सपन्याह 3:5 - लिम्बु5 खे़ल्ले़ कुलुम्मो के़युङ्बा यहवे दाङ्बे़न् साम्योबा चोक्लो, खुने़ॽ थे़माआङ् मे़न्वाॽमनाबा मे़जोगुन्लो॥ खुने़ॽ थिक्याःन्धक्मा खुने़ॽ तानाम् थक्मा मे़म्भेःन्ने कुदोःप्मा खासे़न् ओसेःन्धाङ् चोगुरो, हे़क्केसाङ् लायोबा मनान् सिरिङ् मे़मने़न्लो॥ Gade chapit la |
सपन्याह 3:5
41 Referans Kwoze
आप्फाल्ले़साङ् खे़न् च्वाःत्तिन् कुङ्भे़न्ने़ल्ले़ खे़न् च्वाःत्तिल्ले़ खे़निॽ के़बक्खि के़देॽरिरो॥ तानाम् थक्मा हे़क्क्याङ् से़न्दिक् ले़न्दिक् खे़न् च्वाःत्तिन् खे़निॽना कुङ्भे़न्लो॥” कन् इङ्घङ्ङिल्ले़ थे़मा पाःप्मा कोःत्तुबा? खे़ल्ले़ कुबेन् कुसिङ् निःप्माल्ले़ग साॽरिक् किमा यङ्मा पोङ्लो॥
थेआङ्भे़ल्ले़ यहवे दाङ्बा खिनिॽ निङ्वाॽफुमाङ्ङिन् खिनिॽ ताङ्से़ःप्मारे़ लागि नु निङ्मिहाॽ हुक्को थामासिरे़ लागि खिनिॽ साःङ्गाहिम्हाॽओ नाना कत्ना लाङ्घेःक्काङ् वाॽ॥ खिनिॽ लुम्मो आत्तिन् परिक्ले़न्नाङ् चिःन्जिःन् के़घुबा पाःन्हाॽ यहवे दाङ्बे़ल्ले़ कुदगि निमे़धाःप्ने़न्ल फाॽआङ् खिनिॽ थक्सुबा साःङ्गाहिम्मिन् सेसे पोङ्मा पोङ्ॽ, मेःन्ने़भग्र खुने़ॽ खिनिॽलाम् नुःङ्बेःक्लो॥
खे़ल्ले़चोगुल्ले़ दाङ्बाल्ले़ कुनुःङ्मा युःमा ये़म्मिन्नुःल्ले़ तगि वेॽहाॽ खासे़न् मे़लोःन्दे़म्सिम्मिन्ने़ॽ, खुने़ॽए खादाम्मोबा फे़न् पाःन्हाॽ से़न्दाङ्गे़न् ओःत्तिओ तारुॽ हे़क्क्याङ् मे़न्छाम् निङ्वाॽओबा सिबिॽ पाःन्हाॽआङ् ओसेःन्दाङ् चोगुॽरो॥ खे़न् ये़म्मोए के़रे़क्ले़ निङ्वाॽफुमाङ्लाम् खुनिॽ ने़म्भोगे़न् नारा फोमान् मे़घोसुॽरो॥
खुने़ॽ आङ्गाॽ ले़प्माङ् खासे़न् मे़लोःन्दुन्ल थारिक्, हे़क्क्याङ् आघोमा युक्किन् निःन्धो मे़जोगुन्ल थारिक्, आङ्गाॽ खुने़ॽ कुसाक्के़न्निन् थरुङ्लो, थेआङ्भे़ल्ले़ खुने़ॽ कुदक्ले़ङ्वाओ लायो चोगुङ्ङाङ् वाॽरो॥ खुने़ॽ आङ्गाॽ लःत्ताआङ् ओःत्तिओ ताःत्तारो, हे़क्क्याङ् आङ्गाॽ खुने़ॽ कुसाम्योनिमान् निसुङ्लो॥
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
दाउदरे़ कुमुॽइदाङ्सा यहुदाबा हाङ् हिम्सयङ्से, यहवे दाङ्बे़ल्ले़ अक्खे पाःत्तुरो, “‘थिक्याःन्धक् कुदोःप्मा खासे़न्निन् तक्ते़म् कत्ते़म्मे़ॽओ॥ मना के़घुम्बाल्ले़ कुहुक्कोलाम्बा मे़नाप्तुसिबाहाॽ ताङ्से़ःप्ते़म्सिम्मे़ॽओ॥ मेःन्ने़भग्र खिनिॽ फे़न्याःम्बक्किल्ले़ आसिक् पोःक्काङ् मि पोङ्ङारो खे़ब्याङ् खे़न् हाःत्ले़आङ् से़प्मा मे़सुक्तुम्बा मि हे़क्के हुरुरुना तिःत्लो॥
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥
कन् याम्गे़सिङ्बा याःम्बक्किन् मे़जोगुबाओ खुन्छिॽ नुःम्मा के़बोङ्बा मेःम्बि? कर खे़ङ्हाॽग मिसाक्काङ् नुःम्माए मे़न्नुःन्दे़न्लो॥ नुःम्मा पाःन्निन् थे़माबे फाॽआङ् खे़ङ्हाॽरे़ मे़ल्ले़सुन्लो॥ खे़ल्ले़चोगुल्ले़ वेॽ के़मे़क्पाहाॽनुए खे़ङ्हाॽआङ् मे़मे़क्लो॥ खे़ङ्हाॽ खुम्दिङ् पिरुङ्सिङ्बा ये़म्मो खे़ङ्हाॽ मे़मे़क्लो॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
पोङ्मा के़इःप्पा पाःन्हाॽ पाःत्ते़म्मे़ॽओ, खे़न् ओसेःन्धाङ् चोगे़म्मे़ॽओ॥ खे़ङ्हाॽरे़ खुन्छिॽ लुम्मो आबाङे पान् मे़दङ्घुररो, यरिक् तङ्बे तगि कन् पाःन्निन् हाःत्ले़ पाःत्तुआङ् वये़बे? थे आङ्गाॽ यहवे दाङ्बे़ल्ले़ए मेःम्बि? आङ्गाॽनुःल्ले़ वेॽ हाःत्ताङ् निङ्वाॽफुमाङ् होप्लो॥ साम्योबा निङ्वाॽफुमाङ् नु से़न्लप्दाङ्बा, आङ्गाॽनुःल्ले़ वेॽ हाःत्ताङ् होप्लो॥
कुइगे़भे़म्बा मनाहाॽनु सोरिक् साम्योबा मनाहाॽ से़प्मासि याःम्बक् खे़ने़ॽलाम् आभे़ल्ले़आङ् मे़बोङ्ने़ल्लरो॥ लायोबा मनाःल्ले़ तुमुबा हे़क्तङ्बा साम्योबा मनाःल्ले़ खे़ने़ॽलाम् तुम्मा मे़बोङ्ने़ल्ल॥ खे़ने़ॽए के़रे़क् इक्सादिङ् खाम्बेःक्मोबा खासे़न्दाङ्बाने़, खे़ने़ॽ कुदोःप्मा खासे़न् के़न्लोःन्दुम्बि?”
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
Piblisite