1 Peter 1:7 - Lakota Portions

⁷ Wowiċala niṫawa ki mazazi ċa ṗeta uƞ iyuṫapi iyeċel eṡ eyaṡ isam waṡte kte. Heuƞ wowiyuṫe eya taku wiċayala ki uƞ iniyuṫapi eyaṡ ihaƞgyepiċa kte ṡni. Hehaƞl woyataƞ, na woyuonihaƞ, na wowitan, un niyuonihaƞpi kte tohaƞl Jesus Christ ake gli kihaƞ.

1 Peter 1:7 Referans Kwoze

James 1:12

Oteḣi iyaglep̄i eyaṡ t̄uwa wowic̄ala sut̄aya glusʹuƞp̄i na kpaptap̄i ki hena wiċayawaṡte ktelo, ċiƞ Wak̇aƞṫaƞk̄a teḣilap̄i waƞ hena wiċoni oihaƞk̄e wanilya wayaƞk̄ap̄i ktelo.

1 Peter 4:12

Mitakuyepi, watohaƞlya ṡna ṗeta ohaƞ mayani sʹe iniyuṫapi kte, eyaṡ iyuṡʹiƞyaƞpi ṡniyo.

Jude 1:24

Wak̇aƞṫaƞka Wanikiya uƞkiṫawapi ki, Iṫaƞċaƞ Jesus Christ iyoḣlogya yataƞ po! Wak̇aƞṫaƞka iṡnala wookiye niċ'u okihi, heċel taku waƞ el waniċ'iċuƞze ki he ognaya waṡʹagya nayajiƞ kte, na ċaƞte etaƞhaƞ Wak̇aƞṫaƞka iluṡkiƞ kte. Oṫokahe hetaƞhaƞ na wana na oihaƞke wanilya, Wak̇aƞṫaƞka, wowitaƞ, woyuonihaƞ, wowaṡʹake, na wokiċuƞze ki hena ikipi. Ho, heċetuwelo.

2 Peter 1:4

Wak̇aƞṫaƞka woiwahoye eya woiṫuƞṗeya kaġe, na he ṫaoye ki iyeċel eċakel ogna wauƞ kte. Heċel taku heċetu ṡni eya uƞkawaċiƞpi na heċel wowiyutaƞ yaƞke ki hetaƞhaƞ iṫehaƞ uƞkoyuspapi kte.

1 Peter 2:4

Jesus Christ el upo. He inyaƞ waƞ oyate ki ċiƞpi ṡni na paḣeyab yuzapi kʹuƞ he eċa Wak̇aƞṫaƞka eḣc̄a kiye na taƞyela yuonihaƞ.

Luke 12:33

Waluhapi hena wiyoṗekiyapi na uƞṡikapi ki lena mazaska ki wiċakʹupo. Wak̇aƞṫaƞka taku iyotaƞla ki hena eċa tekiḣilapo. Maḣpiyata wowaṡte ki lena ojuha ċa tohaƞni okuke ṡni ċa ognakapi iyeċec̄a. Ho na maḣpiyata wamanu-wiċaṡa wanic̄api ċa wowaṡte ki lena tuweni animanu kte ṡni na kimimila ki otebyapi okihipi kte ṡni yelo.

2 Peter 1:1

Simon Peter le miye yelo, Jesus Christ ṫawowaṡi na ṫawahoṡiye ki he e. Tuwe ki iyuha Wak̇aƞṫaƞka na Wanikiya Jesus Christ wiċalapi ki hena, taku heċetu na waṡte ki hena ognayaƞ uƞpi kte.

1 Peter 2:7

Iṫaƞċaƞ ihakab yauƞpi ki, inyaƞ ki le teḣiyakilapi. Eyaṡ etaƞ ihakab uƞ ċiƞpi ṡni kʹuƞ hena e heċetulapi ṡni. Hena tikaġapi wowaṡi eya iƞyaƞ waƞ ihaƞkeya waṡte ċa ḣayeb iḣpeyapi yuƞk̇aƞ iƞyaƞ ki he ihaƞkeya waƞkatuya yawapi kʹuƞ he e.

1 Peter 1:5

Wak̇aƞṫaƞka wiċayala ki heuƞ ṫawowaṡʹake uƞ niyuha kte, aƞpetu ihaƞke ekta wiċayasupi kte ki hehaƞyaƞ. Na hehaƞl woohiye waƞ ċiƞniċiye kʹuƞ he yuha niċiƞyiƞ kte.

Luke 17:30

Tohaƞl Wiċaṡa-Ċiƞkṡitku ki he ku ki ake iyeċetu ktelo.

1 Peter 1:13

Iwaktaya na taƞyaƞ wiyukc̄aƞpo. Tohaƞl Jesus Christ ake gli kihaƞ Wak̇aƞṫaƞka Tawowaṡte ki uƞ oiyokipiya niyawaṡtepi ktelo.

1 Peter 4:13

Christ ṫaƞtaƞhaƞ uƞ leċel teḣi waƞlakiƞ kte, eyaṡ ṗe yuwaƞkal ikikc̄upi na bliheliċ'iyapo. Leuƞ saƞmṗaya wowiyuṡkiƞ waƞ ihaƞkeya ṫaƞka ċa waƞlakiƞ kte, tohaƞl Christ ake gli kihaƞ.

1 Peter 5:1

Ok̇olakiċiye Wak̇aƞ ki blihelċiyapi waċiƞ uƞ wowapi ki le wakaġe. Miṡʹeya he el oiṫaƞċaƞpi ki he mawaƞji, na Christ tokel kakije kʹuƞ he waƞblake, na he tohaƞl ṫawowaṡʹake ki yutaƞyaƞkel yuaṫaƞiƞpi ki miṡʹeya el oṗamakiyapi kte.

2 Peter 3:14

Mitakuyepi, leċetu kta ayaṗepi ki eċuƞhaƞ wiċoni taƞyaƞlaḣc̄i awaƞyeglakapi kte. Iṫaƞċaƞ gli kihaƞ waḣwayela ogna yauƞpi ki iyeniyapi kte.