जकरिया 9:16 - लिम्बु16 खे़ल्ले़ याःन्दिक् यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिल्ले़ खे़ङ्हाॽ से़ःप्तुसिरो, थेआङ्भे़ल्ले़ खे़ङ्हाॽ खुने़ॽ कुमनाहाॽरे़ खुन्छिॽ मनासुम्सिरो तिचओबा मुधिङ्लुङ् हे़क्के खे़ङ्हाॽ खुने़ॽ कुलाजेॽओ मे़ले़क्लो॥ Gade chapit la |
जकरिया 9:16
25 Referans Kwoze
मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“खे़न् ये़न्नो के़रे़क् मे़न्छाम् सुवाङ्हाॽलाम् नु के़रे़क् पाःन्दाङ् के़बाःप्पाहाॽओलाम् थिबोङ् मनारे़ लत्छा यहुदिन् कुदेःत् फे़राओ मे़दे़म्सुआङ् अक्खे मे़मे़त्तुॽ, ‘आनिगे खे़ने़ॽनु सोरिक् पेगिगे़, थेआङ्भे़ल्ले़ निङ्वाॽफुमाङ्ङिन् खे़ने़ॽनु वाॽ फाॽआङ् आनिगे खे़प्सुम्बे़आङ् वयिगे़रो॥’”
खे़न् ये़म्मो आङ्गाॽ खिनिॽ फुङ्निङ्लो, खम्भ्याङ् खे़न् ये़म्मो आङ्गाॽ हिम्मो ताःत्निङ्लो॥ आल्ल आङ्गाॽ खिनिॽ नुॽमादामाहाॽ खिनिॽ मिक् तगिए नुःक्तुङ् तारुङ्लो, खे़ब्याङ् इक्सादिङ् खाम्बेःक्मोबा मनाहाॽरे़ खुन्छिॽ लुम्मो खिनिॽ मिङ्सो थाङ्सो नु नारा फोसुङ् पिनिङ्लो,” यहवे दाङ्बे़ल्ले़ पाःत्तुरो॥
आङ्गाॽ आमे़ल्लुक् लुप्हाॽलाम् के़दाङ्बा के़याःक्पा आङ्गाॽ खे़ङ्हाॽ नाःत्तुङ्देसुङ्सिङ्बा लाजेॽहाॽलाम् खे़ङ्हाॽ सुप्सुङ् तारुङ्सिङ्ॽ हे़क्क्याङ् खे़ङ्हाॽ आबाङे खुन्छिॽ लाजेॽओ नुःक्तुङ् तारुङ्सिङ्ॽ॥ खे़ङ्हाॽरे़ खुन्छिॽ मुॽइदाङ्साहाॽ मे़बोन् मे़धे़ॽर खे़ब्याङ् खे़ङ्हाॽ यरिक् मे़बोङ्ल॥
“मे़न्छाम् सुवाङ्से, यहवे दाङ्बे़ल्ले़ कुइङ्घङ्ङिन् खे़प्से़म्मे़ॽओ हे़क्क्याङ् माःङ्घा माःङ्घा वरःङ्ङिल्ले़ कुयाओ थारिक्पा आङ्गाॽ आबाःन्जाक्किन् साॽरिक् इङ्भन् चोगे़म्मे़ॽओ॥ आङ्गाॽ आमनाहाॽ फुत्छिङ्ज्याःङ् से़सुङ्सिङ्लो कर आङ्गाॽ खे़ङ्हाॽ सुप्सुङ्सिङ्लो हे़क्क्याङ् पित्कम्बाहाॽरे़ पित्हाॽ कम्ब्राङ् मे़मे़त्तुसिबा हे़क्के खे़ङ्हाॽ कम्ब्राङ् मे़त्तुङ्सिङ्लो॥
“आङ्गाॽ यहुदाबा हिम्सयङ्हाॽ के़धुम्बा चोगुङ्सिङ्लो, हे़क्क्याङ् योसेफरे़ कुहिम्सयङ्हाॽ ताङ्से़ःप्तुङ्सिङ्लो॥ आङ्गाॽ खे़ङ्हाॽ याम्मो नुःक्तुङ् तारुङ्सिङ्लो, थेआङ्भे़ल्ले़ आङ्गाॽ खे़ङ्हाॽ लुङ्माॽ तुक्तुङ्सिङ्लो॥ आङ्गाॽ खे़ङ्हाॽ मे़नाॽरुङ्सिङ्ङिन्बा हे़क्तङ्बा मे़बोङ्लो, थेआङ्भे़ल्ले़ आङ्गाॽ यहवे दाङ्बा खुन्छिॽ निङ्वाॽफुमाङ्आरो, हे़क्क्याङ् आङ्गाॽ खे़ङ्हाॽरे़ खुन्छिॽ पेलिगे़न् तुवान् खे़प्सुङ्लो॥
फुत्छिङ्ज्याङ् के़बोङ्बा कुमे़ल्लुक्हाॽ के़गोःप्पा मे़ल्लुक्कम्बा हे़क्तङ्बा आङ्गाॽ पोङ्ङारो॥ खे़न् खागे़माक्पा नु खाॽमित् के़दःम्बा ये़न्नो फुत्छिङ्ज्याङ् मे़बोःक्खे़आङ् मे़वये़बा के़रे़क् ते़न्हाॽओलाम् आङ्गाॽ खे़ङ्हाॽ से़ःप्तुङ्सिङ्ॽ हे़क्क्याङ् आङ्गाॽ आमे़ल्लुक्हाॽ खोसुङ्सिङ्ॽ॥
Piblisite