सामरिया ये़क्यक्को के़युङ्बा मनाहाॽरे़ बेथ-आवनबा पित्सात् नावाइत्लान् थे़गक्कक्ना मे़यङ्ल मे़गिरुरो॥ खे़ल्ले़ कुमनाहाॽ खुने़ॽ कुलागि ने़त्मे़युक्लो, हे़क्क्याङ् खे़ल्ले़ कुहाङ्वा कुमाङ्वाओ के़सःप्पा खे़न् नावाइत्ला से़वा के़मे़प्पा यक्याबाहाॽ मे़रिङ् मे़धक्लो, थेआङ्भे़ल्ले़ खे़न् खुन्छिॽओलाम् वेॽ लाजेॽ मे़देॽरुआङ् वाॽरो॥
सपन्याह 1:4 - लिम्बु4 “यहुदाःल्ले़ कुदक्ले़ङ्वाओ नु यरुसले़म के़युङ्बा के़रे़क्ले़ खुन्छिॽ तक्ले़ङ्वाओ आङ्गाॽ आहुक्किल्ले़ साःप्सुङ्सिङ्लो॥ कन् ते़न्नोलाम् के़दाङ्बा के़याःक्पा के़रे़क् बाल साम्माङ्बा पाःन्हाॽ नु नावाइत्ला से़वा के़मे़प्पा के़रे़क् यक्याबाहाॽरे़ खुन्छिॽ मिङ् मासुङ् पिरुङ्सिङ्लो॥ Gade chapit la |
सपन्याह 1:4
14 Referans Kwoze
खे़ङ्हाॽरे़ खुन्छिॽ हिम्धाःङ्हाॽ वेॽहाॽरे़ मे़देॽरुरो हे़क्क्याङ् खुन्छिॽ इक्ताप्हाॽ नु मेःत्हाॽआङ् वेॽहाॽरे़ मे़देॽरु मे़बिरुसिरो॥ आङ्गाॽ मुक्साम्साबा आहुक्किन् सन्छुङ्लो हे़क्केःल्ले़ कन् के़रे़क् पाःन्हाॽ लाजेॽओ के़युङ्बा मनाहाॽओ के़त्लो॥ आङ्गाॽ यहवे दाङ्बे़ल्ले़ कन् पाःन्निन् पाःत्तुङ्लो॥
बाल माङ्हाॽओबा ले़त्ति तोःम्मादे़न्हाॽ खुने़ॽ लुःम्मादेमा पाङ्घुसि, हे़क्क्याङ् खे़ङ्हाॽरे़ कुसम्धाङ्बा सुक्पा हाःम्मा साङ्ते़रे़ःङ्हाॽ कुम्जिक्मा मे़जोगु॥ खुने़ॽ असेरा माङ् सित्लाङ्हाॽ नु वेॽ के़रे़क् नावाइत्लाहाॽ हे़क्क्याङ् इत्हाॽ फयःप्फयःप् यःप्सुआङ् खाप्पुथ्यःङ् चोगु, हम्भ्याङ् खे़न् माङ्हाॽओ सिदुङ्जभा के़दोम्बा मनाहाॽरे़ खुन्छिॽ इपुङ्हाॽओ खे़न् कुम्जिक्माहाॽ से़सुदेसु॥
आङ्गाॽ सामरियान् खुम्दिङ् पिरुङ्ङिल्ले़ याङुङ्बा वद्रान् नु आहाबरे़ कुहिम्सयङ्ङिन् खुम्दिङ् पिरुङ्ङिल्ले़ याङुङ्बा खिदोराःल्ले़ आङ्गाॽ यरुसले़ःम्मिन् खुम्दिङ् पिरुङ्ॽ॥ आक्खेलॽरिक् मनाःल्ले़ कुजे़त्थ्यान् इःक्खुआङ् साबन् फत्छुॽ, हे़क्केलॽरिक्के आङ्गाॽ यरुसले़ःम्मिन् वरे़ङ्ले़ङ् इःक्खुङ्ॽ॥
खासे़न् चोःक्मा आहुक्किल्ले़ आङ्गाॽ खिनिॽ साःम्निङ्ॽ॥ नाप्मनाबा चिगक्वा कुइसिक् आङ्गाॽ यरिक् मे़न्छाम् सुवाङ्हाॽरे़ खुन्छिॽ हुक्को थानिङ्ॽ॥ सुवाङ् पोङ्मालाम् आङ्गाॽ खिनिॽ मिङ् खक्तुङ् पिनिङ्ॽ हे़क्क्याङ् आङ्गाॽ खिनिॽ वरे़ङ्ले़ङ् मे़ङ्निङ्ॽ॥ खम्भ्याङ् आङ्गाॽए यहवे दाङ्बाआ फाॽआङ् खिनिॽ निङ्वाॽ के़घोसुम्लो॥”
आहाजरे़ थाःङ्समा कुयाक्फाङ्ङोबा निःत्ताङ्बा कुगौसिओ यहुदाबा हाङ्हाॽरे़ मे़ये़प्सुबा ले़त्ति तोःम्मादे़न्हाॽ नु यहवे दाङ्बे़ल्ले़ कुहिम्मोबा ने़प्माङ् लक्खुम्मो मनस्सेःल्ले़ चोगुबा ले़त्ति तोःम्मादे़न्हाॽ योसियाहःल्ले़ यन्छुदेसु॥ खुने़ॽ खे़ङ्हाॽ खे़प्मोलाम् इःक्खुआङ् लुङ् मुजिक्हाॽ किद्रोन ने़ने़बादे़न्नो लाप्फुसु॥
Piblisite