1 Peter 2:12 - Lakota Portions

¹² Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

1 Peter 2:12 Referans Kwoze

1 Peter 3:16

taƞyaƞ waċiƞksabya alupta oyakihi kte, heċel tuwa Christ luonihaƞ ki heuƞ oṡtenigla kʹeyaṡ, waluonihaƞ ki heuƞ iṡteliċ'iyapi kte.

1 Thessalonians 4:12

Heċel oyate eya Iṫaƞċaƞ Jesus ihakab uƞpi ki hena niyuonihaƞpi kte, na tuweni takuni iwaċiƞyaƞyiƞ kte ṡni.

1 Timothy 4:12

Na niṫeċa ki he uƞ tuweni oiniḣawiċayakiyiƞ kte ṡni. Eyaṡ etaƞ Wak̇aƞṫaƞka wiċalapi ki hena wiċiṫokabya taƞyaƞ nigluha kte, wowiċala na wowauƞṡila ki hena taƞyaƞ eċanuƞ kte.

James 3:13

T̄uweḣc̄i niksap̄ap̄i na waslolyayap̄i k̄eċanip̄i haƞt̄aƞṡ t̄aƞyaƞ waeċuƞp̄o, heċel oyate ki ableswiċayayap̄i ktelo. Wauƞṡiyalap̄i haƞt̄aƞṡ ksabya waeċanup̄i ktelo.

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

2 Peter 3:11

Taku ki iyuha ihaƞgyapi kte, heuƞ yuonihanyaƞ nigluha kte na Wak̇aƞṫaƞka wowaṡi eċayec̄iċuƞ kte.

1 Timothy 2:2

Wiċaṡa wiċayataƞpi na tuwa wowaṡʹake yuhapi ki hena, waċewiċauƞkic̄iċiyapi kte, heċel Wak̇aƞṫaƞka iṫokab yuonihaƞ ċekiya na waḣwayela uƞkʹuƞpi kte.

Philippians 4:8

Ehakeya, mitakuyepi, taku eya heċetuḣc̄i ki hena awaċiƞ yauƞpi kte, taku eya ihaƞkeya waṡte, na taku eya wak̇aƞyapi, na taku eya wawiyuṡkiƞpi, na taku eya ognaḣc̄i ki hena. Taku hena ohiƞniya awaċiƞ yauƞpi na woyataƞpiċa ki hena lataƞpi kte.

Ephesians 4:22

Witkoya wilukcaƞpi ki he niyutakuƞi kte ṡni ċa oniċiyakapi, ṡiċaya yauƞpi ki hetaƞhaƞ iḣayab ilalapi ki waṡte kte.

Luke 19:44

Oṫuƞwahe ki taƞyela nic̄ajujupi kte na niṫaoyate ki niċiƞc̄api ki oġeya nic̄asotapi ktelo. Wak̇aƞṫaƞka taƞyaƞ uƞniċiyapi ċiƞ eyaṡ Wanikiye ki wic̄ayalapi ṡni heuƞ oteḣike ki lena waƞlakapi ktelo.”

1 Peter 4:11

Taƞyaƞ woglag walupika haƞtaƞnaṡ, Woṫaƞiƞ Waṡte ki he olakiƞ kte. Oyate ki taƞyaƞ owiċayakiya oyakihi haƞtaƞnaṡ, tohaƞyaƞ oyakihi ki hehaƞyaƞ Wak̇aƞṫaƞka waṡʹagniyiƞ kte. Taku eċuƞpi ki hena iyuha iwaƞgya waeċuƞpi kte, heċel Jesus Christ he iyoḣlogya Wak̇aƞṫaƞka yuonihaƞpi kte, he ihaƞgkeya oṫaƞgṫuƞgyaƞ uƞ, na waƞilya wowaṡʹake ki he ṫawa. Ho heċetu welo.

Ephesians 2:3

Eyaṡ iyuha taƞyaƞ wiuƞyukcaƞpi ṡni tk̇a, uƞkiṫaċaƞ ki tukte ognayaƞ imnaicʹiyiƞ kte ki eċa uƞkawaċiƞpi. Ho ċa Wak̇aƞṫaƞka etkiya wauƞgluṡicapi na uƞkiƞṡʹeyaƞ uƞkakijapi tk̇a.

Luke 6:22

“Wiċaṡa-Ċiƞkṡitku ki ṫaƞtaƞhaƞ niyaṡiċapi na iniḣaḣapi na ok̇olaicʹiyapi hetaƞhaƞ iḣpeniyapi eyaṡ Wak̇aƞṫaƞka niyawaṡte ktelo.

Luke 1:68

“Wak̇aƞṫaƞka yataƞpo! Wana ṫaoyate hena wiċakiyuṡkiƞ kta uƞ hi yelo.

1 Timothy 5:10

Nakuƞ taku ota waṡte-ṡteya eċuƞ kʹuƞ hena uƞ oċaṡṫuƞyaƞ uƞ kte, na wak̇aƞyeja taƞyaƞ iċaḣwiċakiyiƞ kte, na tiole omanipi ki hena wowiċakʹu kte, uƞṡiicʹiya waokiyiƞ kte, Wak̇aƞṫaƞka wic̄alapi ki hena ṫatiopa ki ohiƞniyaƞ yuġaƞwiċakihiƞ kte, ohiƞniyaƞ takuƞl waṡte ċa oyate ki eċawiċakic̄iċuƞ kta ole kte.

1 Peter 2:15

Taƞyaƞ waeċanupi ki ognayaƞ oyate eya wiyukc̄aƞpi ṡniyaƞ iniglepi hena aicʹiblezapi kte. Leċel Wak̇aƞṫaƞka ṫawaċiƞ.