जकरिया 9:8 - लिम्बु8 थङ्ङो के़भप्पाहाॽलाम् आहिम्मिन् ताङ्से़ःप्मारे़ लागि खे़न् के़रे़क् पिसाङ् आङ्गाॽ साःङ्गाहिम् चोगुङ्लो॥ आत्तिन् कुॽइगे़भे़म्बाहाॽरे़आङ् आमनाहाॽ याम्मो तुक्खे मे़न्जाःत्तुसिन्लो, थेआङ्भे़ल्ले़ आल्ल खे़ङ्हाॽ आप्फेक् कोसुङ्सिङ्लो॥” Gade chapit la |
जकरिया 9:8
39 Referans Kwoze
खे़ने़ॽ के़लाजेॽओ याम्मो आभे़ल्ले़आङ् खार्मे़न्दक् चोःक्मा पाःन्हाॽ खे़म्मे़दे़त्ने़न्लो, खे़ने़ॽ के़इःन्दोओ ताप्फे़ःम्बा नु मे़क्मासिमा खे़म्मे़दे़त्ने़ल्लो॥ लुङ्धाक्किल्ले़ ये़क्यक्किन् से़ःप्तुबा हे़क्के आङ्गाॽ खे़ने़ॽ ताङ्से़ःप्ने़रो, थेआङ्भे़ल्ले़ खे़ने़ॽ ताङ्से़ःप्ने़आङ् वाॽबाल्ले़ चोगुल्ले़ आनारा के़भोसुरो॥
सियोनओ के़युङ्बा मनासे, पोगे़म्मे़ॽओ, पोगे़म्मे़ॽओ, खिनिॽ के़धुम्बा पोःक्खे़म्मे़ॽओ हे़क्क्याङ् याम्मो पयम् यम्बा पोःक्खे़म्मे़ॽओ! सेसे ये़क्यक् यरुसले़ःम्मो के़युङ्बा मनासे, हाङ्वा माङ्वारे़ चाङ् चाक्खाम्मे़ॽओ॥ हर्दो मे़न्हे़क्मनाबा नु आसुत्थोबाहाॽ यम्बा के़लाम्धेःत्तो याम्मो आभे़ल्ले़आङ् मे़न्लाःत्ने़ल्लो॥
खे़ङ्हाॽ मे़दाआङ् मे़सःत्ल सियोन कोःक्माओ से़वासाम्लोन् साम्मे़मे़त्तुरो यहवे दाङ्बे़ल्ले़ पिरुसिबा यरिक् पर्धाःम्मिल्ले़ खे़ङ्हाॽ मे़सःत्लो— कुजा, कुबोक् चे़ल्ले़क्सेॽ थि, चैतुन निःङ्गेॽ, मे़ल्लुक् नु पित्हाॽ मे़घोसुसिरो खे़ल्ले़चोगुल्ले़ खे़ङ्हाॽरे़ खुन्छिॽ निङ्वाॽ पदादारो॥ खे़ङ्हाॽ नुरिक्काङ् योरुर च्वाःत्तिल्ले़ वागे़रक्पा इक्ताप् हे़क्तङ्बा मे़बोङ्लो हे़क्क्याङ् खे़ङ्हाॽ आप्फाल्ले़आङ् कुहोःप्मा कुसाक्मो मे़न्धाने़न्लो॥
पुहाॽरे़ खुन्छिॽ हाप्पिन् से़ःप्मारे़ लागि कब्रिङ् मे़बे़आङ् मे़वाॽबा हे़क्केए आङ्गाॽ मुक्साम्दाङ्बा यहवे दाङ्बे़ल्ले़ यरुसले़म ये़क्यक्किन् कम्ब्राङ् मे़त्तुङ्लो॥ खे़न् ताङ्से़ःप्तुङ्, हे़क्क्याङ् खे़न् नाङुङ् थेःक्तुङ्लो, खे़न् लाम् पोङ्ङार पेःक्का खे़ब्याङ् खे़न् चोःक्युम्भो पिरुङ्लो॥”
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
बेबिलोनबा हाङ् नबुकदनेसरे़ल्ले़ कर्कमिसबा ते़न्धङ्ङो युफ्रेतिस वहःङ्ङिल्ले़ कुयाओ मिस्रबा हाङ् फारो नेकोन् नु खुने़ॽ कुधक्सुबाहाॽ नाःन्दुसिबा सुये़म्मो यहुदाबा हाङ् योसियाःल्ले़ कुस्सा यहोयाकिमे़ल्ले़ हाङ्युक् चोगुबा लिसिगेक्पा तङ्बेओ कन् इङ्घङ्ङिन् मिस्र लाजेःल्ले़ कुयाःम्बेओ के़रे़आङ् वये़रो॥
यहवे दाङ्बे़ल्ले़ मे़त्तु, “मिस्र लाजेॽओ आङ्गाॽ आमनाहाॽ साॽरिक् ताप्फे़ःल्लिक् मे़मे़त्तुसिआङ् तुक्खे मे़जाःत्तुसिर मे़याक्, खे़न् आङ्गाॽ निसुङ्ङाङ् वाॽ॥ याःम्बक्को मना के़भम्बा मिस्रिहाॽरे़ खुन्छिॽ हुक्कोलाम् से़म्मारे़ लागि खे़ङ्हाॽरे़ खुन्छिॽ पेलिन् आङ्गाॽ खे़प्सुङ्ङाङ् वाॽ॥ खे़ङ्हाॽरे़ खुनिॽ तुक्खेन् नु के़साक्पा मे़दुमुबान् आङ्गाॽ कुसिङ् निःत्तुङ्ॽ॥
Piblisite