सपन्‍याह 2:4 - लिम्‍बु

⁴ गाजा ये़क्‌यक्‍किन् चिजि खक्‍खक् पोङ्‌लो, अस्‍कलोने़न् मुरे़क् खारे़क् पोङ्‌ङाङ् मे़ले़रुरो॥ ले़न्‍जोःल्‍ले़ अस्‍दोदे़न् कुघाले़म् मे़जोगुरो, हे़क्‍क्‍याङ् एक्रोने़न् हाॽयाक् मे़आःक्‍खुरो॥

सपन्‍याह 2:4 Referans Kwoze

यर्मिया 25:20

हे़क्‍क्‍याङ् खे़न् लाजेॽओ के़वाॽबा के़रे़क् वेॽ लाजेॽओबाहाॽ, खे़ब्‍याङ् उज लाजेॽबा के़रे़क् हाङ्‌हाॽ, पलिस्‍तिहाॽरे़ खुन्‍छिॽ ये़क्‌यक्‍हाॽ, (अस्‍कलोन, गाजा, एक्रोन हे़क्‍क्‍याङ् के़रे़क् अस्‍दोदबा के़हिङ्‌बा के़याःक्‍पाहाॽ)

यर्मिया 15:8

वरःङ्‌ङोबा ये़ःङ्‌घानुःल्‍ले़आङ् यरिक् खिनिॽ मेमेदुमाहाॽ मे़बोङ्‌लो॥ खिनिॽ थाङ्‌बे़न्‍हाॽ आङ्‌गाॽ से़रुङ्‌सिङ्‌लो हे़क्‍क्‍याङ् खिनिॽ माहाॽ मे़रिङ्‌ङो थासुङ्‌सिङ्‌लो॥ हक्‍चघत् तुक्‍मा नु किमान् खे़ङ्‌हाॽओ तारुङ्‌लो॥

यर्मिया 6:4

खे़ङ्‌हाॽरे़ अक्‍खे मे़बाःत्तुरो, “यरुसले़ःम्‍मो थङ् चोःक्‍मारे़ लागि यारिप् पोःक्‍खे़म्‍मे़ॽओ! के़रे़क् यारिप् चोगे़म्‍मे़ॽ! आनिगे खे़न् ले़न्‍दिक्‍सा चिभत् फत्तुम्‍बे़रो॥ कर चिःत्ते़स्‍ये़रो! नाम्‍ध्‍ये़ चुरे़॥ नाम् लाःप्‍मा इःत्ते़आङ् वाॽरो॥

निङ्‌वाॽफु साम्‍लोसुम् 91:6

माक्‍चिगे़न् खादाम्‍मो ताप्‍फे़ःम्‍बा माङ्‌दुक्‍मा तासाङ् के़ङ्‌गिने़ल्‍लो, हे़क्‍क्‍याङ् ले़न्‍दिक् मसेरा के़दाबा याप्‍मि के़से़प्‍पा मिन्‍देॽ पोःक्‍साङ् के़यङ्‌मा मे़गे़त्‍ने़ल्‍लो॥

यसैया 14:29

“पलिस्‍ति ये़क्‌यक्‍हाॽओ के़युङ्‌बा मनासे, खे़निॽ के़म्‍हिप्‍तिबा खे़न् तक्‍काःत्तिन् ए़गे़ फाॽआङ् मे़सःत्ताम्‍मिन्‍ने़ॽओ॥ थेआङ्‌भे़ल्‍ले़ हाबा खे़न् असेःक्‍पाल्‍ले़ कुस्‍साहाॽओलाम् खे़न्‍नुःल्‍ले़आङ् साॽरिक् कुनिङ् के़याक्‍पा वेॽसमा असेःक्‍पाधिक् लःन्‍लो॥ हे़क्‍क्‍याङ् खे़न् असेःक्‍पाल्‍ले़ कुधिःन्‍नोलाम् के़बे़बा असेःक् थिक् लःन्‍लो॥