जकरिया 7:5 - लिम्बु5 “लाजेॽओबा के़रे़क् मनाहाॽ नु निङ्वाॽफुसाम्बाहाॽ अक्खेलॽरिक् सेःन्दोसे़म्सिम्मे़ॽ, ‘खिनिॽ खे़न् नुबोङ् तङ्बे थारिक् ङासिगेक्पा नु नुसिगेक्पा लाओ तःक्ने़त् के़युङिआङ् मे़रिङ् के़धक्तिल्ले़, थे खे़न् आङ्गाॽ आमिङ्ङिल्ले़ लागिए तःक्ने़त् के़युङिआङ् वये़बि? Gade chapit la |
जकरिया 7:5
27 Referans Kwoze
हे़क्केलॽरिक् मुक्साम्दाङ्बा यहवे दाङ्बे़ल्ले़ कुहिम्मोबा निङ्वाॽफुसाम्बाहाॽ नु माङ्निङ्वाॽपान् के़बाःप्पाहाॽ अक्खे मे़मे़त्तुसिआङ् से़ःन्मे़लाप्तुसि, “माङ्हिम्मिन् मे़यन्छु मे़देसुबाल्ले़ चोगुल्ले़ यरिक् तङ्बे तगिआङ्धो चोगुम् युरुम्बे़बा हे़क्के थे ङासिगेक्पा लाओ आनिगे मे़रिङ् थक्मा नु तःक्ने़त् युङ्मा पोङ्बि?”
“हे़क्क्याङ् खिनिॽ चाने़त् के़युङ्ङिल्ले़ निङ्वाॽ के़जिःप्पाहाॽ कुइसिक् खिनिॽ ना मे़माक्ते़म्मिन्ने़ॽओ, थेआङ्भे़ल्ले़ खे़ङ्हाॽ चाने़त् मे़युङ्ङिल्ले़ वेॽ मनाहाॽरे़ निङ्वाॽ मे़घोसुर फाॽआङ् खुनिॽ नारान् मे़गिःन्दुर मे़युङ्लो॥ इङ्गाॽ से़क्खाए मे़त्निङ्, खे़ङ्हाॽरे़ग खुनिॽ हाङ्से़म्मिन् के़रे़क् मे़घोसु मे़सुरुआङ् मे़वाॽरो॥
“हे़क्क्याङ् खिनिॽ तुवा के़जोगुम्मिल्ले़ कुनिङ्वाॽ के़जिःप्पाहाॽ कुइसिक् मे़जोगे़म्मिन्ने़ॽओ॥ खे़ङ्हाॽरे़ग मनाहाॽरे़ मे़निसुर फाॽआङ् यहुदि चुम्लुङ्हिम्मो नु लाम्लाम्मो ये़प्माआङ् तुवा चोःक्मा खुनिॽ सिराॽथाङ्लो॥ इङ्गाॽ से़क्खाए मे़त्निङ्, खे़ङ्हाॽरे़ खुनिॽ याःम्बक्किल्ले़न् हाङ्से़म्मिन् तगिए मे़घोसु मे़सुरुआङ् मे़वाॽरो॥
हे़क्केलॽरिक् मे़ङ्गप्मनाबाहाॽ कुजा के़बिरुसिल्ले़ वेॽहाॽरे़ मे़घे़प्सुर मे़निसुर फाॽआङ् मुक्ला मे़मुक्खे़न्ने़ॽओ॥ कुनिङ्वाॽ के़जिःप्पाहाॽरे़ यहुदि चुम्लुङ्हिम्मो नु लाम्लाम्मो मनाहाॽरे़ मे़निसुआङ् खुनिॽ नारा मे़भोसुर फाॽआङ् हे़क्के मे़जोगुॽ॥ इङ्गाॽ से़क्खाए मे़त्ने़ॽ, खे़ङ्हाॽरे़ खुनिॽ हाङ्से़म्मिङ्ग तगिसा मे़घोसु मे़सुरुआङ् मे़वाॽ॥
आल्ल थक्सुबाहाॽओबा के़रे़क् सुहाङ्युक्पाहाॽ नु खे़ङ्हाॽरे़ खुन्छिॽ मनाहाॽरे़ बेबिलोनबा हाङ्ङिल्ले़ गदल्याहन् चुक्सा हाङ् युक्तिङ् चोगु के़लॽबा पाःन्निन् मे़घे़प्सु, खे़ब्याङ् खे़ङ्हाॽओ नतन्याहरे़ कुस्सा इस्माएल, कारेहरे़ कुस्सा योहानान, नतोपाति तन्हुमेतरे़ कुस्सा सरायाहन् नु माकातिरे़ कुस्सा याजन्याहन् हे़क्क्याङ् खे़ङ्हाॽरे़ खुन्छिॽ मनाहाॽ गदल्याहओ मिस्पा मे़बे॥
खे़ने़ॽ मिधिङ्मनादेमनाबा सिदुङ्जभा तोःम्मारे़ लागि मे़ल्लुक् मे़न्दाःत्ते के़वाॽरो, हे़क्क्याङ् वयागे़न् सिदुङ्जभाःल्ले़ आङ्गाॽ मिङ्सो इङ्धाङ् मे़म्बिए के़गत्तारो॥ कुजा सिदुङ्जभा तोःम्माआङ् माङ्से़वा आयाःम्बक् चोःक्मारे़ लागि खे़ने़ॽ के़लिःप्पा कक् मे़ङ्गुःत्ते कत्ने़रो, खे़ब्याङ् सुक्पा साङ्सिङ्ङाङ् नाःक्ने़आङ् के़नासे़र याःन्ने़बा होप्लो॥
कर खे़ङ्हाॽरे़ मे़बाःत्तुॽ, ‘आनिगे तःक्ने़त् युङिगे़रो, हे़क्क्याङ् खे़निॽ थेआङ् के़न्निसुम्मिम्बाबे? आनिगे नःम्नःम्बा पोःक्खिगे़रो, हे़क्क्याङ् खे़निॽ थेआङ् निनि के़न्लाप्तुम्मिम्बाबे?’ हे़क्केसाङ् खिनिॽ तःक्ने़त् के़युङिबा ये़न्नो खिनिॽ आबाङे चोःक्मा निङ्वाॽ के़जोगुम्बा पाःन्निन्लक् के़जोगुम्लो॥ खे़म्ब्याङ् खिनिॽ याःम्बक् के़जोःक्पा के़बिबाहाॽ के़रे़क् के़घुम्सुम् के़से़रुम्सिम्लो॥
Piblisite