सपन्याह 1:12 - लिम्बु12 खे़न् ये़म्मो सेमि हाःन्दुङ्ङाङ् यरुसले़ःम्मिन् कोःत्तुङ्लो, हे़क्क्याङ् निङ्वाॽ याःन्दिक् के़दाबाआङ् के़युङ्बाहाॽ, कुयुःन्दाङ्वा के़दाङ्सिङ्बा चे़ल्ले़क्सेॽ थि हे़क्के के़युङ्बाआङ् ‘यहवे दाङ्बे़ल्ले़ नुबाआङ् मे़जोगुन्ॽ ताप्फे़ःम्बाआङ् मे़जोगुन्’ लॽरिक् निङ्वाॽ के़इःप्पा मनाहाॽ आङ्गाॽ खुम्दिङ् पिरुङ्सिङ्लो॥ Gade chapit la |
सपन्याह 1:12
19 Referans Kwoze
“मोआबे़न् के़रे़क्नुःल्ले़ तगिबा कुसाप्मुःन्धुम्मो खे़न् सनारुङ्ङो चिजि ये़म्ये़म् वाॽरो, खे़न् आप्फाल्ले़आङ् वेॽ लाजेॽ मे़न्देॽए वाॽरो॥ मे़ल्लिङ्ङे युङ्मनाबा सेजःङ्वा हे़क्के लॽरो॥ खप्प्याओनु वेॽ खप्प्याओ मे़ल्लिङ्ङे युङ्लो खे़न् आल्ल कुजागे़नुॽबा नु कुनाम्गे़नुॽबा चोक्लो॥”
खे़ब्याङ् यहवे दाङ्बे़ल्ले़ आङ्गाॽ मे़प्ताङ्, “नासिगे़न् थक्ला के़गप्पा मनाए, खागे़माक्पा याक्फाङ्ङो इस्राइलबा लाम्लोबाहाॽरे़ खुन्छिॽ आप्फेक् आप्फेक् माङ्धाःन्हाॽओ नावाइत्लाहाॽनु थे़मा मे़जोगुर मे़याक् खे़ने़ॽ के़निसुर के़बप्पि? खे़ङ्हाॽरे़ मे़बाःत्तुर मे़बत्, ‘यहवे दाङ्बे़ल्ले़ आनिॽ आन्निने़न्, खुने़ॽ आनिॽ लाजेन् लाप्फुसुआङ् ने़रो!’”
खे़ब्याङ् खुने़ॽ आङ्गाॽ मे़त्ताङ्, “इस्राइल नु यहुदाबा मनाहाॽरे़ साॽरिक् पयम् यम्बा लायोहाॽ मे़जोगुआङ् मे़वाॽ॥ मना से़प्मे़ल्ले़ लाजेन् के़रे़क् पिसाङ् सधे़क् तिम्से़आङ् ने़, ये़क्यक्किन् मे़न्वाॽमनाबा खासे़न्लोःम्माल्ले़ कुधिम् पोःक्खे़आङ् ने़॥ खे़ङ्हाॽरे़ मे़बाःत्तुॽ, ‘यहवे दाङ्बे़ल्ले़ कन् मे़निसुन्ॽ॥ यहवे दाङ्बे़ल्ले़ लाजेन् लाप्फुसुआङ् ने़!’
हे़क्क्याङ् इङ्गाॽ खे़ल्ले़ कुहुॽसाम्बाहाॽआङ् से़रुङ्सिङ्लो॥ हे़क्केलॽरिक् के़रे़क् सेसेहुप्लक्हाॽरे़ इङ्गाॽ मे़न्छाम्गे़न् याप्मिहाॽरे़ खुनिॽ निङ्वाॽ नु सिक्लुङ्मा के़निबा फाॽआङ् कुसिङ् मे़निःत्तारो॥ हे़क्क्याङ् इङ्गाॽ खिनिॽ याःम्बक् के़जोगुम्बा कुइसिक् खिनिॽ के़रे़क् पिनिङ्लो॥
खे़न् नावाइत्लाहाॽग पइत् ताप्पो मे़ये़प्सुबा खार्जोःम्बा हे़क्तङ्बा मे़जोक्लो॥ खे़ङ्हाॽ पाःप्मा मे़न्छुक्ने़न्लो॥ खे़ङ्हाॽ पङ्माआङ् कुमा कप्मासि पोङ्लो थेआङ्भे़ल्ले़ खे़ङ्हाॽ लाङ्घेःक्मा मे़न्छुक्ने़न्लो॥ खे़ङ्हाॽनु मे़गिसे़म्मिन्ने़ॽ, खे़ङ्हाॽरे़ खिनिॽ थेआङ् हान्ति चोःक्मा के़मे़न्छुक्तिन्लो, खे़ङ्हाॽरे़ थेआङ् नुबा चोःक्मा मे़न्छुक्तुन्लो॥”
खे़निॽ पाःन्निल्ले़ यहवे दाङ्बे़न् नासे़र के़याःन्दुम्माङ् वाॽ॥ कर खे़निॽ से़ःन्गे़दोसुम्ॽ, “आनिगे आक्खेलॽरिक् खुने़ॽ नासे़र याःन्दुम्बे़बे?” कर खे़निॽ अक्के के़बाःत्तुम्माङ् नार के़याःन्दुम्ॽ, “ताप्फे़ःम्बा याःम्बक् के़जोःक्पाहाॽ के़रे़क् यहवे दाङ्बे़ल्ले़ कुमिक्साओ नुबाए मे़जोक् हे़क्क्याङ् खुने़ॽ खे़ङ्हाॽनु कुनिङ्वाॽ ताःॽ,” इग्र “खासे़न् के़लोःम्बा निङ्वाॽफुमाङ्ङे़न् आत्ति वाॽबे?”
Piblisite