1 Peter 1:21 - Lakota Portions

²¹ Na ṫaiƞiċ'iye ki heuƞ, Wak̇aƞṫaƞka wiċayalapi kte, He wiċuƞtʹe etaƞhaƞ yukini na wowitaƞ uƞ yuonihaƞ. Le uƞ Wak̇aƞṫaƞka wiċayalapi na taku k̇e ki he waċiƞyekiya ayaṗepi.

1 Peter 1:21 Referans Kwoze

1 Peter 3:22

Christ waƞna maḣpiyata uƞ, heċiya Wak̇aƞṫaƞ iṡliyataƞhaƞ isakibya yaƞke. Ogligle-wak̇aƞ ki, na maḣpiya wokiċuƞze ki, na taku woiṫaƞċaƞ yawapi ki, hena iyuha napiyusya yaƞke.

1 Peter 1:11

Christ ṫaoniye ki he slolyapi na tokel Christ woteḣi waƞ waƞyaƞkiƞ na tʹiƞ kte hehaƞl woyuonihaƞ ṫaƞka waƞ kʹupi kte ki he ableswiċakiyake.

Ephesians 1:15

Wak̇aƞṫaƞka ṫaoyate ki uƞṡiwiċayala na Iṫaċaƞ Jesus wiċayala ki he onaċiḣ'uƞ.

1 Timothy 1:1

Le Paul miye ċa wowapi ki le wakaġe, Wak̇aƞṫaƞka niuƞyaƞpi ṫawowaṡʹake ki uƞ Christ Jesus ṫawahoṡiye heċa makaġe. He waċiƞkiya uƞkaṗepi ki he e.

1 Timothy 3:16

Wowiċala wak̇aƞ ki le e: Christ wiċaṡa heċel mak̇a akaƞl hi. Woniya Wak̇aƞ ki yaaṫaƞiƞ, ogligle ki waƞyaƞkapi. Mak̇a owaƞċaya Christ yaoṫaƞiƞpi. Mak̇a owaƞċaya oyate ki wiċalapi, na maḣpiya wokiċuƞze etkiya akiyaglapi.

1 Peter 1:3

Jesus Christ atkuku ki, Wak̇aƞṫaƞka yataƞpo. He lila wauƞṡila, na he Jesus wiċuƞtʹe etaƞhaƞ yukiƞni ki heuƞ wiċoni ṫeċa waƞ uƞkʹupi na waċiƞyekiya uƞkʹuƞpi.