जकरिया 8:21 - लिम्‍बु

²¹ हे़क्‍क्‍याङ् लत्‍छा ये़क्‌यक्‍कोबा मनाहाॽ वेॽ ये़क्‌यक्‍को अक्‍खे मे़लॽर मे़बेक्, ‘मुॽइसाम् नाःक्‍से़ खिमो यहवे दाङ्‌बाओ पेगि हे़क्‍क्‍याङ् मुक्‍साम्‍दाङ्‌बा यहवे दाङ्‌बे़न् कोःत्तुम्॥ आङ्‌गाॽ आप्‍फेक्‍काङ् पेःक्‍का॥’

जकरिया 8:21 Referans Kwoze

जकरिया 7:2

बेथेलबा मनाहाॽरे़ सरेसेर नु रेगेम-मेलेक्‍के़न् हे़क्‍क्‍याङ् खे़ङ्‌हाॽरे़ खुन्‍छिॽ मनाहाॽ यहवे दाङ्‌बाओ कम्‍भलॽरिक् मुॽइसाम्‍ले़ लागि पेलि फाक्‍से़ मे़बाङ्‌घुसिआङ् वये़,

होसे 6:3

यहवे दाङ्‌बे़न् आनिॽ कुसिङ् निःत्तुम्‍लो, यहवे दाङ्‌बे़न् कुसिङ् निःप्‍मारे़ लागि चक्‍मे़ल्‍लॽए तम्‍सिङ् चोगुम्‍लो॥ तानाम् नाम् लिङ्‌बा हे़क्‍के खुने़ॽ से़क्‍खा तारो, खुने़ॽग आनिॽओ हाङ्‌वामा ये़म्‍मोबा वहित् हे़क्‍के, खाम्‍बेक् वागे़रङ्‌बा कुनुप्‍मोबा वहित् कुइसिक् तारो॥”

निङ्‌वाॽफु साम्‍लोसुम् 103:22

यहवे दाङ्‌बे़ल्‍ले़ के़रे़क् कुनावागे़न् चइःत्‍हाॽरे़ खुने़ॽ कुनारा फोसे़म्‍मे़ॽओ, कुहाङ्‌जुम्‍मो के़वाॽबा के़रे़क्‍ले़ कुनारा फोसे़म्‍मे़ॽओ, आङ्‌गाॽ यहवे दाङ्‌बे़ल्‍ले़ कुनारा फोसुङ्‌लो॥

जकरिया 8:22

यरिक् मुक्‍साम्‍साबा मे़न्‍छाम् सुवाङ्‌हाॽ नु मे़न्‍छाम् याप्‍मिहाॽ मुक्‍साम्‍दाङ्‌बा यहवे दाङ्‌बे़न् कोःत्‍छे़ नु मुॽइसाम् नाःक्‍से़ यरुसले़ःम्‍मो मे़दारो॥”

२ साप्‍मुःन्‍धुम् 11:16

यहवे दाङ्‌बा इस्राइलबा निङ्‌वाॽफुमाङ्‌ङिन् निङ्‌वाॽ इगेःक्‍काङ् कोःप्‍मा निङ्‌वाॽ के़जोःक्‍पा इस्राइलबा के़रे़क् थाःक्‍हाॽलाम् के़युबाहाॽ यहवे दाङ्‌बा खे़ङ्‌हाॽरे़ खुन्‍छिॽ पाधे़बाहाॽरे़ खुनिॽ निङ्‌वाॽफुमाङ्‌ङो सिदुङ्‌जभा तोःन्‍छे़ यरुसले़ःम्‍मो के़युबा ले़बिहाॽरे़ खुन्‍छिॽ एगाङ् मे़धासिङ् मे़ये़॥

यसैया 2:3

यरिक् मे़न्‍छाम् सुवाङ्‌हाॽ खे़ॽयो मे़दाआङ् मे़बाःत्तुरो, “त्‍ये़म्‍मे़ॽओ, आनिॽ के़रे़क् यहवे दाङ्‌बे़ल्‍ले़ कुगोःक्‍माओ थाःङ् लिङुम्‍माङ् याकुबरे़ कुनिङ्‌वाॽफुमाङ्‌ङिल्‍ले़ कुहिम्‍मो पेगिरो॥ खुने़ॽ आबाङे कुलाम्‍मिन् आनिॽ ओसेःन् आधाक्‍लो, हे़क्‍केलॽरिक् कुलाम्‍मो आनिॽ लाङ्‌घेःक्‍मा आसुक्‍लो॥” थेआङ्‌भे़ल्‍ले़ साम्‌योथिम्‍मिन् सियोनलाम् नु यहवे दाङ्‌बे़ल्‍ले़ कुबाःन्‍जाःक्‍किङ्‌ग यरुसले़मलाम् तारो॥

यर्मिया 31:6

ओरो, अक्‍तङ्‌बा ये़म्‍मिन् तार पत्‍लो, हे़क्‍क्‍याङ् एफ्राइमबा कोःक्‍मा फाङ्‌जङ्‌हाॽओ इक्‍के़गोबाहाॽरे़ अक्‍खे मे़बाःत्तुबा इक्‍लान् खे़म्‍दे़त्‍लो, ‘सियोःन्‍नो थो आनिॽ यहवे दाङ्‌बा निङ्‌वाॽफुमाङ्‌ङो पेगिरो॥’”

युहुन्‍ना 1:37

युहुन्‍नाःल्‍ले़ हे़क्‍के पाःत्तुबा कुहुॽसाम्‍बाहाॽरे़ खे़प्‍से़त्‍छुआङ् ये़सुन् तिम्‍दे़सुरो॥