1 Peter 1:15 - Lakota Portions

¹⁵ Wak̇aƞṫaƞka ṫawokiċuƞze el oyate ki tokel igluhapi kte ki iyeċel uƞpo, Iċiƞ Wak̇aƞṫaƞka wak̇aƞ na iye ċa nikaḣniġe.

1 Peter 1:15 Referans Kwoze

James 3:13

T̄uweḣc̄i niksap̄ap̄i na waslolyayap̄i k̄eċanip̄i haƞt̄aƞṡ t̄aƞyaƞ waeċuƞp̄o, heċel oyate ki ableswiċayayap̄i ktelo. Wauƞṡiyalap̄i haƞt̄aƞṡ ksabya waeċanup̄i ktelo.

1 Peter 2:12

Wowicala yuhapi ṡni eya ohaƞ yauƞpi ċa waktaya uƞpo. Takuƞl ṡic̄a iyaniuƞpapi eyaṡ igluonihaƞ yauƞ ki waƞniyaƞkapi na tohaƞl Wak̇aƞṫaƞka oyate ki wiċayasu kta u ki, taku waṡte eċanuƞ ki hena wanyaƞkapi na Wak̇aƞṫaƞka yuonihaƞpi ktelo.

Philippians 1:27

Iyotaƞḣc̄i, Woṫaƞiƞ Waṡte el tokel uƞkigluhapi ki Christ uƞyuonihaƞpi kte ki he owa yaƞke ki he uƞkolepi kte. Heċel ake wauƞkiċiƞyaƞkapi naƞiƞṡ heċetu ṡni eṡa, iyuha hel ogna wilukcaƞpi ki he onaċiḣ'uƞpi kte. Iyuha witaya hel ogna ṡkiƞniċiyapi ki Woṫaƞiƞ Waṡte ki ota wiċalapi kte.

1 Peter 2:9

Ok̇olakiċiye Wak̇aƞ ki he niyepi, Wak̇aƞṫaƞka niċaḣniġapi na ṫaoyate nikaġapi heċel ṫawowaṡte ki hena olakapi kta uƞ, niṫawaċiƞpi ki oiyokpaze iyeċel el yauƞpi waƞ hehaƞ waayablezapi ṡni, eyaṡ waƞna hena ayablezapi na lena laoṫaƞiƞpi kte. Wowapi Wak̇aƞ el leċel owapi,

Titus 3:14

Crete el Iṫaċaƞ wic̄alapi hena iƞṡ-eya taku waṡte eċuƞ pic̄a hena wilagicʹiyapi kta iyeċetu.

2 Timothy 1:9

Wak̇aƞṫaƞka uƞkaḣniġapi na niuƞyaƞpi heċel ṫaoyate heuƞċapi kte. Takuƞni ikipiya ecuƞkʹuƞpi ṡni eyaṡ, Wak̇aƞṫaƞka ehaƞni heċetu kta ċa yuṡtaƞ egnake. Eċiƞ lila wauƞṡila ki heuƞ ehaƞni taku yaƞke ki hena iyaƞke ṡnihaƞni, Jesus Christ iyoḣlogya lena egnake.

1 Timothy 4:12

Na niṫeċa ki he uƞ tuweni oiniḣawiċayakiyiƞ kte ṡni. Eyaṡ etaƞ Wak̇aƞṫaƞka wiċalapi ki hena wiċiṫokabya taƞyaƞ nigluha kte, wowiċala na wowauƞṡila ki hena taƞyaƞ eċanuƞ kte.

Philippians 3:20

Eyaṡ uƞkiye maḣpiya eċiyataƞhaƞ Wanikiya waƞ u kte ki he aṗe uƞkʹuƞpi. Iṫaƞċaƞ uƞkiṫawapi Jesus Christ

Philippians 3:14

Wasabgle waƞ he ki he etkiya ṡkiƞmiċ'iye, heċel maḣpiya ta woohiya waƞ he ki he ohiwayiƞ kte. Christ Jesus taku waƞ yuṡtaƞ egnake ki heuƞ Wak̇aƞṫaƞka woohiye ki le kaġe.

1 Peter 5:10

Eyaṡ Wak̇aƞṫaƞka ṫawowauƞṡila ki he, wowaṡi eċuƞpi ṡni eyaṡ iṡi wiċakʹupi ki he iyeċel, tuwe ki iyuha wiċ'upi, ċa heuƞ Christ Jesus ṫawowinihaƞ waṡteḣc̄a ki he owaja nikiyapi kte. Otohaƞyaƞ nikakijiƞ kte, [eyaṡ Wak̇aƞṫaƞka onikiyiƞ kte heċel atayakel waṡʹagniyiƞ kte.]

1 Peter 3:16

taƞyaƞ waċiƞksabya alupta oyakihi kte, heċel tuwa Christ luonihaƞ ki heuƞ oṡtenigla kʹeyaṡ, waluonihaƞ ki heuƞ iṡteliċ'iyapi kte.

Titus 3:8

Wonaḣʹuƞ ki le ataya heċetu. Wouƞspe ki lena woilake waṡte na iyuha uƞkiwaṡtepi kte. Oyate ki iwaṡtepi kta uƞ lena iyuha yuhapi kta iyowiċayapaṡtakiƞ kte, heċel tuwe ki iyuha Wak̇aƞṫaƞka wic̄alapi hena wiċoḣʹaƞ waṡteṡte eċuƞpi kte.

1 Thessalonians 2:12

Wiċoni niṫawa ki uƞ tokel Wak̇aƞṫaƞka luonihaƞ kte he ognayaƞ blihel uƞniyaƞpi kte ḣc̄iƞ, na he ognayaƞ wahokuƞ uƞniċiyapi. Wak̇aƞṫaƞka ṫawokiċunze na ṫawowitaƞ ki hena iyoniwaja kta niċaḣniġe.