1 Peter 2:15 - Lakota Portions

¹⁵ Taƞyaƞ waeċanupi ki ognayaƞ oyate eya wiyukc̄aƞpi ṡniyaƞ iniglepi hena aicʹiblezapi kte. Leċel Wak̇aƞṫaƞka ṫawaċiƞ.

1 Peter 2:15 Referans Kwoze

1 Peter 3:17

Wak̇aƞṫaƞka luonihaƞ ki heuƞ nikakije ki he iyeṡ waṡte nahaƞ woṡiċe iċanuƞ uƞ nikakije ki he.

Titus 2:8

Woiye eya uƞ wauƞspewiċayakiye ki hena taƞyaƞ yaglaḣniġiƞ kte, heċel tuweni woiye niṫawa ki hena yaṡic̄a okihi kte ṡni. Leċanu kihaƞ etaƞ el iniglepi hena iṡtelicʹiyapi kte.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Thessalonians 5:18

na taku tok̇a kʹeyaṡ Jesus Christ iyoḣlogya Wak̇aƞṫaƞka wopila kʹupo, Leċel Wak̇aƞṫaƞka ċiƞniċiyapi.

1 Thessalonians 4:3

Wak̇aƞṫaƞka wak̇aƞya nigluhapi ċiƞ, heuƞ wiċowiċaṡaṡni etaƞhaƞ ḣayab nigluzapi kte.

2 Peter 2:12

Oyate ki lena wamak̇aṡkaƞ kʹeya iyeċiƞkawaawaċiƞpi kʹuƞ heċel unpi, na oyate ki niwiċayapi kta uƞ nipi. Taku slolyapi ṡni kʹeyaṡ yaṡiċapi. Eyaṡ taku ṡiċa eċuƞpi ki hena un ihaƞgiċ'iyapi kte.

Jude 1:10

Eyaṡ oyate ki lena taku okaḣniġapi ṡni hena iyuha oṡteglapi. Witkoya wiyukc̄aƞpi uƞ ihaƞgiċ'iyapi, iċiƞ taku waƞyaƞkapi okihipi ki hena uƞ eċela nipi.

1 Peter 4:2

Taku eya iyotaƞyala waƞ hena hehaƞyaƞ aluṡtaƞ kta ċa k̇api, na e e wiċoni niṫawa ki uƞ Wak̇aƞṫaƞka ahoyaṗiƞ kte.

1 Timothy 1:13

Jesus ṡikṡiċa waewakiyiƞ na oṡtewagla, ṫawaċiƞ mahiƞyaƞza ki heuƞ. Eyaṡ lena taku ki eċiyataƞhaƞ slolwaye ṡni ki uƞ uƞṡimala, eċiƞ hehaƞ nahaƞḣc̄i he eċiyataƞhaƞ wowiċala bluha ṡni ki heuƞ.

Titus 3:3

Ehaƞni uƞkiṡ-eya waċiƞuƞṫaƞkapi ṡni waƞ hehaƞ waanauƞġoptaƞpiṡni, wiċaṡaṡniya opiuƞkicʹiyapi, na taku iyeċetuṡni hena kaṡkauƞyuzapi, woiyokipi ec̄ela uƞkolepi. Taku ṡic̄e ki hena uƞkokaḣtaƞpi uƞ ṡilwiyukc̄aƞyaƞ uƞkʹuƞpi. Waoyusiƞkapi ki ogna uƞkigluhapi na tuwe ki iyuha ob iwaḣteuƞkiċilapiṡni.

1 Peter 3:16

taƞyaƞ waċiƞksabya alupta oyakihi kte, heċel tuwa Christ luonihaƞ ki heuƞ oṡtenigla kʹeyaṡ, waluonihaƞ ki heuƞ iṡteliċ'iyapi kte.