खे़ने़ॽओबा निङ्वाॽफुसाम्बाहाॽरे़ आङ्गाॽ आइङ्जाङ्हाॽ मे़भेःन्दुआङ् वाॽ हे़क्क्याङ् आङ्गाॽ सेसेबा आबाःन्हाॽ मे़जिःन्दुआङ् वाॽ॥ आत्तिन् सेसेबा पान् नु आत्तिन् मे़न्जोबा पान् फाॽआङ् खे़ङ्हाॽरे़ मे़न्छे़न्दुन्ॽ॥ हे़क्क्याङ् थिम् कुइसिक् सुत्थो नु आसुत्थो पाःन्हाॽ खे़ङ्हाॽरे़ आङ्गाॽ आमनाहाॽ मे़न्हुॽरुसिन्ॽ॥ आङ्गाॽ खे़ङ्हाॽरे़ खुन्छिॽ लुम्मो कुनामे़न्छाॽ पोङ्ङार फाॽआङ् खे़ङ्हाॽरे़ आङ्गाॽ आसाबाथ नाःम्सिङ्मा ये़न्हाॽ निनि खे़म्घे़म् मे़ल्लाप्तुन्ॽ॥
सपन्याह 3:4 - लिम्बु4 खे़ल्ले़ कुमाङ्निङ्वाॽपान् के़बाःप्पाहाॽ निङ्वाॽ तादा पान् के़ले़ङ्बा मे़जोक्लो, खे़ङ्हाॽ इङ्ले़क् के़जोःक्पा मनासिरो॥ खे़ल्ले़ कुनिङ्वाॽफुसाम्बाहाॽरे़ सेसेदे़न्निन् मे़जिःन्दुरो, हे़क्क्याङ् खे़ङ्हाॽरे़ साम्योथिम् इङ्जाङ्ङिन् फे़त्मे़लाःन्दुरो॥ Gade chapit la |
सपन्याह 3:4
33 Referans Kwoze
“कर खे़निॽ निङ्वाॽफुसाम्बाहाॽरे़ नुबा लाम्मिन् के़ले़रुम्माङ् थिक्नाहाङ् के़हिआसि के़बेगिआङ् के़वयिॽ॥ खे़निॽ निसाम्मिल्ले़ यरिक् मनाहाॽ ताप्फे़ःम्बा याःम्बक् चोक् पाङ्घुसिआङ् वाॽ॥ आङ्गाॽ ले़बिहाॽनु चोगुङ्बा माङ्हुप्पिन् खे़निॽ के़भेःन्दुम्माङ् के़वयिॽ” लॽरिक् मुक्साम्दाङ्बा यहवे दाङ्बे़ल्ले़ पाःत्तुॽ॥
खुम्दिङ् पिमा ये़न्हाॽ निःत्ताङ् त्ये़आङ् वाॽरो, कुले़क्वा नुःक्मा ये़न्हाॽ चिदुप् वाॽरो॥ कन् पाःन्हाॽ इस्राइलरे़ निङ्वाॽ खोसुररो॥ खिनिॽ लायोहाॽ यरिक् वाॽबा नु सिक्चोःक्मान् यम्बा चोःक्पे़ल्ले़ माङ्निङ्वाॽपान् के़बाःप्पे़न् अदङ् नु याम्साम्मिल्ले़ थुक्तुबा मनाःङ्ग के़नाङ्बा के़लेःत्तुम्लो॥
खे़ने़ॽ के़माङ्निङ्वाॽपान् के़बाःप्पाहाॽरे़ मे़निसुबा सुफोहाॽ इङ्ले़क्पा नु कुसुम् मे़न्दम्मनाबा वये़रो॥ खे़ने़ॽ ते़म्मा तेॽमा मे़म्भाःक्मारे़ लागि खे़ङ्हाॽरे़ खे़ने़ॽ के़भे़न् याःम्बक्हाॽ ओःन्गे़मे़न्धाक्ते़न्लो॥ खे़ङ्हाॽरे़ खे़ने़ॽ के़लागि मे़निसुबा सुफोन् इङ्ले़क्पा नु मिक्ले़ःङ्मा पाःन्लक् वये़रो॥
हे़क्क्याङ् खे़न् किप्मा के़घुबा थक्सान् नु खुने़ॽ कुदगि निङ्वाॽ के़माबा याःम्बक् के़जोःक्पा खे़न् इङ्ले़क्पा माङ्निङ्वाॽपान् के़बाःप्पे़न् मे़दे़म्सुसिरो॥ खे़ल्ले़ मुक्साम्रे़ कुधिम्बा निङ्वाॽ के़माबा याःम्बक्हाॽरे़ खे़न् किप्मा के़घुबा थक्साःल्ले़ इबुगे़न् कुमिक्सेन् के़लक्पा नु कुनावाइत्लान् से़वा के़जोःक्पाहाॽ इङ्ले़क्तुसिआङ् वये़रो॥ खे़ङ्हाॽ ने़प्माङ् कुहिङ्वे़त्ते कान्धाक् के़दिःप्पा मिराःक् लुम्बाःत्तो लाप्मे़भुसुसिरो॥
आमिःम् आन्जुम्से, यरिक् इङ्ले़क्पा माङ्निङ्वाॽपान् के़बाःप्पाहाॽ इक्सादिङ् खाम्बेःक्मो के़रे़क् पिसाङ् मे़लःन्दे़आङ् मे़वाॽरो॥ खे़ल्ले़चोगुल्ले़ इङ्गाॽ सेसेमाङ्लाम् पाःत्ता के़लॽबाहाॽ काक् नसान् मे़जोगे़म्सिम्मिन्ने़ॽओ, कर खे़ङ्हाॽ निङ्वाॽफुमाङ्लाम् के़दाबासिबि मेःम्बि फाॽआङ् साॽरे़म्सिम्मे़ॽओ॥
आङ्गाॽ यहवे दाङ्बे़ल्ले़ थे़मा पाःत्तुङ्ॽ, खे़प्से़म्मे़ॽ! आङ्गाॽ खे़न् माङ्निङ्वाॽपान् के़बाःप्पाहाॽरे़ खुन्छिॽ तक्ले़ङ्वाओ वाॽआ, आत्तिन्हाॽरे़ इङ्ले़क् पान् इसेःङ्बा खुन्छिॽ से़प्माङ्हाॽ मे़जे़क्खु मे़बाःत्तुॽ॥ खे़ङ्हाॽरे़ खे़न् से़प्माङ्हाॽ मे़बाःत्तुआङ् आमनाहाॽ खुन्छिॽ इङ्ले़क् नु आङ्दिङ् लॽमा पाःन्हाॽरे़ आङ्गाॽ आमनाहाॽ मे़नाक्ल मे़याःन्दुसिॽ॥ आङ्गाॽ खे़ङ्हाॽ पाङ्घुङ्सिङ्बा मेःन्, पेगे़म्मे़ॽ मे़त्तुङ्सिङ्बा मेःन् खे़ब्याङ् खे़ङ्हाॽलाम्बा आमनाहाॽरे़ थेआङ् कुभाॽ मे़ङ्घोसुन्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥”
“खे़ल्ले़चोगुल्ले़ खुन्छिॽ मेःत्हाॽ वेॽ मनाहाॽ हुक्सुप्तुङ्सिङ्लो हे़क्क्याङ् खे़ङ्हाॽरे़ खुन्छिॽ प्याङ्सिगे़न् इक्ताप्हाॽ याप्मिहाॽ पिरुङ्सिङ्लो॥ थेआङ्भे़ल्ले़ चुक्पा यम्बा मना के़रे़क्ले़ इङ्ले़क्लाम् याङ्साकुन्धे थक्मा तम्सिङ् मे़जोगुरो, माङ्निङ्वाॽपान् के़बाःप्पाआङ्धो निङ्वाॽफुसाम्बा के़रे़क्ले़ मनाहाॽ मे़घुम्सुसिरो॥
मुक्साम्दाङ्बा यहवे दाङ्बे़ल्ले़ निङ्वाॽफुसाम्बाहाॽ अक्खे मे़त्तुसिॽ, “लत्छा ये़म्बित्छासाःल्ले़ कुम्बा इङ्धाङ् पिरुॽ, हे़क्क्याङ् से़वारोबे़ल्ले़ कुन्दाङ्बे़न् इङ्धाङ् पिरुॽ॥ आङ्गाॽ खे़निॽ पानुदिङ् पाआ, खे़निॽ आङ्गाॽ थेआङ् याप्मि इङ्धाङ् के़म्बिरिम्बाबे? आङ्गाॽ खे़निॽ दाङ्बाआ, खे़निॽ आङ्गाॽ थेआङ् याप्मि कुनागे़न्छाॽरिम्बाबे? “खे़निॽ आङ्गाॽ आमिङ्ङिन् कुनामे़न्छाॽ के़मे़त्तुम् हे़क्क्याङ् आल्लसाङ् आङ्गाॽ याप्मि से़ःन्गे़दोसिॽ, ‘आक्खेलॽरिक् आनिगे खे़ने़ॽ के़मिङ्ङिन् नामे़न्छाॽ मे़त्तुम्बे़आङ् वयिगे़बे?’
खे़प्मोबा लाम्लोबाहाॽरे़ सुरुत् याङ्ले़ लागि खासे़न् मे़लोःन्दुरो, खे़प्मोबा निङ्वाॽफुसाम्बाहाॽरे़ नाम्याक्ले़ लागि मे़हुॽरुसिरो, हे़क्क्याङ् खे़प्मोबा माङ्निङ्वाॽपान् के़बाःप्पाहाॽरे़ याङ्ले़ लागि माङ्निङ्वाॽपान् मे़बाःत्तुरो॥ हे़क्क्याङ्साङ् खे़ङ्हाॽ यहवे दाङ्बाओ मे़घे़ःम्सिङ्लो खे़ब्याङ् खे़ङ्हाॽरे़ अक्खे मे़बाःत्तुरो, “थे़मा यहवे दाङ्बे़न् आनिॽ लुम्मो मे़वाॽने़न्नाङ्बि? आनिॽओ थे़माआङ् ताप्फे़ःम्बा पान् मे़बोङ्ने़न् मे़दाने़न्लो॥”
Piblisite