जकरिया 8:19 - लिम्बु19 मुक्साम्दाङ्बा यहवे दाङ्बे़ल्ले़ अक्खे पाःत्तुॽ—“लिसिगेक्पा, ङासिगेक्पा, नुसिगेक्पा नु थिबोङ्गेक्पा लाओ तःक्ने़त् युङ्मारे़ कुले़क्वा यहुदाबा मनाहाॽ मे़सःत्ल, खुन्छिॽ निङ्वाॽ तार हे़क्क्याङ् ये़ये़ मे़लॽर॥ हे़क्क्याङ् खे़ङ्हाॽरे़ से़क्खा नु सनारुङ् निङ्वाॽ मे़इःत्तुर॥” Gade chapit la |
जकरिया 8:19
27 Referans Kwoze
हे़क्केलॽरिक् मुक्साम्दाङ्बा यहवे दाङ्बे़ल्ले़ कुहिम्मोबा निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ अक्खे मे़मे़त्तुसिआङ् से़ःन्मे़लाप्तुसि, “माङ्हिम्मिन् मे़यन्छु मे़देसुबाल्ले़ चोगुल्ले़ यरिक् तङ्बे तगिआङ्धो चोगुम् युरुम्बे़बा हे़क्के थे ङासिगेक्पा लाओ आनिगे मे़रिङ् थक्मा नु तःक्ने़त् युङ्मा पोङ्बि?”
खे़ल्ले़चोगुल्ले़ सिदकियाहरे़ हाङ्युक् चोगुबा फाङ्सिगेक्पा तङ्बेओबा थिबोङ् ला के़रे़बा थिबोङ् ये़न्नो बेबिलोनबा हाङ् नबुकदनेसररे़ यरुसले़ःम्मिल्ले़ कुदक्ले़ङ्वाओ के़रे़क् कुधक्सुबाहाॽ फे़त्तुसिआङ् फे़रे़॥ खे़ङ्हाॽरे़ ये़क्यक्किन् किर्गप् मे़गबु हे़क्क्याङ् लुङ्धाक्हाॽ लुःम्मारे़ लागि चन्जम्बादे़न्हाॽ मे़जोगु॥
हे़क्क्याङ् यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़भे़न्लो॥ खे़ङ्हाॽ साम्मे़लोर यरुसले़म ये़क्यक्को मे़लाःत्लो, सदादिङ् के़वाॽबा सःप्मान् खे़ङ्हाॽरे़ खुन्छिॽ तिच पोङ्लो॥ खे़ङ्हाॽ आभे़ल्ले़साङ् मे़सःत् मे़येःत्लो, हे़क्क्याङ् निङ्वाॽ तुक्मा मे़रिङ् थक्मा मे़बोङ्ने़ल्लो॥”
थेआङ्भे़ल्ले़ खे़न् ये़न्नो यहुदिहाॽरे़ खुन्छिॽ निङ्मिहाॽलाम् नाःम्सिङ्मा मे़घोसुबा नु खुन्छिॽ लागि निङ्वाॽ तुक्खे चामालाम् सोसोत्लराङ्ङो हे़क्क्याङ् मे़रिङ् थक्मालाम् ससाङ्स्रोत् चोःक्मा लाओ ले़क्खे़आङ् वये़॥ खे़ङ्हाॽरे़ खे़न् ये़न्हाॽ तङ्नाम् नु सोसोत्लराङ् चोःक्मा, हे़क्क्याङ् खुन्छिॽ लुम्मो चामा कुजाहाॽ हुक्वा हाक्सिङ्मा नु याङ्गे़साॽबाहाॽ हुक्वा पिमासि ये़न् हे़क्के तोमा पोङ्ॽ फाॽआङ् खुने़ॽ साप्तु॥
यहवे दाङ्बे़ल्ले़ कुमे़ल्लुङ् हुङुआङ् थे़ॽरुसिबाहाॽ मे़नुःङ् मे़दारो, खे़ङ्हाॽ सियोन ये़क्यक्को साम्मे़लोर मे़लाःत्लो, खम्ब्याङ् सदादिङ् सःप्मान् खे़ङ्हाॽरे़ खुन्छिॽ थे़गेःक्कोबा तिच हे़क्के पोङ्लो॥ खे़ङ्हाॽरे़ सःप्मा नु निङ्वाॽ तामान् मे़घोसुरो, खे़ब्याङ् हाःप्मा नु मे़रिङ्धक्मा मे़बोङ्ने़ल्लो॥
हाङ्ङिल्ले़ कुइङ्जाङ् के़गे़प्पा, के़रे़क् ते़ङ्गप् नु के़रे़क् ये़क्यक्हाॽओ यहुदिहाॽरे़ खुन्छिॽ लागि निङ्वाॽ तामा नु सिक्सम्मा, साभःङ्जा चामा नु सोसोत्लराङ् चोःक्मा ये़न् पोःक्खे़॥ हे़क्क्याङ् वेॽ सुवाङ्बा यरिक् मनाहाॽ यहुदि मे़बोःक्खे़, थेआङ्भे़ल्ले़ यहुदिहाॽनु खे़ङ्हाॽ मे़गिसे़रो॥
कल्ले़चोगुल्ले़ मनाहाॽ चाने़ःत्तो मे़युङ्बा ये़न्नो खे़ने़ॽ माङ्हिम्मो पेगे़ॽ खम्भ्याङ् आङ्गाॽलाम् खे़ने़ॽ के़घे़प्सुबा साप्लाथःङ्मो साप्ते़आङ्ने़बा यहवे दाङ्बे़ल्ले़ कुइङ्घङ्हाॽ यम्बा इक्लाओ निरे़ॽआङ् मनाहाॽ खे़म्बाङ्घे़से़ॽ॥ यहुदाबा ये़क्यक्हाॽलाम् के़दाबा के़रे़क् मनाहाॽरे़ मे़घे़प्सुर निरे़ पिरे़से़ॽ॥
कल्ले़चोगुल्ले़ सिदकियाह हाङ्ङिल्ले़ हाङ्युक् चोगुबा फाङ्सिगेक्पा तङ्बे थिबोङ्गेक्पा ला थिबोङ्गेक्पा ये़न्नो बेबिलोनबा हाङ् नबुकदनेसरे़न् खुने़ॽ के़रे़क् कुधक्सुबाहाॽनु सोरिक् यरुसले़ःम्मिल्ले़ कुदक्ले़ङ्वाओ तगि थासिङ्ङाङ् फे़रे़, हे़क्क्याङ् खे़न् किर्गप् कबुआङ् थक्सुबा ने़त्ना साःङ्गाहिम् नु चन्छिङ्मा खाम्लुङ्हाॽ फोःक्खु॥
Piblisite