खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
सपन्याह 2:7 - लिम्बु7 खे़न् यहुदा हिम्सयङ्बा के़हिङ्बा के़याःक्पाहाॽरे़ लागि पोङ्लो, खे़प्मो खे़ङ्हाॽरे़ मे़ल्लुक् चाराम्दे़न् मे़घोसुरो॥ युःन्छिक् खे़ङ्हाॽ अस्कलोनबा हिम्हाॽओ मे़इम्लो॥ यहवे खुन्छिॽ निङ्वाॽफुमाङ्ङिल्ले़ खे़ङ्हाॽ ओमे़त्तुसि कम्ब्राङ् मे़त्तुसिरो खुने़ॽ खे़ङ्हाॽ नुॽमादामे़न् याम्मो नुःक्तु पिरुसिरो॥ Gade chapit la |
सपन्याह 2:7
42 Referans Kwoze
याकुबए, आङ्गाॽ से़क्खाए खिनिॽ के़रे़क् सुम्निङ्लो, इस्राइलबा के़वाॽबा के़याःक्पाहाॽ आङ्गाॽ कुजे़क्के सुप्सुङ्सिङ्लो॥ खे़ङ्हाॽ मे़ल्लुक् ये़प्नाओ मे़ल्लुक्हाॽ हे़क्के हे़क्क्याङ् चाराम्मादे़न्नो थक्सालुप् हे़क्के आङ्गाॽ थिक्मे़त्थिक् फुक्खुङ्सिङ्लो, खे़न् ते़न्नो मनाहाॽ चिए़त् चिए़त् मे़ए़त्छिङ्ल मे़जुम्लो॥
से़क्खा, आङ्गाॽ मे़त्निङ्, खिनिॽ आङ्गाॽ याप्मि के़घोसिॽ खे़ब्याङ् आङ्गाॽ खिनिॽ आबाङे लाजेॽओ नुःक्निङ् ताःत्निङ्॥ आङ्गाॽ खिनिॽ नाःत्निङ्देनिङ्बा के़रे़क् लाजेॽ नु ते़न्नोलाम्बा आङ्गाॽ खिनिॽ सुम्निङ्॥ आत्तिन् लाजेॽलाम्बा आङ्गाॽ के़म्दे़म्सि के़म्देॽरिर याःन्निङ्ङाङ् वयाङ्, हाबा खे़न् लाजेॽओ आङ्गाॽ खिनिॽ नुःक्निङ् ताःत्निङ्॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
सियोनरे़ कुस्सा मे़न्छुमाए, सागप्मा तुङ्ङिल्ले़ तरुमा मे़न्छुमान् हे़क्के खे़ने़ॽ खइक् खइक् के़इक्सिङ्ल तुक्मे़ल्ले़ के़भिःक्लो, थेआङ्भे़ल्ले़ खे़ने़ॽ कन् ये़क्यक्किन् ले़प्माए पोङ्लो हे़क्क्याङ् ताप्मे़रादे़न्नो युङ्मा पोङ्लो॥ आल्ल खे़ने़ॽ बेबिलोन पेःक्मा पोङ्लो, कर खे़ने़ॽ खे़प्मो ताङ्के़म्से़ःप्लो॥ खे़ने़ॽ के़निङ्मिहाॽरे़ खुन्छिॽ हुक्कोलाम् यहवे दाङ्बे़ल्ले़ खे़प्मोए खे़ने़ॽ के़धे़ॽरो॥
मनाहाॽरे़ खे़न् खे़प्मो लाजेॽसिङ्बुङ् मे़इङु, सङ्मा नु इङ्मा ते़म्सक् साप्लाओ युक्छाप् मे़युक्तुॽ, एःप्साप् मे़एःप्तुॽ हे़क्क्याङ् के़निबा साखिहाॽरे़ युक्छाप् मे़युक्तुॽ॥ बेन्यामिन्ले़ कुदे़ःङ्गप्पो, यरुसले़ःम्बा के़रे़क् पिसाङ्बा चुक्सा पाङ्भेॽहाॽओ, यहुदाबा ये़क्यक्हाॽओ, कोःक्मा लाजेॽबा ये़क्यक्हाॽओ, उःक्चम्जम्बादे़न्हाॽओ नु यो लाङ्गे़त् यहुदाओ कन् याःम्बक्किन् पोङ्ॽ॥ मनाहाॽ आङ्गाॽ खे़ङ्हाॽरे़ खुन्छिॽ लाजेॽओ नुःक्तुङ् तारुङ्सिङ्॥ आङ्गाॽ यहवे दाङ्बे़ल्ले़ कन् पाःत्तुङ्ङाङ् वाॽरो॥”
यहवे दाङ्बे़ल्ले़ अक्खे पाःत्तुॽ, “मे़न्छाम् सुवाङ्हाॽओ के़रे़क्नुःल्ले़ यम्बा इस्राइल सुवाङ्ले़ लागि सःप्मा से़वासाम्लोन् साम्मे़त्ते़म्मे़ॽओ॥ खिनिॽ अक्खेलॽरिक् आबाङे नाराफोमा से़वासाम्लोन् साम्मे़त्ते़म्मे़ॽओ, ‘यहवे दाङ्बाए, इस्राइलबा के़हिङ्बा के़याःक्पा खे़ने़ॽ के़मनाहाॽ ताङ्से़ःप्ते़से़ॽओ॥’
थेआङ्भे़ल्ले़ अक्तङ्बा ये़म् तार पत्, हे़क्क्याङ् आङ्गाॽ आमना इस्राइले़न् नु यहुदान् मे़दे़म्सु मे़देॽरुसिबालाम् नुःक्तुङ् फे़त्तुङ्सिङ्ॽ॥ खे़ङ्हाॽरे़ खुन्छिॽ पाधे़बाहाॽ पिरुङ्सिङ्बा खुन्छिॽ लाजेॽओ आङ्गाॽ खे़ङ्हाॽ नुःक्तुङ्सिङ्ङाङ् फे़त्तुङ्सिङ् खे़ब्याङ् याम्मो खे़ङ्हाॽरे़ खे़न् लाजेन् हुक्काप् मे़जोगुॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽ॥”
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
खे़न् ये़न्निन् ताआङ् दाङ्बे़ल्ले़ याम्मो थिक्ले़ङ् खुने़ॽ कुमुक्साम्मिन् ओःन्धाक्तुसि हे़क्क्याङ् अस्सुरलाम्, योसमा मिस्रलाम् नु थोसमा मिस्रलाम्, कुसलाम्, एलामलाम्, बेबिलोनियालाम् नु हमात लाजेॽहाॽलाम् हे़क्क्याङ् के़रे़क् माःङ्घा माःङ्घाबा वरःङ्ङिल्ले़ कुयाओ के़ने़बा वागप्खाम् लाजेॽहाॽओलाम् खुने़ॽ कुमनाहाॽ याम्मो इस्राइल लाजेॽओ नुःक्तुॽ तारुसिरो॥
खे़ब्याङ् यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिल्ले़ हाग्गैन् पाङ्घुबाल्ले़ चोगुल्ले़, सालतिएलरे़ कुस्सा यरुबाबेल, यहोसादाकरे़ कुस्सा तुम् निङ्वाॽफुसाम्बा यहोसुन् नु के़वाॽबा के़याःक्पा के़रे़क् मनाहाॽरे़आङ् यहवे दाङ्बा खुन्छिॽ निङ्वाॽफुमाङ्ङिल्ले़ कुइक्लान् हे़क्क्याङ् माङ्निङ्वाॽपान् के़बाःप्पा हाग्गैःल्ले़ कुइङ्घङ्ङिन् मे़इःत्तु मे़नाःत्तु॥ खम्भ्याङ् मनाहाॽ यहवे दाङ्बे़न्नु मे़गिसे़रो॥
कल्ले़चोगुल्ले़ मुक्साम्दाङ्बा यहवे, इस्राइलबा निङ्वाॽफुमाङ्ङिल्ले़ उवा चोगुरो, “आङ्गाॽ कुहिङ्वे़त् वाॽआबा कुइसिक्, से़क्खाए मोआबे़न् सदोम हे़क्तङ्बा पोङ्लो अम्मोनिहाॽ गमोरान् हे़क्के ताम्भुङ् याःन्सुङ् नु युम् के़याक्पा पाक्लुम्लुम्बादे़न् पोङ्लो, हे़क्क्याङ् सदादिङ्ले़ लागि चा मे़न्नुॽमनाबा लाजेॽ पोङ्लो॥ के़वाॽबा के़याःक्पा आमनाहाॽरे़ खे़ङ्हाॽ मे़नाप्तुसिरो, खे़ब्याङ् के़हिङ्बा के़याःक्पा आङ्गाॽ आसुवाङ्हाॽरे़ खे़ङ्हाॽरे़ खुन्छिॽ लाजेन् मे़युक्तुरो॥”
कर यहवे दाङ्बे़ल्ले़ याम्मो थिक्ले़ङ् याकुबरे़ कुमुॽइदाङ्साहाॽ लुङ्माॽ तुक्तुसिरो॥ हे़क्क्याङ् इस्राइलि मे़न्छाम् सुवाङ्हाॽ याम्मो थिक्ले़ङ् खुने़ॽ कुमना पोङ्से़ सेगुसिरो॥ यहवे दाङ्बे़ल्ले़ खे़ङ्हाॽ याम्मो आबाङे खुन्छिॽ लाजेॽओ युङ्से़ तारुसिरो॥ हे़क्क्याङ् यरिक् वेॽ वेॽ लाजेॽहाॽलाम् मनाहाॽ मे़दाआङ् खे़ॽयो मे़भुङ्सिङ्लो हे़क्क्याङ् इस्राइलबा मनाहाॽनु खुन्छिॽ थिक्हुप् मे़बोङ्लो॥
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
खे़ङ्हाॽ मे़भुङ्सिङ्ङाङ् नाम्धा पिसाङ्बा फिलिस्ति लाजेॽओ के़ने़बा याक्केःक्केःक्पादे़न्नो मे़सःक् मे़बेःक्लो॥ खे़ङ्हाॽ मे़दङ्सिङ्ङाङ् नाङ्गे़न् पिसाङ्बा मनाहाॽ मे़नाप्तुसिरो, खे़ङ्हाॽरे़ ए़दोम नु मोआब लाजेॽहाॽ मे़लिसुरो, खे़ब्याङ् अम्मोनबा मनाहाॽ खे़ङ्हाॽरे़ युक्को मे़दारुसिरो॥
Piblisite