सपन्याह 1:17 - लिम्बु17 आङ्गाॽ मनाहाॽरे़ खुन्छिॽ सम्धाङ् ये़त्तुक्खे तारुङ्लो, हे़क्क्याङ् खे़ङ्हाॽ मिक्फःम्बा हे़क्के लाङ्मे़घेःक्लो, थेआङ्भे़ल्ले़ यहवे दाङ्बे़ल्ले़ कुदक्ले़ङ्वाओ खे़ङ्हाॽरे़ लायो मे़जोगुआङ् मे़वाॽरो॥ आल्ल खुन्छिॽ माक्खिन् च्वाःत् हे़क्के नु खुन्छिॽ हिदुःत् थे़ङाःङ्हाॽ हि हे़क्के से़आङ् ने़रो॥ Gade chapit la |
सपन्याह 1:17
41 Referans Kwoze
आमिःम् फुॽनुसाॽ नु ने़ॽनुसाॽसे, खिनिॽ आङ्दिङ् के़न्लॽरिन्ल फाॽआङ् कन् सिबिॽगे़न् पाःन्निन् कुसिङ् निःत्ते़म्मे़ॽ के़लॽबा आनिङ्वाॽ वाॽरो॥ कन् सिबिॽगे़न् पाःन्निङ्ग निङ्वाॽफुमाङ्ङिल्ले़ कुनिङ्सेक् कुइसिक् नसान् चोःक्मा के़बोङ्बा थिम्मे़न्दङ् सुवाङ्हाॽरे़ नसान् चोःक्मा मे़न्छुःत्ते थारिक् यरिक् यहुदिहाॽ खुनिॽ निङ्वाॽ मे़न्नुःङ्मनाबा मे़बोङ्लो॥
“आङ्गाॽ खिनिॽ लुम्मो मिस्र लाजेॽओ चोगुङ्बा हे़क्के मिङ्देॽहाॽ पाङ्घुङ्लो॥ खिनिॽ थाङ्बे़न् मनाहाॽ ताभेःल्ले़ स्ये़रुङ्सिङ्लो, खिनिॽ अन्हाॽ तेॽरुङ्सिङ्ङाङ् पाङ्घुङ्देसुङ्सिङ्लो, हे़क्क्याङ् खिनिॽ थक्सुबा ने़त्ना साःङ्गाहिम्हाॽओबा कुगिःक्किन् खिनिॽ ने़बोओ थारिक्के थिम्सुङ्लो, हे़क्केसाङ् खिनिॽ आङ्गाॽ ले़प्माङ् मे़न्नुःङ्ङे के़वयिरो,” यहवे दाङ्बे़ल्ले़ उवा चोगुरो॥
माराम् माराम्हाॽओबा खाम्हिःक्को काप्पोबा नु थाङ्बे़न् मनाहाॽ ले़रे़म्भे़ना मे़जोःन्दे़आङ् मे़ने़रो॥ थाङ्बे़न् नु मे़न्छ्या आमनाहाॽ ताभेःल्ले़ मे़सोःन्दुसिआङ् ने़रो के़सिक् पोगे़बा ये़न्नो आदाङ्बारे़ खे़ङ्हाॽ के़स्ये़रुसिआङ् वाॽरो, लुङ्माॽ स्याःत् मे़ल्लॽए खे़ङ्हाॽ के़स्ये़रुसिआङ् वाॽरो॥
“यहवे दाङ्बे़न् साम्योबा चोक्लो, हे़क्केसाङ् कुदक्ले़ङ्वाओ पिफ्युङ्बा पोःक्खाङ्ङाङ् वयाङ्लो॥ के़रे़क् मे़न्छाम् सुवाङ्से, खे़प्से़म्मे़ॽओ हे़क्क्याङ् आङ्गाॽ आदुक्खेन् ओमे़त्ते़म्मे़ॽओ॥ सिसागे़न् मे़न्छ्या आमनाहाॽ नु थाङ्बे़न् आमनाहाॽ लाजेॽलाम् लाःक्कात् मे़लःत्तु मे़देॽरुसिआङ् मे़वाॽरो॥
“आङ्गाॽ आलायोहाॽ लत्छा खे़ःप्सिङ्ङो इघेःक्खुआङ् पत्लो, खुने़ॽ कुहुक्किल्ले़ खे़ङ्हाॽ इघेःक्खुरो, खे़न् आङ्गाॽ आभक्ताङ्ङो मे़भत्छुआङ् पत्लो, यहवे दाङ्बे़ल्ले़ आङ्गाॽ आधुम्मे़न् युम्सुआङ् वाॽरो॥ खुने़ॽ आनिङ्मिहाॽरे़ खुन्छिॽ हुक्को थासाङ्लो, खे़ङ्हाॽनु आङ्गाॽ थक्मा मे़सुक्कान्लो॥
खे़ल्ले़चोगुल्ले़ आल्ल खे़ङ्हाॽरे़ खुन्छिॽ साहाॽ साक्मे़न्जाए मे़सिररो, खे़ङ्हाॽग हयङ् ते़न्धङ्ङो मे़से़रुसिररो, मे़न्छुमाहाॽरे़ खुन्छिॽ ये़म्बाहाॽ नु साहाॽ मे़मासुसिररो, ये़म्बित्छाहाॽ तुक्मा लाःक्मा मिङ्देल्ले़ मे़सिररो हे़क्क्याङ् नालिगे़न् थाङ्बे़न्हाॽ थङ्ङो मे़से़रुसिररो॥
“खे़न्हाॽरे़ खुन्छिॽ सम्धाङ् लिसि परिक्ले़न् मे़क्मासिमा तारुङ्ॽ फाॽआङ् आङ्गाॽ यहवे दाङ्बे़ल्ले़ पाःत्तुङ्ॽ॥ खे़ङ्हाॽ थङ्ङो मे़से़रुसिॽ, खे़ङ्हाॽरे़ खुन्छिॽ के़सिबा थक्हाॽ ख्याबाहाॽरे़ मे़जसिॽ हे़क्क्याङ् पुहाॽरे़ मे़अगु मे़जसिॽ खे़ब्याङ् के़नम्बा के़याःक्पाहाॽ ताम्भुङ् थक्साहाॽरे़ मे़हाॽरु मे़जसिॽ हे़क्क्याङ् मे़मे़क्खुसिॽ॥
खे़ने़ॽ आबाङे कुॽइभे़म्माल्ले़ के़सम्धाङ् खुम्दिङ् तारुरो हे़क्क्याङ् खे़ने़ॽ के़नाॽराङ्बा पाःन्निल्ले़ए कुनामे़न्छाॽ के़जोःक्लो॥ आङ्गाॽ यहवे दाङ्बा के़निङ्वाॽफुमाङ्ङिन् नाॽमा नु आङ्गाॽओ से़वा मे़न्जोःक्मा साॽरिक् ताप्फे़ःम्बा नु निङ्वाॽ मे़न्दामा पोङ्लो, खे़न् खे़ने़ॽ कुसिङ् के़निःत्तुरो॥ आङ्गाॽ पयम् यम्बा मुक्साम्दाङ्बा यहवे दाङ्बे़ल्ले़ पाःत्तुङ्ङाङ् वाॽआरो॥”
यहवे दाङ्बे़ल्ले़ अक्खे पाःत्तुरो, “आङ्गाॽ नाजङ्सक् साप्तुङ्पिरुङ्बाल्ले़ चोगुल्ले़ के़म्मा मे़बाङ्सु मे़देसुआङ् वये़बाबि? इग्र आङ्गाॽ आत्तिन् सिङ्नात्साबे़ल्ले़ कुहुक्को खे़निॽ सङ्निङ्बे? मेःन्लो, खे़निॽ लायोहाॽरे़ चोगुल्ले़ खे़निॽ के़म्सङ्सिबारो, हे़क्क्याङ् खे़निॽ माःन्नाङ् खे़निॽ लायोल्ले़ चोगुल्ले़ माःङ्घा मे़बाङ्सुबारो॥
आल्ल आनिॽ सिरिङ्ममो थ्ये़ॽइरो हे़क्क्याङ् आनिॽ चाःत्थि पेःक्मा पाःन्निल्ले़ आदे़प्लरो॥ आनिॽ नु आनिॽ पाधे़बाहाॽरे़ आभे़ल्ले़साङ् यहवे दाङ्बा आनिॽ निङ्वाॽफुमाङ्ङिल्ले़ कुदक्ले़ङ्वाओ आनिॽ आजुक्ते़आङ्धो लायो आजोगुम्माङ् आवाॽरो, आप्फाल्ले़आङ् आनिॽ खुने़ॽ कुइङ्जाङ्ङिन् आन्इःत्तुम्मिन् आन्नाःत्तुमिन्लो॥”
Piblisite