“नासिगे़न् थक्ला के़गप्पा मे़न्छाम् याप्मिए, मुक्साम्दाङ्बा यहवे दाङ्बालाम् खे़ने़ॽ कन् इङ्घङ्ङिन् तुरोसबा हाङ्ङिन् मे़त्ते़ॽओ— “खे़ने़ॽ साॽरिक् यम्बा के़हे़न्छिङ्मो, के़निङ्वाॽओ अक्खे के़बाःत्तुरो, ‘आङ्गाॽग लत्छा माङ्आरो! आङ्गाॽ वरःङ्ङिल्ले़ कुलुम्मो माङ् हाङ्युक्नाओ युङ्ङारो॥’ कर खे़ने़ॽग मे़न्छाम् याप्मिने़रक्लो, हे़क्क्याङ् लत्छा माङ्ने़ मेःन्लो॥ हे़क्केसाङ् माङ्आ लॽरिक् यम्बा के़हे़न्छिङ्लो॥
सपन्याह 2:15 - लिम्बु15 कङ्ग आम्भा खे़प्मो कुमिङ् के़इङ्बाआङ् के़ने़बा ये़क्यक्किन्लो खे़ल्ले़ कुनिङ्वाओ अक्खेलॽरिक् पाःत्तुआङ् वये़रो, “आङ्गाॽ पयम् यम्बा, आङ्गाॽनुःल्ले़ वेॽ हाःत्ताङ् होप्लो॥” खे़न् आक्तङ्बा चिजि खक्खक्पादे़न् पोःक्खे़बे, ताम्भुङ् थक्साहाॽरे़ खुन्छिॽ लुङ्फुक्कु पोःक्खे़रो॥ खे़त्नालाम् के़बोङ्बाआङ् के़बेःक्पा के़रे़क्ले़ कुनामे़न्छाॽ मे़मे़त्तुर खुन्छिॽ हुक्चोःक्किल्ले़ मे़सोःक्तुरो॥ Gade chapit la |
सपन्याह 2:15
27 Referans Kwoze
खे़ने़ॽ के़याङ्घेःक्किन् थेःल्ले़आङ् मे़वेःन्दुन्लो, हे़क्क्याङ् खे़ने़ॽ के़गाःन्दे़बान् आसिसिबा चोक्लो॥ खे़ने़ॽ के़याःम्बेओ के़घे़म्बाहाॽ मे़सःत्लो खे़ने़ॽ के़जोःन्दे़बाओ खे़ङ्हाॽरे़ हिप्ला मे़हिप्तुरो, थेआङ्भे़ल्ले़ आभे़ल्ले़आङ् मे़न्नुप्मनाबा खे़ने़ॽ के़गुॽइभे़म्मे़न् हाःत्ले़ तुमुबा होःप्पाङ्बे?
खे़ने़ॽ के़बेसाङ् के़बोङ्बाआङ् के़बेःक्पा के़रे़क्ले़ के़दुमुइ के़म्मे़त्ताङ् खुन्छिॽ हुक्हाॽ हिप्ला मे़हिप्तुरो॥ यरुसले़ःम्मिल्ले़ कुस्सा मे़न्छुमाःल्ले़ कुदक्ले़ङ्वाओ कुनामे़न्छाॽ मे़बाःत्तुर खुन्छिॽ थे़गेःक्हाॽ तघुम्तघुम् मे़मे़त्तुरो— “से़क्खा साॽरिक् पनुनुबा नु निङ्वाॽ के़सःप्पा इक्सादिङ् खाम्बेःक्कोबा ये़क्यक् फाॽआङ् कुमिङ् के़इङ्बान् हाबा कन् मेःन्बि?”
आयाक्को मनाहाॽरे़ थिक्ले़ङ् सधे़क् मे़धिम्सुआङ् के़ने़बा ये़क्यक्किन्, आल्ल आभेलॽरिक् चिजि खक्खक् पोःक्खे़आङ् ने़बे! खे़ङ्ग मेमेदुमा हे़क्तङ्मा पोःक्खे़आङ् ने़रो, खे़न् थिक्ले़ङ् मे़न्छाम् सुवाङ्हाॽओ पयम् यम्मा हे़क्क्याङ् ते़ङ्गप्हाॽओ हाङ्सामा हे़क्तङ्मा ने़स्से़रो, आल्ल खे़न् योःग्माओ के़धामा ये़क्यक् पोःक्खे़आङ् ने़रो॥
आयाक्को यहवे दाङ्बे़ल्ले़ कुसिक् पोःक्मो सियोनरे़ कुस्सा मे़न्छुमान् माक्सिःङ्ग्याःप्पा खामाक्मे़ल्ले़ सुःप्तुआङ् पत्लो! इस्राइलरे़ कुहाङ्वा कुमाङ्वान् खुने़ॽ ताङ्साङ्बोलाम् इक्सादिङ् खाम्बेःक्मो मक्थाःन्दुआङ् वाॽरो॥ खुने़ॽ कुसिक् पोगे़बा ये़न्नो आप्फेक् कुलाङ्तोॽभेत् सियोने़न्नाङ् खुने़ॽ निङ्वाॽ इःत्तुबा होप्लो॥
खे़ङ्हाॽरे़ कन् लाजेन् याम्गे़सिङ्बा मे़जोगुआङ् ने़रो, खे़ब्याङ् सदादिङ्ले़ लागि कन् कुनामे़न्छाॽ मे़प्मा चाहाक् पोङ्लो, खे़न् मे़निसुआङ् खे़प्मोलाम्बा लाङ्गे़घेःक्पाहाॽ के़रे़क् चिजिङ् यङ्मा मे़सिरो, खे़ङ्हाॽरे़ खुन्छिॽ निङ्वाॽ माआङ् आबाङे थे़गेःक्किन् हिल्लिङ् हिल्लिङ् मे़हिक्खुरो॥
“खे़ने़ॽ आबाङे के़भे़न्याःम्बक्किल्ले़ से़ःप्पा लॽरिक् निःन्धो के़जोगुआङ् के़वाॽरो, हे़क्क्याङ् ‘आङ्गाॽ हाःत्ले़आङ् मे़निआन्’ के़लॽरे़आङ् के़वाॽरो॥ खे़ने़ॽ के़ने़हि नु के़निङ्वाःल्ले़ लाम् के़भोःत्ते़आङ् के़वाॽरो, खे़ने़ॽ के़निङ्वाॽओ अक्खे के़लॽरो, ‘आङ्गाॽएरो, आङ्गाॽनुःल्ले़ वेॽ हाःत्ताङ् होप्लो॥’
कल्ले़चोगुल्ले़ पयम् हाङ्ङे, आङ्गाॽ पिने़बा सुजा पाःन्नो आदाङ्बा ते़न्दे़ॽ, कुदोःप्मा याःम्बक् चोगे़ॽआङ् लायो चोःक्मा ले़रे़ॽ हे़क्क्याङ् तुक्खे मे़जाःत्तुसिबाहाॽ लुङ्माॽ तुक्ते़से़ॽआङ् के़भे़न् याःम्बक्हाॽ ले़रे़ॽ॥ हे़क्के के़जोगुल्ले़ आदाङ्बारे़ के़नुॽमा के़दामा चक्मे़ल्लॽए पोङ्ल पेःक्लो॥”
Piblisite