जकरिया 8:3 - लिम्बु3 यहवे दाङ्बे़ल्ले़ अक्खे पाःत्तुॽ—“आङ्गाॽ नुःङ्ङाआङ् सियोनओ युआ, हे़क्क्याङ् यरुसले़ःम्मो युङ्ङा॥ खे़ब्याङ् यरुसले़ःम्मिन् ‘नसाःन्साबा ये़क्यक्’ मे़मे़त्तुॽ, हे़क्क्याङ् मुक्साम्दाङ्बा यहवे दाङ्बे़ल्ले़ कुगोःक्मान् ‘सेसे कोःक्मा’ मे़मे़त्तुॽ॥ Gade chapit la |
जकरिया 8:3
39 Referans Kwoze
हे़क्क्याङ् इङ्गाॽ हाङ्युक्नाओलाम् यम्बा इक्लाधिक् त्ये़बा खे़प्सुङ्लो, “आल्ल निङ्वाॽफुमाङ्ङिल्ले़ कुवाॽमा ते़न्निङ्ग मे़न्छाम् याप्मिहाॽनु सोरिक् पोःक्खे़आङ् वाॽ, हे़क्क्याङ् खुने़ॽ खे़ङ्हाॽनु वाॽ॥ हे़क्क्याङ् खे़ङ्हाॽग कुसेसे याप्मि मे़बोङ्लो॥ निङ्वाॽफुमाङ्ङिन् आबाङे खे़ङ्हाॽनु वाॽआङ् खुने़ॽ खे़ङ्हाॽरे़ खुनिॽ निङ्वाॽफुमाङ् पोङ्लो॥
निङ्वाॽफु माङ्हिम्मिन् नु नावाइत्लान् आक्खेलॽरिक् तङ्मा सुक्पे? थेआङ्भे़ल्ले़ आनिॽग आजुनि निङ्वाॽफुमाङ्ङिल्ले़ कुमाङ्हिम्सिरो॥ निङ्वाॽफुमाङ्ङिल्ले़ साम्योसाप्लाओ अक्खेलॽरिक् पाःत्तुआङ् पत्, “इङ्गाॽग खे़ङ्हाॽरे़ खुनिॽ लुम्मो वाॽआआङ् लाङ्घेःक्कारो॥ हे़क्क्याङ् इङ्गाॽ खुनिॽ निङ्वाॽफुमाङ् पोङ्ङा, हे़क्क्याङ् खे़ङ्हाॽ आमना मे़बोङ्लो॥”
निङ्वाॽफु पाःन्जाक्किन् नासिङ्गे़न् थक्लादिङ् पोःक्खे़आङ् इक्सादिङ् खाम्बेःक्मो आनिॽ लुम्मो वये़रो॥ खुने़ॽग लुङ्गुम् नु से़क्खाःल्ले़ कुधिम् चोगे़आङ् कुमिमिदिङ्ङिन् आनिसुम्माङ् आवाॽरो॥ खे़न् मिमिदिङ्ङिन् पानुदिङ् पाः निङ्वाॽफुमाङ्लाम् के़दाबा थिक्लक् कुस्साःल्ले़न् हे़क्तङ्बा चोगे़रो॥
इस्राइलबा निङ्वाॽफुमाङ् मुक्साम्दाङ्बा यहवे दाङ्बे़ल्ले़ पाःत्तुॽ, “आङ्गाॽ आमनाहाॽ खुन्छिॽ आबाङे लाजेॽओ नुःक्तुङ् तारुङ्सिङ्, हे़क्केःल्ले़ यहुदा लाजेॽ नु खे़ॽयोबा ये़क्यक्हाॽओ याम्मो थिक्ले़ङ् खे़ङ्हाॽरे़ अक्खे मे़बाःत्तुॽ, ‘यरुसले़ःम्बा सेसे कोःक्माए, साम्योबा के़वाॽबादे़न्ने यहवे दाङ्बे़ल्ले़ हाङ्वागे़न् मुॽइसाम् के़बिररो॥’
खे़म्ब्याङ् खे़ङ्हाॽरे़ इक्सादिङ् खाम्बेःक्मोबा के़रे़क् मे़न्छाम् सुवाङ्हाॽलाम् खिनिॽ के़रे़क् फुॽनुसाॽहाॽ अन्हाॽ, अन्लाधाहाॽ, लाधाहाॽ, अदङ्हाॽ नु उमेहाॽओ कक् मे़जोगुआङ् आङ्गाॽ आसेसे कोःक्मा यरुसले़ःम्मो यहवे दाङ्बे़ल्ले़ कुलागि सिदुङ्जभा हे़क्के मे़दारुॽ॥ इस्राइलबा मनाहाॽरे़ खुन्छिॽ साहाॽरे़ मे़दारुबा पोगुगे़न् कुजाःल्ले़न् सिदुङ्जभाहाॽ सुत्थो खप्प्याओ मे़याक्तुआङ् यहवे दाङ्बे़ल्ले़ कुहिम्मो मे़दारुबा हे़क्के खे़ङ्हाॽरे़ कन्हाॽ मे़दारुसिॽ॥
“हिजकियान् यहुदाबा हाङ् वये़ल्ले़ मोरेसेतलाम् के़दाबा माङ्निङ्वाॽपान् के़बाःप्पा मिकाःल्ले़ के़रे़क् मनाहाॽ कन् कुबाःन्जाक्किन् अक्खे मे़त्तुसि, मुक्साम्दाङ्बा यहवे दाङ्बे़ल्ले़ अक्खे पाःत्तुरो, “‘इक्ताप्पिन् के़क्चु थोङ्मनाबा हे़क्के सियोने़न् मे़दोःक्खुरो, यरुसले़ःम्मिन् लुःन्नाङ् लुङ्सिङ्हाॽ लुम्सिङ्लो हे़क्क्याङ् माङ्हिम्मोबा कोःक्मा फाङ्जङ्हाॽ ताम्भुङ् पोःक्ला के़बोबा के़धाङ्बा थुप्थाॽ कुइसिक् पोङ्लो॥’
दाङ्बे, खे़ने़ॽ साम्योबा के़याःम्बक् कुइसिक् खे़ने़ॽ के़साक्के़न्निन् नु के़सिक् पोःक्मान् खे़ने़ॽ के़ये़क्यक्, के़सेसे कोःक्मा यरुसले़मलाम् खे़त्ते़देसे़ॽओ॥ आनिगे लायो नु आनिगे पाधे़बाहाॽरे़ खुन्छिॽ फे़न्याःम्बक्किल्ले़ चोगुल्ले़ आनिगे कब्रिङ् पिसाङ्बा मनाहाॽरे़ खुन्छिॽ तगि यरुसले़म नु खे़ने़ॽ के़मनाहाॽ कुनामे़न्छाॽ मे़प्मा चाहाक् पोःक्खिगे़आङ् वयिगे़रो॥
इस्राइलबा के़दाङ्बा के़याःक्पा मनाहाॽरे़ थे़माआङ् याःम्बक् मे़म्भेःन्दुन्लो॥ खे़ङ्हाॽरे़ मे़न्वाॽमना पान् मे़म्बाःत्तुन्लो, खुन्छिॽ मुराओ इङ्ले़क् पाःन्नाङ् खोमे़दे़त्ने़न्लो, खे़ङ्हाॽरे़ मे़ज मे़धुआङ् मे़ले़ङ्ङाङ् मे़ने़रो, हे़क्क्याङ् खे़ङ्हाॽ हाःत्ले़आङ् यङ्मा मे़से़रुसिन्लो॥”
खे़न् ये़न्नो आङ्गाॽ यहुदाबा लाम्लोबाहाॽ यरिक् सिङ्हाॽओबा मिघाङ्ग्रोःक् याङ्मा साङ्ते़रे़ःङ् कुइसिक् नु चाधःङ्माहाॽरे़ कुलुम्मोबा हुरुरु के़दिःप्पा मि हे़क्तङ्बा चोगुङ्सिङ्ॽ॥ खे़ङ्हाॽरे़ काक् पिसाङ्बा, चुप्साङ् नु फे़न्छाङ् ले़प्माङ्बा के़रे़क् मनाहाॽ खाप्पुथ्यःङ् मे़जोगुसिॽ, कर यरुसले़ःम्मिन् आप्फेक् कुयुक्नाओ हाबा युङ्लो॥
थेआङ् खे़ने़ॽ के़नाक्पा के़बेःक्पा मना कुइसिक् के़बोःक्खे़बाबे? इग्र याप्मि फाॽमा मे़न्छुक्मनाबा मुक्के़गुबा थक्सुबा कुसिङ् थेआङ् के़बोःक्खे़बाबे? यहवे दाङ्बाए, खे़ने़ॽ से़क्खासाङ् आनिगे लुम्मो के़वाॽरो॥ आनिगे़ग खे़ने़ॽ के़मिङ् के़दक्पासिगे़ फाॽआङ् मे़निसिगे़रो, आनिगे याप्मि आन्नाॽरे़न्ने़ॽओ॥”
यहुदा थाङ्गे़त् गेबालाम् यरुसले़म लाङ्गे़त् रिम्मोन थारिक् के़रे़क् लाजेन् अराबा हे़क्तङ्बा पोङ्ॽ॥ कर यरुसले़ःम्मिन् चाङ्जाङ्बा मे़जोगुॽ, हे़क्क्याङ् बेन्यामिनरे़ कुलाम्धेःप्पोलाम् थिक्सिगेक्पा लाम्धेत् कुसुक्पोबा लाम्धेत् थारिक्, हे़क्क्याङ् हननेलरे़ कुजङ्हिम्मोलाम् हाङ्ङिल्ले़ कुजे़ल्ले़क्सेॽ एःम्मादे़न् थारिक् आप्फेक् कुने़मादे़न्नो ने़रो॥
Piblisite