जकरिया 8:9 - लिम्बु9 मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“मुक्साम्दाङ्बा यहवे दाङ्बे़ल्ले़ कुहिम्मिल्ले़ कुबुङ् मे़युक्खुल्ले़ खे़प्मो के़वाॽबा माङ्निङ्वाॽपान् के़बाःप्पाहाॽरे़ ‘माङ्हिम्मिन् चोःक्मा के़सुक्तुम्ल’ फाॽआङ् मे़बाःत्तुबा पाःन्निन् आल्लो कप्मो के़वाॽबाहाॽरे़ के़घे़प्सुम्ल के़वयिॽ॥ Gade chapit la |
जकरिया 8:9
18 Referans Kwoze
इस्राइलरे़ कुलागि यहवे दाङ्बे़ल्ले़ मोसान् इङ्जाङ् पिरुबा कुइसिक् खे़ने़ॽ खुने़ॽ कुइङ्जाङ्हाॽ नु कुधिम्हाॽ इःप्मा नाःप्मारे़ लागि सिङ्सिङ् ये़क्ये़क् के़लॽने़भग्र खे़ने़ॽ के़नुॽ के़दारो॥ के़धुम्बा नु हाङ्हाङ् के़लॽबा पोःक्खे़ॽ, मे़गिसे़न्ने़ॽ हे़क्क्याङ् कुनिङ्साङ् के़बुक्पा मे़बोःक्खे़न्ने़ॽ॥
यहुदा नु इस्राइलबा यक्युङ्बासे! आक्खेलॽरिक् मे़न्छाम् सुवाङ्हाॽरे़ खुन्छिॽ लुम्मो खिनिॽ माङ्दे साङ्ग्रा चाहाक् के़बोःक्खिआङ् वये़, खे़ल्ले़चोगुल्ले़ आङ्गाॽ खिनिॽ ताङ्से़ःप्निङ्ॽ हे़क्क्याङ् खिनिॽ हाङ्वागे़न् मुॽइसाम्रे़ कुबुङ् के़बोःक्खिॽ॥ “खिनिॽ मे़गिसे़म्मिन्ने़ॽ, कर खिनिॽ हुक्हाॽ के़धुम्बा पोङ्ल॥”
खे़ब्याङ् यहवे दाङ्बा खे़ङ्हाॽरे़ खुन्छिॽ निङ्वाॽफुमाङ्ङिल्ले़ हाग्गैन् पाङ्घुबाल्ले़ चोगुल्ले़, सालतिएलरे़ कुस्सा यरुबाबेल, यहोसादाकरे़ कुस्सा तुम् निङ्वाॽफुसाम्बा यहोसुन् नु के़वाॽबा के़याःक्पा के़रे़क् मनाहाॽरे़आङ् यहवे दाङ्बा खुन्छिॽ निङ्वाॽफुमाङ्ङिल्ले़ कुइक्लान् हे़क्क्याङ् माङ्निङ्वाॽपान् के़बाःप्पा हाग्गैःल्ले़ कुइङ्घङ्ङिन् मे़इःत्तु मे़नाःत्तु॥ खम्भ्याङ् मनाहाॽ यहवे दाङ्बे़न्नु मे़गिसे़रो॥
दाउदरे़ कुस्सा सोलोमने़न् अक्खेआङ् मे़त्तु, “के़धुम्बा नु हाङ्हाङ् के़लॽबा पोःक्खे़ॽ हे़क्क्याङ् कन् याःम्बक्किन् चोगे़ॽ॥ मे़गिसे़न्ने़ॽ हे़क्क्याङ् के़निङ्साङ् मे़बुगे़न्ने़ॽ, थेआङ्भे़ल्ले़ यहवे दाङ्बा निङ्वाॽफुमाङ्, आङ्गाॽ आनिङ्वाॽफुमाङ्ङिन् खे़ने़ॽनु वाॽ॥ यहवे दाङ्बे़ल्ले़ कुहिम्मोबा कुमाङ्सेवा याःम्बक्किल्ले़ लागि के़रे़क् चाहा के़जोःक्पा याःक्बक्हाॽ खे़ने़ॽ मे़न्जोक् मे़न्छुःत्ते थारिक् खुने़ॽ के़न्नाॽने़न् हे़क्क्याङ् लाप्पाङ् के़म्भुने़न्॥
साम्योथिम् इङ्जाङ्ङोबा कन् साप्पन्निन् खे़ने़ॽ के़म्ब्राओलाम् मे़माने़न्ल, कर ले़न्दिक् से़न्दिक् से़वा चोगे़ॽ हे़क्क्याङ् खे़प्मो साप्ते़आङ् के़बप्पा के़रे़क् पाःन्हाॽ सिङ्सिङ् ये़क्ये़क्काङ् इःत्ते़ ने़त्तुॽ, खम्भ्याङ् खे़ने़ॽ के़रे़क् के़लाम्मो थो के़बोःक्काङ् कुलिङ्दो के़गे़प्पा के़बोङ्ॽ॥
यहुदि लाम्लोबाहाॽरे़ माङ्निङ्वाॽपान् के़बाःप्पा हाग्गै नु इद्दोरे़ कुधाःक् जकरियालाम्बा आःन्छिङ्मा मे़घोसुआङ् माङ्हिम् चोःक्मा याःम्बक्किन् नुरिक्काङ् तगि मे़भोसु॥ इस्राइलबा निङ्वाॽफुमाङ्ङिल्ले़ कुइङ्जाङ् हे़क्क्याङ् फारस लाजेॽबा कोरेस, दारा नु अर्तासास्त हाङ्हाॽरे़ खुन्छिॽ इङ्जाङ् कुइसिक् खे़ङ्हाॽरे़ माङ्हिम्मिन् मे़जोगु मे़सुरु॥
Piblisite