1 Peter 1:12 - Lakota Portions

¹² Eyaṡ niye ċa uƞ woilagiċ'iyapi kte na iye ahaiċ'iktapi kte ṡni ki he owiċakiyakapi. Woniya Wak̇aƞ ki maḣpiyataƞhaƞ hiyuyapi kʹuƞ he ṫawowaṡʹake ki un wahokuƞniċiyapi. Na Woṫaiƞ Waṡte ki he ogligle ki iƞṡʹeya samṗaya naḣ'uƞ ċiƞpi kʹeyaṡ niye ċa niċ'upi.

1 Peter 1:12 Referans Kwoze

Ephesians 3:10

Hehaƞl Wak̇aƞṫaƞka ok̇olakiċiye wak̇aƞ ki he wiċauƞ kte, wowaṡʹake na maḣpiya wokiċuƞze el taku ota wowaableze yaƞke ki hena okaḣniḣ wiċakiyiƞ kte.

Mark 16:15

Hewiċakiye, “Mak̇a ki le ataya iyayapi na tuktel wiċaṡa uƞpi ki hena Wak̇aƞṫaƞka ṫawoksape wak̇aƞ ki lena uƞspewiċakiyapo.

1 Peter 1:25

Eyaṡ Wak̇aƞṫaƞka taku eye ki he oihaƞke waniċiƞ kte." Leċel uƞkoniċiyakapi waƞhe Woṫaƞiƞ Waṡte ki e.

Luke 15:10

He iyeċel tohaƞl tuwa Wak̇aƞṫaƞka etkiya uƞṡiicʹiya haƞtaƞṡ, ṫaogligle waƞ hena lila iyuṡkiƞpi ktelo,” eye.

1 Thessalonians 2:9

Mitakuyepi, teḣiya wowaṡi eċuƞkʹuƞpi na woteḣi ohaƞ uƞkʹuƞpi waƞ hena yeksuyapi ṡni hwo? Woṫaƞiƞ Waṡte ki uƞkoyakapi kta uƞ haƞhepi na aƞpetu iyagleya wowaṡi eċuƞkʹuƞpi, na tuweni naġiyeuƞyaƞpi uƞċiƞpi ṡni uƞ heċuƞkʹuƞpi.

Luke 9:6

Yuƞk̇aƞ iyayapi, na oṫuƞwahe iyaza yapi, na woṫaƞiƞ-waṡte oyakapi, na owaƞc̄aya waasniyapi.

Luke 2:26

na tʹe ṡnihaƞni Wak̇aƞṫaƞka wanikiya waƞ hiyuyiƞ kte ki he waƞyaƞkiƞ kte ki okiyake.

1 Timothy 3:16

Wowiċala wak̇aƞ ki le e: Christ wiċaṡa heċel mak̇a akaƞl hi. Woniya Wak̇aƞ ki yaaṫaƞiƞ, ogligle ki waƞyaƞkapi. Mak̇a owaƞċaya Christ yaoṫaƞiƞpi. Mak̇a owaƞċaya oyate ki wiċalapi, na maḣpiya wokiċuƞze etkiya akiyaglapi.

1 Peter 4:6

Etaƞ tʹapi kʹuƞ hena ekeyaṡ Woṫaƞiƞ Waṡte ki naḣ'uƞpi, hena nipi waƞ hehaƞ tokel uƞpi kʹuƞ he iyeċel wiċayasupi kte, na naġipi ki Wak̇aƞṫaƞka kiċi uƞpi kte.