Biblia Todo Logo
Bib sou entènèt

- Piblisite -




सपन्‍याह 1:18 - लिम्‍बु

18 यहवे दाङ्‌बे़ल्‍ले़ कुसाक्‍के़न् के़बोःक्‍पा ये़न्‍नो खे़ङ्‌हाॽरे़ खुन्‍छिॽ युप्‍पाःल्‍ले़आङ् ताङ्‌मा मे़सुक्‍तुसिन्‍लो साम्‍म्‍याङ्‌ङिल्‍ले़आङ् से़ःप्‍मा मे़सुक्‍तुसिन्‍लो॥ खुने़ॽ कुनाहे़म्‍मा मिःल्‍ले़ काक् इक्‍सादिङ् खाम्‍बेःक्‍मे़न् नु खे़प्‍मो के़युङ्‌बाहाॽ थिक्‍ले़ङ्‌ले़ नुप्‍सुसिरो॥

Gade chapit la Kopi




सपन्‍याह 1:18
40 Referans Kwoze  

यहवे दाङ्‌बे़ल्‍ले़ अक्‍खेलॽरिक् उवा चोगुरो, “खे़ल्‍ले़चोगुल्‍ले़ खिनिॽ आहाङ्‌घे़म्‍मे़ॽओ थिक्‌यान् आङ्‌गाॽ पोःक्‍कारो॥ मे़न्‍छाम् सुवाङ्‌हाॽ फुङ्‌मासि नु हाङ्‌जुम्‍हाॽ सुम्‍मासिरे़ लागि हे़क्‍क्‍याङ् खे़ङ्‌हाॽ सम्‍धाङ् मि हे़क्‍तङ्‌बा आसाक्‍के़न्‍निन् थामारे़ लागि आङ्‌गाॽ निङ्‌वाॽ निःन्‍धो चोगुङ्‌ङाङ् वाॽरो, के़रे़क् इक्‍सादिङ् खाम्‍बेःक्‍मान् आङ्‌गाॽ आनागे़हे़म्‍बा मिःल्‍ले़ खाप्‍पुथ्‍यःङ् पोङ्‌लो॥


“खे़ङ्‌हाॽरे़ खुन्‍छिॽ याङ्‌हाॽ माराम्‍हाॽओ लाप्‍मे़देसुरो, कुसुम् मे़न्‍दम्‍मनाबा ताम्‍जिॽ कुइसिक् लाप्‍मे़भुसुरो॥ आङ्‌गाॽ यहवे दाङ्‌बे़ल्‍ले़ कुसिक् पोःक्‍पा ये़न्‍नो खे़ङ्‌हाॽ खुन्‍छिॽ साम्‍म्‍याङ् युप्‍पाःल्‍ले़ मे़से़ःप्‍तुसिन्‍लो॥ कल्‍ले़ खुन्‍छिॽ सिक्‍काङ् मे़एःप्‍तुन्‍लो खे़ङ्‌हाॽ चामा कुजाआङ् मे़बिरुसिन्‍लो, थेआङ्‌भे़ल्‍ले़ खुन्‍छिॽ खिःम्‌यक् चोःक्‍माल्‍ले़ खे़ङ्‌हाॽ लायो चोःक्‍मारक् पाङ्‌घुसिरो॥


निङ्‌वाॽफुमाङ्‌ङिल्‍ले़ कुसिक् पोःक्‍मा ये़न्‍नो याङ्‌साकुन्‍धेहाॽरे़ थेआङ् कुमे़ल्‍लुङ् होप्‍लो, कर साम्‌योनिमा याःम्‍बक्‍किल्‍ले़ सिमालाम् आसे़ःप्‍लो॥


मे़न्‍छाम् याप्‍मिःल्‍ले़ के़रे़क् इक्‍सादिङ् खाम्‍बेःक्‍मान् खुने़ॽइन् चोगुआङ् मे़न्‍नुप्‍मनाबा कुहिङ्‌मन्‍निन् मासुल्‍ले़ नुबा पोङ्‌बि? थेआङ्‌भे़ल्‍ले़ मे़न्‍छाम् याप्‍मिःल्‍ले़ मे़न्‍नुप्‍मनाबा कुहिङ्‌मन्‍निन् याङ्‌ना खोमारे़ लागि थेःल्‍ले़आङ् ले़क्‍मा मे़सुक्‍तुन्‍लो॥


खे़ल्‍ले़चोगुल्‍ले़ यहवे दाङ्‌बाल्‍ले़ पाःत्तु, “आङ्‌गाॽ नावागे़न् चइःत् चोगुङ्‌बा मे़न्‍छाम् याप्‍मिन् इक्‍सादिङ् खाम्‍बेःक्‍कोलाम् मे़क्‍खुङ्‌ॽ, मे़न्‍छाम् याप्‍मि, के़उःङ्‌सिङ्‌बा कुबु थक्‍सा, के़बे़बा पुसा के़रे़क् मे़क्‍खुङ्‌सिङ्‌ॽ, थेआङ्‌भे़ल्‍ले़ आङ्‌गाॽ खे़ङ्‌हाॽ चोगुङ्‌सिङ्‌बाओ आनिङ्‌वाॽ तुगे़आङ् वाॽ॥”


खे़न् ये़न्‍निन् सिक्‍पोःक्‍मा ये़न्, तुक्‍खे लाक्‍खे नु के़साक्‍पा ये़न्, खाप्‍पुथ्‍यःङ् पोङ्‌मा नु मे़क्‍मासिमा ये़न्, खामाक्‍मा नु मुदोखाम्‍दोबा ये़न्, खाॽमित् नु माक्‍सिःङ्‌ग्‍याःप्‍पा ये़न्,


“सङ्‌इङ्‌दे़न्‍नो के़युङ्‌बासे, अःक्‍ते़म्‍मे़ॽआङ् हाबे़म्‍मे़ॽओ, खिनिॽ के़रे़क् के़सङ्‌बा के़इङ्‌बाहाॽ मे़मा मे़बेःक्‍लो, युप्‍पा इङ्‌मा सङ्‌मा याःम्‍बक् के़जोःक्‍पाहाॽरे़ खुन्‍छिॽ मिङ् मारो॥


आङ्‌गाॽ खे़ने़ॽ चाराम्‍मा याःम्‍बक् के़जोगुबा नु मना के़से़रुसिबाल्‍ले़ कुले़क्‌वा खुम्‍दिङ् पिने़॥ आङ्‌गाॽ आनाहे़म्‍मा आसाक्‍के़न्‍निल्‍ले़ खे़ने़ॽ माक्‍खिॽफुमाल्‍ले़ ले़ःक्‍ने़॥


यहवे दाङ्‌बे़ल्‍ले़ पाःत्तुॽ, “आङ्‌गाॽ यरुसले़ःम्‍मिन् खाप्‍पुथ्‍यःङ् चोगुङ्‌लो हे़क्‍क्‍याङ् किधिःप्‍पाहाॽ वाॽमारे़ लागि लुङ्‌हाॽ लुप्‍सुङ्‌लो, यहुदाबा ये़क्‌यक्‍हाॽ लुःन्‍दुङ्‌ङाङ् मना मेःन्‍नेबा चोगुङ्‌लो, खे़ब्‍याङ् खे़प्‍मो आत्तिन्‍नाङ्‌ मे़वाॽने़न्‍लो॥”


“खे़ल्‍ले़चोगुल्‍ले़ आङ्‌गाॽ मुक्‍साम्‍दाङ्‌बा यहवे दाङ्‌बे़ल्‍ले़ आसिक्‍के़न् कन् माङ्‌हिम्‍मो थासुङ्‌ॽ, मना, थक्‍सा, सिङ्‌बुङ्‌हाॽ नु इक्‍ताप्‍पोबा पोगुगे़न् कुजा सम्‍धाङ् थासुङ्‌ॽ॥ आङ्‌गाॽ आसिक्‍के़न् के़दिःप्‍पा मि हे़क्‍के तिःत्‍ल वाॽ, खे़न् हाःत्‍ले़आङ् वरङ्‌मा से़प्‍मा मे़सुक्‍तुन्॥


खे़ल्‍ले़चोगुल्‍ले़ आदाङ्‌बा, मुक्‍साम्‍दाङ्‌बा यहवे दाङ्‌बा, इस्राइलबा के़रे़क्‍नुःल्‍ले़ मुक्‍साम्‍साबाल्‍ले़ अक्‍खे पाःत्तुरो, “आनिङ्‌मिहाॽ कुले़क्‌वा नुःक्‍तुङ् पिरुङ्‌सिङ्‌लो हे़क्‍क्‍याङ् आदक्‍ले़ङ्‌वाओ के़बोःक्‍पाहाॽलाम् आङ्‌गाॽ चोःक्‌युम्‍भो खोआरो॥


खे़ङ्‌हाॽरे़ कोःक्‍मा थे़गु सम्‍धाङ् साम्‍माङ् खमा लासोहाॽ मे़भे़सुरो, हे़क्‍क्‍याङ् निङ्‌वाॽफुमाङ्‌ङिन् कुयाःक्‍ले़ॽरे़र मे़याःन्‍दुरो, खे़ब्‍याङ् खे़ङ्‌हाॽरे़ नावाइत्‍लाहाॽ से़वा मे़मे़त्तुसिआङ् खुने़ॽ साॽरिक् कुसाक्‍के़न् मे़भोःक्‍खुरो॥


यहवे दाङ्‌बे़ल्‍ले़ कुनिमो आत्तिन् पाःन्‍निन् ताप्‍फे़ःम्‍बा चोगे़, हाबा खे़न्‍ने यहुदाबा मनाहाॽरे़ मे़जोगु॥ खे़ङ्‌हाॽरे़ खुन्‍छिॽ पाधे़बाहाॽरे़ मे़जोगुबा लायोहाॽनुःल्‍ले़ यरिक् लायो मे़जोगुआङ् खे़ङ्‌हाॽरे़ खुने़ॽ साॽरिक् कुसिक् मे़भोःक्‍खु॥


खे़ल्‍ले़ याःन्‍दिक् आङ्‌गाॽ आसाक्‍के़न्‍निन् खे़ङ्‌हाॽरे़ खुन्‍छिॽ सम्‍धाङ् चुक् हे़क्‍क्‍याङ् आङ्‌गाॽ खे़ङ्‌हाॽ लाप्‍फेसुङ्‌सिङ्‌ॽ, खम्‍भ्‍याङ् आङ्‌गाॽ आनारान् खे़ङ्‌हाॽलाम् चिक्‍खुङ्‌ङाङ् खे़ङ्‌हाॽ खाप्‍पुथ्‍यःङ् मे़मे़क्॥ यरिक् तुक्‍खे लाक्‍खेहाॽ नु के़साक्‍पा पाःन्‍हाॽ खे़ङ्‌हाॽरे़ खुन्‍छिॽ सम्‍धाङ् इदारो॥ खे़ब्‍याङ् खे़ल्‍ले़ याःन्‍दिक् खे़ङ्‌हाॽरे़ अक्‍खे मे़बाःत्तुॽ, ‘आनिॽ निङ्‌वाॽफुमाङ्‌ङिन् आनिॽ लुम्‍मो होप्‍पाल्‍ले़ चोगुल्‍ले़ए आनिॽ सम्‍धाङ् अक्‍तङ्‌बा के़साक्‍पा तुक्‍खे लाक्‍खेहाॽ त्‍ये़बाग मेःम्‍बि?’


याङ्‌साकुन्‍धेसाबे़ल्‍ले़ कुयाङ्‌साकुन्‍धेःन्‍ने़ खे़ङ्‌हाॽरे़ खुन्‍छिॽ लागि कब्रिङ् से़ःप्‍मनाबा हाङ्‌यक्‍लो, खे़ङ्‌हाॽरे़ कन् लिङ्‌मा सुक्‍मे़न्‍दे़प्‍मनाबा लुङ्‌धाक् मे़इःत्तुरो॥


यहवे दाङ्‌बाए, आभे़ल्‍ले़ थारिक् खे़ने़ॽ आनिगे़नु के़सिक् पोःक्‍पाबे? मि के़दिःप्‍पा हे़क्‍के आक्‍ख्‍यारिक् इरिक् के़याःक्‍ले़ॽमा मे़जिप्‍ने़म्‍बाबे?


के़साक्‍पा ये़न् ताःल्‍ले़ ताक्‍के़भे़ॽबाहाॽए ताङ्‌मे़से़ःप्‍लो॥ निङ्‌वाॽफुमाङ्‌ङिल्‍ले़ कुसिक् पोःक्‍मा ये़न्‍नो खे़न्‍ने ताङ्‌लो॥


आनिॽ दाङ्‌बाल्‍ले़ कुनाहे़न्‍ल चोःक्‍मा आगोःत्तुम्‍बाबि? आनिॽ खुने़ॽनुःल्‍ले़आङ् के़धुम्‍बा आजोःक्‍पि?


यहुदाबा ये़क्‌यक्‍हाॽओ हे़क्‍क्‍याङ् यरुसले़ःम्‍बा माराम्‍हाॽओ आङ्‌गाॽ ये़ये़लॽमा नु सःप्‍मा इक्‍लान् खे़ब्‍याङ् ते़न्‍धाम् मेःक्‍खिम्‍बा साभःङ्‌जाःल्‍ले़ हयङ् किल्‍लिङ्‌ङिन्‍नाङ् माबेःक्‍ल चोगुङ्‌ॽ थेआङ्‌भे़ल्‍ले़ लाजेन् चिजि खक्‍खक् पोङ्‌लो॥’”


“मुक्‍साम्‍दाङ्‌बा यहवे दाङ्‌बे़ल्‍ले़ अक्‍खे पाःत्तुरो— मे़ङ्‌घे़म्‍मे के़वाॽबा मे़क्‍मासिमे़न् तार पत्‍लो!


खे़ङ्‌हाॽरे़ खुन्‍छिॽ कुॽइभे़म्‍मान् लत्‍छा तक्‍काःत्तो पोरे़आङ् पत्‍लो खे़ल्‍ले़ खुन्‍छिॽ फे़न्‌याःम्‍बक्‍किल्‍ले़ लागि हिप्‍तुसिरो॥ कन् आङ्‌दिङ् के़लॽबा नु कुॽइगे़भे़म्‍बा आत्तिन् मनाहाॽआङ् मे़न्‍दाङ्‌ने़न्‍लो॥ खे़ङ्‌हाॽरे़ खुन्‍छिॽ याङ्‌साकुन्‍धे नु खुन्‍छिॽ मिङ्‌सो थाःङ्‌सोहाॽ वरे़ङ्‌ले़ङ् माबेःक्‍लो॥


आनाहे़म्‍मा आसाक्‍के़न्‍निन् आङ्‌गाॽ खे़ने़ॽ के़दक्‍ले़ङ्‌वाओ हिसुङ्‌ॽ, हे़क्‍क्‍याङ् खे़ङ्‌हाॽरे़ खुन्‍छिॽ साॽरिक् याःक्‍ले़ॽआङ् खे़ने़ॽ ताप्‍फे़ःल्‍लिक् के़म्‍मे़त्॥ खे़ङ्‌हाॽरे़ खे़ने़ॽ के़न्‍बोःन् नु के़ने़क्‍खोॽहाॽ मे़ले़बु के़म्‍बिरो खे़ब्‍याङ् के़हिङ्‌बा के़याःक्‍पाआङ् के़वाॽबा आत्तिन्‍हाॽसाङ् ताभेःल्‍ले़ मे़स्‍ये़रुसिॽ॥ खे़ने़ॽ के़स्‍साहाॽ मे़दे़म्‍सु मे़देॽरुसिॽ, हे़क्‍क्‍याङ् के़रे़क् के़दाङ्‌बा के़याःक्‍पाहाॽ मिमे़धिक्‍खु मे़देसुसिरो॥


लायोलाम् हिम्‍मा ये़न्‍निन् चासिप् हे़क्‍के फे़मा तेॽमानुःल्‍ले़ तगि खासे़न् पोङ्‌मा हेःक्‍मानुःल्‍ले़ तगि, यहवे दाङ्‌बे़ल्‍ले़ के़दिःप्‍पा कुसाक्‍के़न्‍निन् खिनिॽ सम्‍धाङ् चुक्‍मानुःल्‍ले़ तगि, हे़क्‍क्‍याङ् यहवे दाङ्‌बे़ल्‍ले़ साॽरिक् कुसिक् पोःक्‍मा ये़न्‍निन् खिनिॽ सम्‍धाङ् थामानुःल्‍ले़ तगिए खिनिॽ सोरिक् चुप्‍से़म्‍मे़ॽओ॥


हाङ्‌साहाॽरे़ यरिक् साम्‍म्‍याङ् मे़गत्तुआङ् वये़रो, खे़ङ्‌हाॽरे़ खुन्‍छिॽ हाङ्‌हिम्‍हाॽ युप्‍पाःल्‍ले़ मे़धिम्‍सुआङ् ने़स्‍से़रो, खे़ङ्‌हाॽ हे़क्‍के आङ्‌गाॽआङ् इप्‍साङ्‌ङाङ् ने़स्‍साङ्‌मे़ल्‍लो॥


निङ्‌वाॽफुमाङ्‌ङिल्‍ले़ खिनिॽ खुम्‍दिङ् के़बिरिल्‍ले़ हे़क्‍क्‍याङ् माःङ्‌घा लाजेॽलाम्‍बा तुक्‍खे लाक्‍खेहाॽ खिनिॽ सम्‍धाङ् पाङ्‌घु तासुल्‍ले़ खे़निॽ आक्‍खे के़जोगुम्‍बे? हे़क्‍क्‍याङ् नाङ्‌सिङ्‌से़ हाःत्‍ले़ॽओ के़बेगिबे? खे़निॽ याङ्‌साकुन्‍धेहाॽ आत्ति के़जिक्‍खुम्‍मिल्‍ले़ ताङ्‌बाबे?


इस्राइलबा ओःत्तिःन् मि पोङ्‌लो, इस्राइलबा सेसेबा माङ्‌ङिन् मिधुङ्‌दिङ् मिराःक् पोङ्‌लो, हे़क्‍क्‍याङ् खे़न् मिःल्‍ले़ थिक्‌याःन्‍धिक्‍ले़ खे़ॽयोबा तिङ्‌लान् नु सेर्दाःक्‍माहाॽ मिदिक्‍काङ् खाप्‍पुथ्‍यःङ् चोगुरो॥


Swiv nou:

Piblisite


Piblisite