जकरिया 8:22 - लिम्बु22 यरिक् मुक्साम्साबा मे़न्छाम् सुवाङ्हाॽ नु मे़न्छाम् याप्मिहाॽ मुक्साम्दाङ्बा यहवे दाङ्बे़न् कोःत्छे़ नु मुॽइसाम् नाःक्से़ यरुसले़ःम्मो मे़दारो॥” Gade chapit la |
जकरिया 8:22
18 Referans Kwoze
निङ्वाॽफुमाङ्ङिल्ले़ थिम्मे़न्दङ् सुवाङ्हाॽ खुनिॽ नसाःन्लाम् आप्तिक् मेःन्नेबा चोगुसिॽ के़लॽबा ताःन्दिबा पाःन्निन् साम्योसाप्लाओ साप्ते़आङ् पत्, हे़क्क्याङ् अब्राहाम्मिन् तगिसा अक्खेलॽरिक् सुनाइङ्ङिन् इङ्भन् चोगु, “काक् मे़न्छाम् सुवाङ्हाॽरे़ खे़ने़ॽ लाम्बाए हाङ्वागे़न् मुॽइसाम् मे़घोसुॽरो॥”
खुने़ॽ यरिक् मनाहाॽरे़ खुन्छिॽ लुम्मो खासे़न् चोगुरो, हे़क्क्याङ् माःङ्घा माःङ्घा थारिक्पा के़धुम्बा मे़न्छाम् सुवाङ्हाॽओ खे़माॽ पाःन्हाॽ कुनुप्मा खासे़न् निःन्धो चोगु पिरुसिरो॥ खे़ङ्हाॽरे़ खुन्छिॽ ताभेहाॽ मे़धगुआङ् चुगे़ङ् मे़जोगुरो खुन्छिॽ लाःक्हाॽ मे़भे़ःत्छुआङ् कुजा सिप्मा कात्च्या मे़धगुरो॥ मे़न्छाम् सुवाङ्हाॽरे़ खुन्छिॽ तक्ले़ङ्वाओ ताभे मे़न्याङ्सिङ्ङिन्लो, खे़ङ्हाॽरे़ याम्मो आप्फाल्ले़आङ् थङ् चोःक्मा मे़न्हुॽसिङ्ङिन्लो॥
आल्ल खे़निॽ वेॽ लाजेॽबा मे़न्छाम् सुवाङ्हाॽ के़उःत्तुम्सिम्लो— थिक् ये़म्मो खे़ङ्हाॽरे़ खे़निॽ कुसिङ् के़मे़न्निःत्तिल्लो, कर आल्ल खे़ङ्हाॽ खिनिॽनु फुत्छिङ्मारे़ लागि मे़लोक् मे़दारो! थेआङ्भे़ल्ले़ यहवे दाङ्बा खिनिॽ निङ्वाॽफुमाङ् इस्राइलबा सेसेबाल्ले़ खिनिॽ मिमिदिङ् चोःक्निङ्ङाङ् वाॽरो॥”
के़दाबा ये़म्मो यहवे दाङ्बे़ल्ले़ कुहिम् युङ्सिङ्बा यरुसले़म ये़क्यक्किन् इक्सादिङ् खाम्बेःक्को के़रे़क्नुःल्ले़ के़ये़क्पा पोङ्लो॥ इक्सादिङ् खाम्बेःक्मोबा के़रे़क् पिसाङ्बा कोःक्मा फाङ्जङ् थे़गु माङ्वाहाॽनुःल्ले़ खे़न् साॽरिक् के़ये़क्पा पोङ्लो, हे़क्क्याङ् के़रे़क् मे़न्छाम् याप्मिहाॽ खे़ॽयो माङ्से़वा चोःक्से़ मे़जुम् मे़दारो॥
यरिक् मे़न्छाम् सुवाङ्हाॽ खे़ॽयो मे़दाआङ् मे़बाःत्तुरो, “त्ये़म्मे़ॽओ, आनिॽ के़रे़क् यहवे दाङ्बे़ल्ले़ कुगोःक्माओ थाःङ् लिङुम्माङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ आबाङे कुलाम्मिन् आनिॽ ओसेःन् आधाक्लो, हे़क्केलॽरिक् कुलाम्मो आनिॽ लाङ्घेःक्मा आसुक्लो॥” थेआङ्भे़ल्ले़ साम्योथिम्मिन् सियोनलाम् नु यहवे दाङ्बे़ल्ले़ कुबाःन्जाःक्किङ्ग यरुसले़मलाम् तारो॥
यहवे दाङ्बे़ल्ले़ पाःत्तुॽ, “आसे़वारोबाए, आल्लसाङ् खे़ने़ॽ चोःक्मा के़बोङ्बा यम्बा याःम्बक् के़गत्तुरो॥ खे़ने़ॽ इस्राइलबा के़दाङ्बा के़याःक्पाहाॽ याम्मो आङ्गाॽओ के़नुःक्तु के़दारुसिरो, खे़म्म्याक्लक् मेःन्, मे़न्छाम् सुवाङ्लुम्मो यम्बा ओःत्ति चोःक्ने़रो॥ हे़क्क्याङ् इक्सादिङ् खाम्बेःक्किल्ले़ कुनुप्माधारिक् आङ्गाॽ आसे़न्लप्पिन् खे़ने़ॽ के़गे़त्तुरो॥”
यहवे दाङ्बा निङ्वाॽफुमाङ्ङिल्ले़ अक्खे पाःत्तुॽ— “ओमे़त्ते़ॽओ, आङ्गाॽ इक्सादिङ् खाम्बेःक्मोबा मे़न्छाम् सुवाङ्हाॽ हुक्चाःल्किःल्ले़ उःत्तुङ्सिङ्लो, हे़क्क्याङ् आङ्गाॽ आनिसान् इक्सादिङ् खाम्बेःक्मोबा मे़न्छाम् सुवाङ्हाॽरे़ खुन्छिॽ तगि लेःत्तुङ्लो॥ खे़ङ्हाॽरे़ खे़ने़ॽ के़स्सा ये़म्बित्छाहाॽ खुन्छिॽ हुक्को मे़बक्खुसिआङ् मे़दारुसि के़म्बिरो, खे़ब्याङ् के़स्सा मे़न्छुमाहाॽग खे़ङ्हाॽरे़ खुन्छिॽ फक्ताङ्ङो मे़बक्खुसिआङ् मे़दारुसिरो॥
सिदाक्पा लाओ के़याक्पा ताम्भुङ् थक्सा हे़क्तङ्बा मिस्र लाजेन् खे़ने़ॽ फे़ःक्ते़ॽओ, आधोःङ्धोःङ्बा कुम्बाबा पित् नु पित्सात्हाॽ खे़ने़ॽ के़भे़ःक्तुसिबा कुइसिक् मे़न्छाम् सुवाङ्हाॽ खे़ने़ॽ फे़ःक्ते़से़ॽओ॥ खे़ङ्हाॽरे़ मे़गत्तुबा युप्पाहाॽ खे़ने़ॽ से़वा के़म्मे़त्ल ले़त्ति मे़दोन्दुर याःन्दे़से़ॽओ॥ थङ् चोःक्मा खुनिॽ सिराॽगे़धाङ्बाहाॽ खे़ने़ॽ फुत्छिङ्छाःङ् से़से़देसे़से़ॽओ॥
यरिक् मे़न्छाम् सुवाङ्हाॽ मे़दाआङ् अक्खे मे़बाःत्तुरो, “त्ये़म्मे़ॽओ, यहवे दाङ्बे़ल्ले़ कुगोःक्मान् लिङुम्लो, हे़क्क्याङ् याकुबरे़ कुनिङ्वाॽफुमाङ्ङिल्ले़ कुहिम्मो पेगिरो॥ खुने़ॽ कुलाम्मो लाङ्घेःक्मा आनिॽ आहुॽरो, हे़क्केलॽरिक् आनिॽ खुने़ॽ कुलाम्मो लाङ्घेःक्मा आसुक्लरो॥” थेआङ्भे़ल्ले़ साम्योथिम् इङ्जाङ्ङिन् सियोनलाम् तारो, हे़क्क्याङ् यहवे दाङ्बे़ल्ले़ कुबाःन्जाक्किन् यरुसले़मलाम् लःन्लो॥
Piblisite