जकरिया 9:1 - लिम्बु1 यहवे दाङ्बे़ल्ले़ कुइङ्घङ् अक्तङ्बा वाॽरो— “यहवे दाङ्बे़ल्ले़ कुघासे़न्निन् हद्राक लाजेॽओ वाॽरो, हे़क्क्याङ् खे़न् दमस्कस ये़क्यक्कोओआङ् चुक्लो, थेआङ्भे़ल्ले़ यहवे दाङ्बे़ल्ले़ कुमिक्किन् इस्राइलबा मनाहाॽओ चुक्ते़बा हे़क्के के़रे़क् मनाहाॽओआङ् चुक्ते़आङ् वाॽरो॥ Gade chapit la |
जकरिया 9:1
22 Referans Kwoze
मुक्साम्दाङ्बा यहवे दाङ्बे़ल्ले़ उवा चोगुॽ, ‘आङ्गाॽ साक्मुरा माङ्दे पाङ्घुङ् तासुङ्ङाङ् वाॽ, हे़क्क्याङ् के़रे़क् खुःन्द्रिक्पाहाॽरे़ खुन्छिॽ हिम्मो नु आमिङ्ङो इङ्ले़क् माङ्गे़हे़क्सिङ्बाहाॽरे़ खुन्छिॽ हिम्मो खे़न् लाःत्, खम्भ्याङ् हिम्मो खे़न् याक् हे़क्क्याङ् खे़ल्ले़ खे़प्मोबा सिङ् नु लुङ्हाॽ ने़प्माङ् खाप्पुथ्यःङ् चोगुदेसुरो॥’”
यहवे दाङ्बे़ल्ले़ अक्खे पाःत्तुरो— “मे़ल्लुक् कम्बाल्ले़ थे़रिङ्बे़ल्ले़ कुम्ब्राओलाम् लाङ्ङोबा कुआत् ने़त्छि साये़त् इग्र ने़भाक्कोबा कुमुल्ला थिक्लक् थे़रिङ्बे़न् नाप्मा सुक्तुबा कुइसिक् सामरियाओ के़युङ्बा इस्राइलिहाॽ ने़त्नाःल्ले़ कुयाःन्नु युक्नाःल्ले़ कुसुक्पे़न्नु ताङ्मे़से़ःप्लो॥
यहवे दाङ्बाए, आमुक्साम् नु आहाङ्यक्के, तुक्खेवा ये़न्नोबा आइःम्सिङ्मादे़न्ने़, इक्सादिङ् खाम्बेःक्माल्ले़ कुया नु कुसुक्पोलाम्बा मे़न्छाम् सुवाङ्हाॽ खे़ने़ॽओ मे़दारो हे़क्क्याङ् खे़ङ्हाॽरे़ मे़बाःत्तुरो, “आनिगे पाधे़बाहाॽनुग इङ्ले़क्पा साम्माङ्हाॽ नु हने़बा नावाइत्लाहाॽरक् मे़वये़रो कर वेॽ थेआङ् होःप्ते़रो॥
आनिगे निङ्वाॽफुमाङ्ङे, थे आदाङ्बारे़ खे़ङ्हाॽ खासे़न् के़न्जोगुसिन्बि? थेआङ्भे़ल्ले़ आनिगे लाजेन् थङ्ङो फप्मारे़ लागि के़भे़म्बार के़बप्पा कन् यरिक् थक्सुबा सुम्हाॽनु थक्मा आनिगे मुक्साम् थे़माआङ् मे़गत्तुम्बे़न्॥ आनिगे थे चोःक्मा के़बोङ्बा खे़न् आनिगे मे़निसुम्बे़न्, कर आनिगे मिक्के़ल्ले़ आदाङ्बा ओमे़त्तासिगे़ॽ॥”
यहवे दाङ्बे़ल्ले़ अक्खे पाःत्तुरो, “तुरोसबा सुम्सि लायोहाॽ इग्र लिसिए लायोहाॽरे़ चोगुल्ले़ आङ्गाॽ साॽरिक् आसिक् पोःक्मान् मे़घे़त्तुङ्ङिन्लो॥ खे़ल्ले़ के़रे़क् मे़दे़म्सु मे़देॽरुसिबाहाॽ एदोमरे़ कुहुक्को थासुसिबाल्ले़ चोगुल्ले़ हे़क्क्याङ् फुॽनुसाॽहाॽ लुम्मोबा नादङ्ङिन् निङ्वाॽ मे़न्इःत्तुम्बाल्ले़ चोगुल्ले़,
माङ्हिम् चोःक्मा याःम्बक्किन् चबे़ःत्छिक्लक् पोङ्ङिल्ले़ मनाहाॽ खुन्छिॽ सिक्खे़ङ् कर यरुबाबेलरे़ कुहुक्को कुसिःक्मा खिःन् मे़निसुल्ले़ खे़ङ्हाॽ मे़सःत्॥ माङ्लाइङ्बे़ल्ले़ मे़त्ताङ्, “कन् नुसि सेमिहाॽ यहवे दाङ्बे़ल्ले़ कुमिक्लो, खे़न् मिक्हाॽरे़ के़रे़क् इक्सादिङ् खाम्बेःक्मो ओमे़मे़त्तुआङ् पत्लो॥”
Piblisite