खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
जकरिया 9:15 - लिम्बु15 मुक्साम्दाङ्बा यहवे दाङ्बे़ल्ले़ खे़ङ्हाॽ ताङ्से़ःप्तुसिरो हे़क्क्याङ् खे़ङ्हाॽरे़ निङ्मिहाॽ खाप्पुथ्यःङ् मे़जोगुसिरो, हे़क्क्याङ् अर्दोओबा लुङ्हाॽरे़ खे़ङ्हाॽ मे़नाःन्दुसिरो॥ खे़ङ्हाॽरे़ सोसोत्लराङ्ङो मे़ज मे़धुङुरो हे़क्क्याङ् मयुसिबा कुइसिक् मे़अःक्लो॥ खे़ङ्हाॽ ले़त्ति तोःम्मादे़न्निल्ले़ कुसुक्पाहाॽओ सामाक्खिॽ साङ्मा छे़ःङ्ग्यान् तिम्बा हे़क्के माक्खिल्ले़ ले़ःक्तुसिरो॥ Gade chapit la |
जकरिया 9:15
25 Referans Kwoze
खे़न् ये़न्नो यहवे दाङ्बे़ल्ले़ यरुसले़म के़युङ्बाहाॽ ताङ्से़ःप्तुसिॽ, हे़क्क्याङ् खे़ङ्हाॽओ आत्तिन् के़रे़क्नुःल्ले़ मे़न्धुम्मनाबा चोक् खे़न् दाउदे़न् हे़क्तङ्बा पोङ्ॽ, हे़क्क्याङ् दाउदरे़ कुहिम्सयङ्हाॽ निङ्वाॽफुमाङ्ङिन् हे़क्तङ्बा मे़बोङ्ॽ, खे़ब्याङ् खे़ङ्हाॽरे़ खुन्छिॽ तगाङ् तगाङ् के़बेःक्पाहाॽ यहवे दाङ्बे़ल्ले़ कुमाङ्लाइङ्बा कुइसिक् मे़बोङ्लो॥
खे़न् एगाङ् तुम्मादे़न् साःङ्गाहिम् सिगाङ् के़युङ्बा ले़त्ति तोःम्मादे़न्नोबा ताङ्हाॽओ खे़ल्ले़ यहवे दाङ्बे़ल्ले़ कुदगि खे़न् माक्खिॽओलाम् कुभा हुःत्तुर, हे़क्क्याङ् के़रे़क् के़नम्बा माक्खिन् तुम्मादे़न् साःङ्गाहिम् लाःप्मादे़न्नो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
याकुबरे़ के़वाॽबा के़याःक्पा कुमनाहाॽग मे़न्छाम् सुवाङ्हाॽ नु यरिक् मनाहाॽरे़ खुन्छिॽ लुम्मो मे़वाॽरो, ताम्भुङ्ङोबा थक्साहाॽ लुम्मो के़वाॽबा खिरिङ्बा नु मे़ल्लुक् मे़ःन्दाहाॽ लुम्मो के़वाॽबा खिरिङ्बा हे़क्तङ्बा मे़बोङ्लो, खे़ल्ले़ उःक्खु थे़मुसिर फुयुसिर लाङ्घेःक्लो, हे़क्क्याङ् आत्तिल्ले़आङ् से़म्मा मे़सुक्तुसिन्लो॥
आङ्गाॽ लुङ्माॽ हिःप्ने़मा! आमेःक्खिम्सामे! आङ्गाॽ आभुङ्इक्को लासाङ्ङाङ् याक्कारो, आङ्गाॽ आमुर्र नु आमारुक् सुप्सुङ्ल वाॽआरो॥ आङ्गाॽ आसक्वाघुन् नु कुले़क्किन् चाङ्ल वाॽआरो, खे़ब्याङ् आसेजःङ्वान् नु पित्नुन् थुङुङ्ल वाॽआरो॥ चे़म्मे़ॽओ, आमिःम् आन्जुम्से हे़क्क्याङ् थुङे़म्मे़ॽओ, लुङ्माॽ हिःम्मारे़ निङ्वाॽ मे़न्दाए थे़म्बा थुङे़म्मे़ॽओ!
आङ्गाॽ खे़ने़ॽनु तेॽराङ्ङे़ॽओ, आन्छिॽ खे़त्ने़त्छिआङ् पित्छिरो, खे़ने़ॽ आङ्गाॽ आहाङ् पोःक्खे़ॽओ हे़क्क्याङ् आङ्गाॽ खे़ने़ॽ के़याक्फाओ तेॽराङ्ङे़ॽओ॥ आन्छिॽ सोसोरिक् सःत्छिरो, सेॽजःङ्वाःन्नुःल्ले़आङ् यरिक् खे़ने़ॽ के़लुङ्माॽ हिःम्मे़न् इःत्छुरो॥ के़रे़क् मे़न्छुमहाॽरे़ खे़ने़ॽ लुङ्माॽ के़म्हिःप्लो॥
दाउदरे़ गोल्यते़न् मे़त्तु, “खे़ने़ॽग आङ्गाॽनु थङ् चोःक्से़ ताभे, लाःक् हे़क्क्याङ् ये़न् के़भे़त्तुआङ् के़भे़रे़, कर आङ्गाॽग खे़ने़ॽ कुनामे़न्छाॽ के़मे़त्तुसिबा इस्राइलि थक्सुबाहाॽरे़ खुनिॽ निङ्वाॽफुमाङ् मुक्साम्दाङ्बा यहवे दाङ्बाल्ले़ कुमिङ्ङो खे़ने़ॽनु थङ् चोःक्से़ त्याङ्ङाङ् वाॽआ॥
खे़न् एगाङ् निङ्वाॽफुसाम्बाल्ले़ तुम्मादे़न् साःङ्गाहिम् सिगाङ् के़युङ्बा कुनाम्गे़नुॽबा सुक्पा ले़त्ति तोःन्मादे़न्नोबा ताङ्हाॽओ यहवे दाङ्बाल्ले़ कुबेसाङ् खे़न् माक्खिॽओलाम् कुभा तारुर, हे़क्क्याङ् से़गम्बाल्ले़ के़नम्बा कुमाक्खिन् तुम्मादे़न् साःङ्गाहिम्मोबा लाम्धेःत्तो मिधिङ्मनादेमनाबा सिदुङ्जभा ले़त्ति तोःम्मादे़न्निल्ले़ कुबुङ्ङो हुक्खुर॥
Piblisite