सपन्याह 3:14 - लिम्बु14 सियोनरे़ कुस्सा मे़न्छुमाए, साम्लोरे़ॽओ! इस्राइलए, यम्बा इक्लाओ अःक्ते़ॽओ! यरुसले़ःम्मिल्ले़ कुस्सा मे़न्छुमाए, सःत्ते़ॽओ हे़क्क्याङ् के़रे़क् के़सिक्लुङ्मे़ल्ले़ ये़ये़ लॽरे़ॽओ! Gade chapit la |
सपन्याह 3:14
34 Referans Kwoze
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
“सियोनबा मनाहाॽओ सुनाइङ् के़से़बासे, खे़निॽ केःम्बा नाङ्जङ्लुङ्ङो पेगे़म्मे़ॽओ॥ यरुसले़म ये़क्यक्पा मनाहाॽ सुनाइङ् इङ्भन् के़हाबासे, साॽरिक् अःक्ते़म्मे़ॽओ, अःक्ते़म्मे़ॽओ, मे़गिसे़म्मिन्ने़ॽओ॥ यहुदा पाङ्जुम्मोबा मनाहाॽ मे़त्ते़म्सिम्मे़ॽओ, ‘ओमे़त्ते़म्मे़ॽ, खे़निॽ निङ्वाॽफुमाङ्ङिन् हाबा कॽयो वाॽरो!’
मुरे़क् खारे़क् थेआङ् के़होप्पा लाजेन् सःत्ताङ् साम्लोरो, खे़न् साॽरिक् कुसिराॽधाङ्ङाङ् अःक्लो॥ खे़ल्ले़ ले़बनानबा कुघे़म्सिङ्मे़न् खोसुरो, हे़क्क्याङ् खे़ल्ले़ कर्मेल कोःक्मान् नु सारोनबा ते़ल्लक्किल्ले़ कुहाङ्वा कुमाङ्वान् खोसुरो॥ खे़ङ्हाॽरे़ यहवे दाङ्बे़ल्ले़ कुमिमिदिङ् नु आनिॽ निङ्वाॽफुमाङ्ङिल्ले़ कुहाङ्वा कुमाङ्वान् मे़निसुरो॥
खे़न् ये़न्नो खे़ङ्हाॽरे़ यरिक् सिदुङ्जभा मे़दोन्दु॥ मनाहाॽ साॽरिक् मे़सःत्ते़, थेआङ्भे़ल्ले़ निङ्वाॽफुमाङ्ङिल्ले़ खे़ङ्हाॽ चाॽरिक् खुनिॽ निङ्वाॽ त्ये़र चोगुसिआङ् वये़॥ मे़न्छुमाहाॽ नु हिन्जाॽ पित्छाॽहाॽरे़आङ् सःप्मा ससाङ्स्रोत् मे़जोगु॥ खे़ङ्हाॽ मे़सःत्ते़बा इक्लान् यरिक् माःङ्घा थारिक् खे़म्दे़त्ते़रो॥
सःप्मा एःप्मा नु निङ्वाॽ तामा इक्ला हे़क्क्याङ् ते़न्धाम् मेःक्खिम्मोबा चामुक् थिमुक्ले़ हयङ् किल्लिङ् के़घे़प्सुम्ॽ॥ मनाहाॽरे़ आङ्गाॽ आहिम्मो नुगे़न् तोःम्मा सिदुङ्जभाहाॽ मे़दारुआङ् मे़दाःल्ले़ खे़ङ्हाॽ साम्मे़लोबा साम्लोन् खिनिॽ के़घे़प्सुम्लो, “‘मुक्साम्दाङ्बा यहवे दाङ्बान् नुगे़न् पिरे़म्मे़ॽओ थेआङ्भे़ल्ले़ खुने़ॽ के़नुॽबा चोक्लो हे़क्क्याङ् खुने़ॽ सदादिङ् लुङ्माॽ तुक्तुसिरो॥’” “आङ्गाॽ कन् लाजेॽओबा नुॽमादामे़न् तगिबा हे़क्के चोगुङ् पिरुङ्सिङ्ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
हे़क्क्याङ् मे़न्छ्याहाॽ मे़सःत्ताङ् मे़लाःङ्लो, थाङ्बे़न् नु तुम्भाक्साहाॽरे़ खुन्छिॽ निङ्वाॽ तारो॥ खे़ङ्हाॽरे़ खुन्छिॽ मे़रिङ्ङिन् हाङ्हाङ् लॽमो ले़क्खुङ् पिरुङ्सिङ्लो॥ आङ्गाॽ खे़ङ्हाॽ आःन्छिङ्मा पिरुङ्सिङ्लो खे़ब्याङ् खे़ङ्हाॽ खुन्छिॽ निङ्वाॽ तुक्खे चामारे़ कुले़क्वाओ आङ्गाॽ खे़ङ्हाॽ मे़सःत्ल याःन्दुङ्सिङ्लो॥
खे़प्मो के़युङ्बाहाॽरे़ नुगे़न् तोःम्मा साम्लोन् साम्मे़मे़त्तुरो हे़क्क्याङ् खुन्छिॽ निङ्वाॽ ताआङ् पसःत् मे़सःत्लो॥ आङ्गाॽ आहाङ्वा मुॽइःल्ले़ खे़ङ्हाॽ यरिक् चोगुङ्सिङ्लो॥ हे़क्क्याङ् खे़ङ्हाॽ सुःल्लिक् मे़म्बोङ्ने़ल्लो॥ आङ्गाॽ खे़ङ्हाॽ मिङ्सो इङ्धाङ् पिरुङ्सिङ्लो खे़ब्याङ् खे़ङ्हाॽ कुनामे़न्छाॽ मे़म्बोङ्ने़न्लो॥
कल्ले़चोगुल्ले़ खुने़ॽ कुदक्ले़ङ्वाओ यहवे दाङ्बे़ल्ले़ पाःत्तुबा पाःन्निन् हाबा कन्लो, “सियोने़ल्ले़ सिसागे़न् कुस्सा मे़न्छुमाःल्ले़ खे़ने़ॽ कुनामे़न्छाॽ के़म्मे़त्ताङ् एःत्लो॥ यरुसले़म ये़क्यक्किल्ले़ कुस्सा मे़न्छुमाःल्ले़ कुधे़गेःक्किन् तघुम्तघुम् मे़त्तुर लासाक् के़मे़त्लो॥
सियोन के़युङ्बा मनासे, खिनिॽ सःत्ते़म्मे़ॽओ, यहवे दाङ्बा खिनिॽ निङ्वाॽफुमाङ्ङो निङ्वाॽ तासाम्मे़ॽओ, थेआङ्भे़ल्ले़ खुने़ॽ चुङ्वाःम्मो थासुबा वहित्तिल्ले़ खुने़ॽ नसाःन्साबा चोःक्पा पाःन्निन् ओसेःन्धाङ् पोङ्लो॥ खुने़ॽ तगि हे़क्केए चुङ्वाःम्मा नु फुङ्वाःम्मा ये़म्मो पाङ्गे़न्दिङ् वहित्ते़न् थ्ये़र याःन्दुआङ् वाॽरो॥
Piblisite