खिनिॽ ताङ्गे़से़ःप्पा यहवे दाङ्बा खिनिॽ निङ्वाॽफुमाङ्ङिल्ले़ अक्खे पाःत्तुॽ, “आसाक्के़न् पोगे़आङ् थेआङ् मे़न्निबे़न्निल्ले़ खिनिॽ पिनिङ्बा चल्लाङ्ना खोर्यान् खे़त्तुङ्ल पत्तारो॥ खिनिॽ लाङ् ए़त्छिङ्ल के़याःम्बा चल्लाङ्ना खोर्यान् आल्लआङ्धो आफाल्ले़आङ् थुङ्मा मे़बोङ्ने़ल्लो॥
सपन्याह 3:15 - लिम्बु15 खिनिॽ खुम्दिङ्ङिन् यहवे दाङ्बे़ल्ले़ खे़त्तुआङ् वाॽरो, खिनिॽ निङ्मिहाॽ पाङ्घुदेसुसिआङ् वाॽरो॥ यहवे दाङ्बा, इस्राइलबा हाङ्ङिन्, खिनिॽनु वाॽरो, आल्लआङ्धो याम्मो आभे़ल्ले़आङ् आत्तिन् ताप्फे़ःम्बा पाःन्नोआङ् किमा मे़बोङ्ने़न्लो॥ Gade chapit la |
सपन्याह 3:15
48 Referans Kwoze
“आल्ल खे़ल्ले़ याःन्दिक् इक्सादिङ् खाम्बेःक्कोबा के़रे़क् मे़न्छाम् सुवाङ्हाॽ खे़ल्ले़ कुदक्ले़ङ्वाओ मे़जुम्मिल्ले़ आङ्गाॽ यरुसले़ःम्मिन् के़रे़क् मे़न्छाम् याप्मिहाॽरे़ खुन्छिॽ लागि लत्छा मे़म्मुम्मनाबा याक्पेॽ चोगुङ् पिरुङ्सिङ्ॽ॥ खे़न् मुम्मा के़गोःप्पाहाॽ के़रे़क् मे़गाःन्लो॥”
खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
हे़क्क्याङ् साङ्ग्राम्पेदाङ्ङो अक्तङ्बा यम्बा इक्लाधिक् खे़प्सुङ्, “आल्ल निङ्वाॽफुमाङ्ङिल्ले़ कुसे़न्लप्, कुमुक्साम्, कुहाङ्जुम् नु खुने़ॽ सेःन्दुबा ख्रिस्ते़ल्ले़ कुयुक्किन् त्ये़आङ् वाॽरो॥ थेआङ्भे़ल्ले़ निङ्वाॽफुमाङ्ङिल्ले़ कुदगि से़न्दिक् ले़न्दिक् आनिॽ नसानिबा फुॽनुसाॽ ने़ॽनुसाॽहाॽ आप्तिक् के़गुःप्पार के़ने़बान् यो इक्सादिङ् खाम्बेःक्मो लाप्मे़भुसु मे़धासुरो॥
यहवे दाङ्बे़ल्ले़ पाःत्तुॽ, “सियाेनरे़ कुस्सा मे़न्छुमाए, साॽरिक् सःत्ते़ॽओ! यरुसले़मरे़ कुस्सा मे़न्छुमाए, खे़ने़ॽ साॽरिक् अःक्ते़ॽओ! ओमे़त्ते़ॽ, खे़ने़ॽ के़हाङ्ङिन् खे़ने़ॽओ तार पत्लो, खुने़ॽग से़न्लप्दाङ्बा नु साम्योबा चोक्लो, खुने़ॽ नःम्नःम्बा चोक् हे़क्क्याङ् अदङ् सम्धाङ् अदङ्ङिल्ले़ कुस्सा लत्छा अदङ्साःत्तिन् युक्तुआङ् तार पत्लो॥
ले़बनानबा ताम्भुङ्हाॽ खे़ने़ॽ के़ले़ःक्खुआङ् ने़रो, आल्ल खे़ने़ॽ खे़ङ्हाॽरे़ के़म्ले़ःङ्लो॥ खे़प्मोबा थक्साहाॽ खे़ने़ॽ के़से़रुसिरो आल्ल खे़न् थक्साहाॽरे़ खे़ने़ॽ यङ्मा के़म्से़त्लो॥ कन्हाॽ के़रे़क् पोङ्ॽ थेआङ्भे़ल्ले़ मनाहाॽरे़ खुन्छिॽ माक्खिॽ के़से़सुरो, खे़ब्याङ् खे़ने़ॽ लाजेॽहाॽ नु ये़क्यक्हाॽ हे़क्क्याङ् खे़प्मो के़युङ्बाहाॽ के़रे़क् के़मे़क्खुसिरो॥
“यहवे दाङ्बा खे़ने़ॽ के़निङ्वाॽफुमाङ्ङिन् आत्तो वाॽबे?” याप्मि के़मे़प्पा आनिङ्मिहाॽरे़ खे़न् मे़निसुरो खे़ब्याङ् खे़ङ्हाॽ साॽरिक् सिरिङ्ममो मे़धारो॥ खे़न् निङ्मिहाॽरे़ तगि आङ्गाॽ किनाःन्दि मे़बिराङ्लो खे़ङ्हाॽ मे़जोःम्बे़न् आमिक्किल्ले़ए निसुरो, आल्लोसाङ् खे़ङ्हाॽ माराम्मोबा ले़ःक्वा हे़क्के लाङ्ङिल्ले़ चिदोॽ चिदोॽ मे़दोॽरुसिरो॥
मुक्साम्दाङ्बा यहवे दाङ्बा निङ्वाॽफुमाङ्ङिल्ले़ सदादिङ्ले़ लागि सिमे़न् थङ्ङो हारिदासुआङ् वाॽरो॥ खुने़ॽ के़रे़क्ले़ खुन्छिॽ मिक्कोलाम् मिक्वान् तुगु पिरुसिरो, खे़ब्याङ् काक् इक्सादिङ् खाम्बेःक्को कुमनाहाॽ कुनामे़न्छाॽ मे़मे़त्तुसिबान् खुने़ॽ खे़त्तुदेसु पिरुसिरो, कन् पाःन्निन् यहवे दाङ्बे़ल्ले़ आबाङे पाःत्तुआङ् वाॽरो॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
इङ्गाॽ आबाङेग थेआङ् चोःक्मा मे़सुक्कान्लो, कर इङ्गाॽ खे़प्सुङ्बा कुइसिःक्लक् खासे़न् चोगुङ्लो, हे़क्क्याङ् इङ्गाॽ चोगुङ्बा खासे़न्निन् साम्योबा चोक्लो, थेआङ्भे़ल्ले़ इङ्गाॽ आबाङे आनिङ्वाॽइल्ले़ थाप्तुबा थेआङ् मे़जोक्कान्, कर याप्मि के़बाङ्बाल्ले़ कुनिङ्वाॽ कुइसिःक्लक् चोगुङ्लो॥
साङ्ग्राम्पेदाङ्ङो के़वाॽबासे, खे़न् मे़गे़बाओ सःत्ते़म्मे़ॽओ! निङ्वाॽफुमाङ्ङिल्ले़ सेसे कुमनाहाॽ, सेःक्युक्मिबाहाॽ हे़क्क्याङ् माङ्निङ्वाॽपान् के़बाःप्पासे, सःत्ते़म्मे़ॽओ! थेआङ्भे़ल्ले़ खिनिॽ निङ्घुम् के़मे़त्तिबाल्ले़ चोगुल्ले़ निङ्वाॽफुमाङ्ङिल्ले़ खे़न् खुम्दिङ् पिरुआङ् वाॽरो॥”
खे़प्से़म्मे़ॽ, आङ्गाॽ आमनाहाॽरे़ के़रे़क् लाजेॽओ तुक्खेःल्ले़ चोगुल्ले़ अक्खेलॽरिक् तुवा मे़जोगुरो “थे यहवे दाङ्बान् आल्ल सियोःन्नो होःप्पि? थे खे़प्मोबा हाङ्ङिन् आल्ल होःप्पाबि?” यहवे दाङ्बे़ल्ले़ अक्तङ्बा नुगप् पिरुसिरो, “थेआङ् नावाइत्लाहाॽ खे़ङ्हाॽरे़ माङ्मे़घयुसिबाबे? खे़ब्याङ् थेआङ् हने़बा कुसिङ् मे़न्निःत्तेबा साम्माङ्हाॽ से़वा मे़मे़त्तुसिबाबे? खे़ङ्हाॽरे़ हे़क्के मे़जोगुआङ् थेआङ् आसिक् मे़भोःक्खुबाबे?”
खे़न् वेॽ मे़न्छाम् सुवाङ्हाॽरे़ खिनिॽ कुनामे़न्छाॽ के़म्मे़त्तिबान् आङ्गाॽ खिनिॽ खे़म्मा मे़भाःक्निङ्ङिन्ॽ, हे़क्क्याङ् आल्लआङ्धो खे़ङ्हाॽरे़ खिनिॽ किनाःन्दि के़मे़म्बिरिन्ॽ॥ कुमनाहाॽ मे़मे़क्ल के़याःम्बा खिनिॽ लत्छा लाजेॽ मे़ःन्निङ्ॽ, मुक्साम्दाङ्बा यहवे दाङ्बे़ल्ले़ पाःत्तुरो॥”
Piblisite