1 Peter 1:25 - Lakota Portions

²⁵ Eyaṡ Wak̇aƞṫaƞka taku eye ki he oihaƞke waniċiƞ kte." Leċel uƞkoniċiyakapi waƞhe Woṫaƞiƞ Waṡte ki e.

1 Peter 1:25 Referans Kwoze

2 Peter 1:19

Wahoṡiye ki taku eyapi kʹuƞ hena iyeċetu ki heuƞ saƞmṗaya wiċauƞlapi. Heuƞ oiyokpaze el ṗetijaƞjaƞ waƞ iyoyaƞpakiye ki he iyeċel, taku eyapi ki hena taƞyaƞ ċantewiċaluzapi kte, haƞhepi opta na aƞpetu ṡni hehaƞyaƞ awaċiƞyaƞ yauƞpi kte, eċel aƞpo wiċaḣpe ki he ṫaƞiƞ sʹe ayableze hehaƞyaƞ.

Luke 16:17

Eyaṡ Moses ṫawooṗe ki maḣpiya na mak̇oċe ki isam waṡʹagya yaƞke.

Ephesians 2:17

Christ hi na oyate ṫokċa yauƞpi ki hena taƞyaƞ yauƞpi kta uƞ wahokuƞniċiyapi, Wak̇aƞṫaƞka iṫehaƞ yauƞpi ki heuƞ, na Jew oyate ki Wak̇aƞṫaƞka ikiyela uƞkʹuƞpi ki hena uƞkiṡʹeya waḣwala uƞkʹuƞpi kte.

1 Peter 2:2

Hokṡiċala waƞ nakeṡ yuhapi na loċiƞya ipuze, he huƞku etaƞhaƞ asaƞpi ċiƞ ki he iyeċel niṡʹeya taku eya wak̇aƞlapi ki hena uƞ waniṡʹakiƞ kte, na uƞ yani kte.

1 Peter 1:23

Woṫaƞiƞ waṡte waƞ oihaƞke waniƞċe ki he Wak̇aƞṫaƞka nayaḣ'uƞ niċiyapi he uƞ unṡiyeċilapi kte.

1 Peter 1:12

Eyaṡ niye ċa uƞ woilagiċ'iyapi kte na iye ahaiċ'iktapi kte ṡni ki he owiċakiyakapi. Woniya Wak̇aƞ ki maḣpiyataƞhaƞ hiyuyapi kʹuƞ he ṫawowaṡʹake ki un wahokuƞniċiyapi. Na Woṫaiƞ Waṡte ki he ogligle ki iƞṡʹeya samṗaya naḣ'uƞ ċiƞpi kʹeyaṡ niye ċa niċ'upi.

Titus 1:3

Wak̇aƞṫaƞka aƞpetu waƞ kaḣniġe ki hel oyate ki ṫawahokuƞkiye ki onaḣʹuƞwiċawayiƞ kte. Wak̇aƞṫaƞka Niuƞyaƞpi uƞkiṫawapi ki leċel yaoṫaƞiƞ maṡi.

Ephesians 3:8

Oyate eya yuwaƞkal wiċayuzapi ohaƞ wauƞ na matuweni ṡni eṡʹa Wak̇aƞṫaƞka uƞṡimala na miye ċa oyate ṫokṫokċapi ki hena owiċawakiyakiƞ kta makaḣniġe, heċel iƞṡʹeya Christ el taku ihaƞkeya waṡteṡte ċa yuhapiċa yaƞke ki hena iƞṡʹeya yuhapi okihipi kte.