सपन्याह 2:3 - लिम्बु3 यहवे दाङ्बे़ल्ले़ कुइङ्जाङ् के़इःप्पा के़नाःप्पा कन् लाजेॽओबा चुङ्जिगे़न् नःम्नःम्बासे, खिनिॽ खुने़ॽ कोःत्ते़म् हक्से़म्मे़ॽओ॥ साम्योनिमान् खिनिॽ कोःत्ते़म्मे़ॽओ, चुङ्जिगे़न् नःम्नःम्बा पाःन्हाॽ हक्से़म्मे़ॽओ, यहवे दाङ्बे़ल्ले़ कुसाक्के़न् पोःक्मा ये़न्नो हाग खिनिॽ से़ःप्सिङ्मादे़न् के़घोसुम्बिरो॥ Gade chapit la |
सपन्याह 2:3
44 Referans Kwoze
खिनिॽ लागि साम्योबा याःम्बक्किन् याॽरिःम्बा हेॽरे़म्मे़ॽओ, हे़क्क्याङ् चक्मे़न्लॽमनाबा मिःम्जिल्ले़ सिङ्सेन् सुप्से़म्मे़ॽओ, हे़क्क्याङ् खिनिॽ याक्चाना इक्ताप्हाॽ थोक्से़म्मे़ॽओ॥ थेआङ्भे़ल्ले़ यहवे दाङ्बे़न् युआङ् खिनिॽओ साम्योनिमे़न् मे़धासुन्ल थारिक् खुने़ॽ कोःप्मा ये़म्मिन् आल्लोएरो॥
थे खे़ने़ॽ आबाङे के़लागि पयम् यम्बा पाःन्हाॽ के़गोःत्तुर के़वाॽबि? खे़ने़ॽ हे़क्के मे़जोगे़न्ने़ॽ! आङ्गाॽ के़रे़क् मे़न्छाम् याप्मिहाॽरे़ खुनिॽ सम्धाङ् मे़क्मासिमे़न् तारुङ्ॽ, कर खे़ने़ॽग आत्तान् के़बेःक्साङ् थुम्घो कुइसिक् खे़ने़ॽ के़हिङ्ल याःन्ने़ॽ॥ आङ्गाॽ यहवे दाङ्बे़ल्ले़ पाःत्तुङ्ङाङ् वाॽरो॥’”
कर कुहोःप्मा कुसाक्माओ के़धाबाआङ् के़वाॽबा मे़न्छाम् याप्मिहाॽरे़ लागि खुने़ॽ कुदोःप्मा खासे़न् लोःन्दु पिरुसिरो, हे़क्क्याङ् इक्सादिङ् खाम्बेःक्कोबा याङ्गे़साॽबा मनाहाॽरे़ खुन्छिॽ लागि खुने़ॽ नुरिक्काङ् खासे़न् लोःन्दु पिरुसिरो॥ हे़क्क्याङ् कुबाःन्जाक् मुक्साम्मिल्ले़ योॽबा लाजेन् यङ्लो, कुम्ब्राओबा कुसक्माःल्ले़ कुॽइगे़भे़म्बा मनाहाॽ मे़क्खुसिरो॥
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
खे़ब्याङ् खे़ङ्हाॽ अक्खे मे़त्ताम्सिम्मे़ॽ, ‘कन् यहवे दाङ्बे़न् मिङ्सो इङ्धाङ् पिमनाआङ् तोःम्मनाबा काःक्माआङ् ले़प्मनाबा वयागे़न् सिदुङ्जभा तङ्नाम्लो थेआङ्भे़ल्ले़ खुने़ॽ मिस्रओ के़ने़बा इस्राइलिहाॽरे़ खुन्छिॽ हिम्हाॽ काःक्तुआङ् पेःल्ले़ खुने़ॽ मिस्रिहाॽ स्ये़रुसि करसाङ् आनिॽ इस्राइलिहाॽ आदाङ्घे़आङ् वये़॥’” खे़ब्याङ् इस्राइलिहाॽ थुङ्बोहजॽ मे़युङ्सिङ्ङाङ् यहवे दाङ्बान् माङ्से़वा मे़मे़त्तु॥
Piblisite