḣi waƞlakiƞ kte, eyaṡ ṗe yuwaƞkal ikikc̄upi na bliheliċ'iyapo. Leuƞ saƞmṗaya wowiyuṡkiƞ waƞ ihaƞkeya ṫaƞka ċa waƞlakiƞ kte, tohaƞl Christ ake gli kihaƞ.