जकरिया 9:11 - लिम्बु11 सियोनए, खे़ने़ॽनु हुप्तुङ्बा माक्खिॽओबा माङ्हुप्पिल्ले़ चोगुल्ले़ मे़दे़म्सु मे़देॽरुसिबा खे़ने़ॽ के़मनाहाॽ आङ्गाॽ च्वाःत् मेःन्नेबा लुम्बाःत्तोलाम् लःत्तुङ्सिङ्लो॥ Gade chapit la |
यहवे दाङ्बा निङ्वाॽफुमाङ्ङिल्ले़ कुयाम्साम्मे़न् आङ्गाॽ आसम्धाङ् वाॽरो, थेआङ्भे़ल्ले़ याङ्गे़साॽबाहाॽ सुनाइङ् इङ्भोमासिरे़ लागि यहवे दाङ्बे़ल्ले़ आङ्गाॽ सेःन्दाङ्ङाङ् वाॽरो॥ निङ्वाॽ के़दुक्पाहाॽरे़ खुन्छिॽ याम्साम्मिन् वेःम्मारे़ लागि, पुङ्लाहिम्मो साक्पा के़धाबाहाॽ ले़प्मासिरे़ लागि खे़ब्याङ् इघेःङ्ङो के़धाबाहाॽ चोःक्युम्भो पिमासि उवा चोःक्मारे़ लागि खुने़ॽ आङ्गाॽ पाङ्घाङ्ङाङ् वाॽरो॥
मे़दे़म्सु मे़देॽरुसिबाहाॽ मे़त्ते़से़ॽ ‘लःन्दे़म्पेगे़म्मे़ॽओ’ हे़क्क्याङ् खामाक्माओ के़वाॽबाहाॽ ‘ओःत्तिओ लन्दे़म्मे़ॽओ॥’ खे़ङ्हाॽ लाम्मिल्ले़ कुबेसाङ् चागे़राम्बा मे़ल्लुक् हे़क्के मे़लॽरो, खे़ब्याङ् मुरे़क् खारे़क्पा के़रे़क् कोःक्मा फाङ्जङ् थे़गु माङ्वाहाॽओ खे़ङ्हाॽरे़ चाराम्मादे़न् मे़घोसुरो॥
“दाङ्बाल्ले़ कुसेसे याम्साम्मिन् इङ्गाॽ आसम्दाङ् वाॽ, थेआङ्भे़ल्ले़ याङ्गे़साॽबाहाॽ सुनाइङ् इङ्भन् चोःक्से़ माङ्धोःक्ना पिराङ्ङाङ् वाॽआरो॥ खुने़ॽ साक्पा के़धाबाहाॽ चोःक्युम्भोरे़न् इङ्भन् चोःक्से़, मिक्फःम्बाहाॽरे़ खुनिॽ मिक्सान् वेःम्मा इङ्भन् चोःक्से़, हे़क्क्याङ् एप्ले़क्खे़ओ के़वाॽबाहाॽ चोःक्युम्भो पिसे़ नु दाङ्बाल्ले़ कुलुङ्गुम्मिल्ले़ तङ्बेल्ले़न् इङ्भन् चोःक्से़ इङ्गाॽ पाङ्घाङ्ङाङ् वाॽआरो॥”
कर कन्हाॽग लत्छा अक्तङ्बा सुवाङ्सिरो, खे़ङ्हाॽ इङ्ले़क्को मे़ध्ये़आङ् मे़नाप्तुसिआङ् मे़वाॽरो॥ खे़ङ्हाॽ के़रे़क् लुम्बाःत्तो मे़ध्ये़आङ् मे़याक्लो इग्र पुङ्लाहिम्मो साक्पा मे़ध्ये़आङ् मे़याक्लो॥ खे़ङ्हाॽ मे़नाप्तुसिआङ् के़नाङ्बा के़धेःक्पा हाःत्ताङ् होप्लो, खे़ङ्हाॽ मे़नाप्तु मे़देॽरुसिबा याङ्साकुन्धेहाॽ नुःक्ताम् पिराम्सिम्मे़ॽ के़लॽबा हाःत्ताङ् होप्लो॥
खे़ल्ले़चोगुल्ले़ सुहाङ्युक्पाहाॽरे़ यर्मियान् खुने़ॽ युङे़बा याक्फाङ्ङोलाम् मे़देॽरु हे़क्क्याङ् इक्के़गोबाहाॽरे़ खुन्छिॽ लक्खुम्मोबा लत्छा च्वाःत् याङ्घोःप्मा लुम्बात् वाबाक्को थाक्पाःल्ले़ मे़घेःक्खुआङ् मु मे़धासु॥ खे़न् हाङ्हिम्सयङ्बा लत्छा पासिङ्पादाङ् मल्कियाहरे़ कुज्वाःत् याङ्घोःप्मा लुम्बात् ने़स्से़॥ खे़न् च्वाःत् याङ्घोःप्मा लुःम्बाःत् वाबाक्को च्याःत् मे़यागे़न्, कर मु चिम्लिम् चिम्लिङ् के़लॽबा ले़क्वा खाम् यागे़ हे़क्क्याङ् यर्मियान् खे़न् चिम्लिम् चिम्लिङ् के़लॽबा ले़क्वा खाम्मो हुमे़॥
खे़न् माङ्लाइङ्बाल्ले़ माफे़न्साम्मिन् कुद्रोःम् मेःन्नेबा लुम्बाःत्तो लाप्फुसु केःत्तु, हे़क्क्याङ् तङ्बे हे़न्छिङ् थिक् (१,०००) थारिक् आत्तिन् मे़न्छाम् सुवाङ्हाॽआङ् इङ्ले़क् मे़प्मा मे़सुक्तुन्छिन्ल फाॽआङ् खे़ल्ले़ कुसुःप्नाःन् सुबुआङ् एःप्साप् लक्तुरो॥ खे़न् एगाङ् सप्फारे़ लागि खे़न् ले़प्माए पोङ्लो॥